فتاة احبها قلبي

مشكور

يلا يا عازف نبي الباقي scratch

عضو مميز المساهمات : 910 تاريخ التسجيل : 01/07/2008

من عيوني ما طلبتو شي

ومشكورين على المرور

يا ليت لو يفهمني يوم

عضو مميز المساهمات : 910 تاريخ التسجيل : 01/07/2008

طبعا بالمزرعه كانت الأمور مره حلوه و عبير متحمسه انها تفاتح مريم بموضوع محمد
بس تبي تمهد الطريق للموضوع مو عارفه شلون و مساعد قالها لا تستعجلين تصعقينها
بالخبر
*=*=*=*=*=*=*=*
مرت الأيام عليهم بسعاااده و مساعد كان لازم يتمشى مع عبير بالمزرعه على الأقل ساعه
الصباح عن يزعجونهم و مريم للحين ما تكلم مساعد بس إذا أضطرت تقوله اللي تبي
و جوابه بس
بعد مرور اربع أيام أقترح عمار انهم يعزمون بيت خاله ابو خالد طبعا لطيبت ابو حمد
ما رفض و رحب بهالشي و مريم قالت تبي تخلي بيت ام مها يجيونها
و دام مريووم حبيبت قلبه طلبت ما رفض علشانها و ما تأخرت بالإتصال تقولهم
و أم حمد بعد تبي تعزم بيت ام وليد يجونهم يومين على الأقل
طبعا ابو حمد طلب خيمه.. اكبر الخيام المكيفه علشان تكفيهم طلب تركيبها بسرعه
مريم وهي تكلم مها: شتقنااالكم
مها: والله حنا اكثر مستانسين ان شاء الله
مريم: الحمد الله بس زهقانين الحالنا فا قلت الأبوي انكم تجون تدرين شقال..
مها: شقاااااال..؟
مريم: قال حياهم الله
مها: صج حلللللللللفي (تذكرت انها بالشركه كان طلال عندها سكتت)
طلال بتسم لها حس انها صغيره وينها وين هموم إدارة الشركه ماخذه الدنيا بعفويه
مها: اوكي مريووووم انا مشغوله الحين
سكرت منها مها: معليه اندمجت حيل بالسالفه
طلال: عادي
مها: ياله بتفتكون مني بنروح المزرعه ان شاء الله
طلال: من حقج تتحمسين للسالفه أيل
ضحكت مها كانت تحس ان طلال قريب لها تحترمه و أي شي يصعب عليها على طول طلال...
وهو مستانس من هذا الشي انه مهم عندها
محمد كلم اهله و قالهم تراكم معزومين على مزرعة بيت ابو حمد
طبعا البنات ستانسوا من قلب و ستعدوا للروحه
ام حمد قالت الأم وليد و رحبت بالفكره و انهم بيجونهم العصر ان شاء الله
مها طلعت على طول من الشغل وين تفوت مثل هذي الروحه
طبعا قالت لهم و هم استعدوا الهذي الروحه
مها: تدرين رؤى حتى غاده بتيي
رؤى: حلللللفي ونااااااااااااااااسه
هديل: مني غاده؟؟
مها: وحده تعرفنا عليها بالجامعه و جيران مريم
طبعا على الساعه 1 انطلقوا بيت ام مها للمزرعه طبعا مها تدلها لأنها رايحه لها من قبل
و بيت ام وليد كانوا ينتظرون وليد ....
بيت ابو خالد ما راح يجونهم ليوم باجر
.........................................
طبعا الأستعدادات شغاله بترتيب الغرف لهم الاولاد بينامون تحت بالخيمه اللي بتنحط
و داخل البيت الغرف الصغار البنات و الغرف الكبار للشياب
مريم كانت تسوي حلى و ماتبي احد يساعدهم كانت مشغله الجوال حاطه الاغاني و تشتغل بحماس
كانت ما لابسه الحجاب بحكم ان الاولاد برى لابسه بنطلون و تي شيرت بدون البدي الطويل
كانت فاتحه الثلاجه تحط الكريمه تجمد شوي دخل محمد
يحسبها الخدامه : عطيني ماي
مريم جمدت مكانها مو قادره ترفع راسها
محمد راح لها هي رفعت راسها و بتعدت عن الثلاجه
محمد وقف منصدم تم فتره مجمد من الصدمه وهي واقفه اطالعه مصدوومه متفشله ودها تختفي ما بقى شي ما حست فيه
محمد نزل راسه و لف: أسف ماكنت ادري انج هنيه
مريم الصحن كان بيدها ما حطته : مو مشكله شكنت تبي
محمد: هاه كنت ابي ماي
مريم طلعته من الثلاجه و حطته على الطاوله و وخرت على جنب
هو اخذه و طلع بس شكلها أنطبع بمخيلته نظرتها له شعرها المتناثر
بشكل حلوو من الشغل و الصحن اللي ماسكته كان شوي ويطيح
والأغاني المشغلتها جنها سيلانيه
ضحك عليها وهو متفشل من موقفه
مريم يتها الضحكه طالعت شكلها اللي نعكست على الصينيه
مريم: وي طالع كشتي شنو هذا (كان غبار الدريم ويب على جبهتها) فشيييله و الأغاني
يمكن بسببها يحسبني الشغاله هههههههههههههه
عبير: منوووووو هو
مريم نزت طاحت الصينيه بالمغسله: خرعتيني
عبير:هههههههههههههه بسم الله عليج ما قلتيلي منو
مريم و ويها احمر : هاه
عبير: ليكون مساعد
مريم: لاااااا
عبير: أشوه خفت تكونين خرعتيه بكشتج
مريم:مالت عليج
عبير: منووو ايل ..
مريم: ... محمد
عبير ستانست: حلفففففي
مريم: تفلتي علي الله يخسج
عبير: عسل المهم قولي شسويتي
مريم: تميت واقفه بمكاني هو لف ويه و راح لا ههههه والأغاني مشغله بالجوال جني خدامه ههههه
عبير:ههههههههههههههه الله يفشلج..... المهم بس شنو مسويه لنا
مريم: سر ياله طلعي و على فكره البنات شوي ويوصلون
عبير: صج أيل بتمشى برى شوي و اجي... سي يو ...
مريم بتطنز و يمكن غيره شوي: تتمشين هاه لا تنسين تاخذين معاج روميو و كتاب أشعار يعني جو رومنسي
مع الحر و الرطوبه يـــا سلااااااااااااام ولا أروع
عبير: جـــــب ما عنج سالفه أروح السعووودي أحسن
طلعت عنها وكملت مريم شغلها وهي كل شوي تبتسم
................
على الساعه 3 وصل اول وفد بيت ام مها
طبعا البنات راحوا المريم بالمطبخ
مها: السلااااااااام عليكم
مريم طالعتهم: لااااااااااااااااااااا طلعوا برى فشيله ما غيرت ملابسي
رؤى وهي تروح لها: فديتج حلووه بكل شي
مريم : لا جذيه اصير مغروره عليكم
سلمت عليهم و صارت القعده مررره حلوه بوجود الشله
بعدها وصلوا بيت ام وليد و كتمل الفريق بوجود غاده
داليا مع الحريم
طبعا سوو هجوم على المراجيح كلهم يلعبون
لأولاد طبعا اغلب الوقت بالسرداب علشان البلياردو مسوين مباريات بينهم
او لعب بلاي ستيشن
على المغرب حطت مريم الحلى بتودي الصينيه للرجال بالخيمه
دقت عليهم
رد محمد :الوووو
كان زعاج و مريم ما تدري منو الي رد
مريم: الوووو منو انت
محمد: اا نا محمد
مريم: مدري منو انت لكن المهم انا بجيب لكم صينيه تعال خذها ثقيله اوكي
محمد:طيب
عبير: مريم شكثر احط بصحن
مريم: تقريبا مربع
طلعت معاها الصينيه محمد كان واقف برى الخيمه ينتظر مريم
مريم يت كان مظلم المكان من بعيد ما تميز من هو
يوم قربت وقفت مكانها متفشله بعدها مشت
مريم: تفضل
محمد: مشكوره يعطيج العافيه
مريم: الله يعافيك على الله يعجبكم
محمد: ان شاء الله
دخل هي راحت عند الحريم و كملوا سهره
عبير: مريم
مريم: هلا
عبير: من جينا ما سبحنا متى نسبح
مريم: اففا عليج كنت افكر بنفس الشي شرايكم على الـ 9 او الــ 10 نقولهم انا نبيه
البنات وافقوا على كلامها و هم مستانسين
مريم دقت على الخيمه
ابو حمد: نعم
مريم: هلا يبه اقولك وين الأولاد
ابو حمد: بالمسبح
مريم: اوكي باي
ابو حمد: مع السلامه
دقت على المسبح محد رد عليها
الأولاد كانوا يسبحوون كل واحد يقول للثاني انت رد
مريم حطت إيدها على الجرس ولا شالته
عمار: نعاااااااااااااااااااااااااااام
مريم شوي كلمت بط اذنها: وجع شوي شوي
عمار: شتبين
مريم: الساعه 10 نبي المسبح
عمار: زين ان يتوا قبلها ذبحتكم 10 بنطلع منه
مريم: مشكووووور خيووو
سكر عنها و قال لهم انهم يبونه 10
و ستمرت الوناسه بالمكان
هديل: انا بروح اتمشى ورجع
مريم: ما راح تشوفين شي بالليل
هديل: مو مشكله
راحت تتمشى وهي تفكر و تحاول تصفي أفكارها
تمشت اخر شي قعدت على المرجيحه حقت مريم
كانت مريحه و فيها كوشايات ضمت وحده حست ودها تصيح
.............
وليد وهو بيطلع من المسبح: بروح اتمشى تعبت سباحه
عمار: اوكي
غير ملابسه و طلع يتمشى ويفكر
وصل لمكان هديل بس ما شافها كانت ما تبين لان المرجيحه لها مظله
يوم مشى وصل قدامها لو ان هديل ما تحركت كن ما شافها هي كانت
منزله راسها و تبجي هو ما يدري من هذي
وليد: احم غاده؟؟
هديل رفعت راسها و الدموع ماليه ويهها
وليد أنصدم تم واقف يطالعها (لا مو معقوله هي...)
هديل وقفت تمت طالعه بهدوء و صدمه طبعا بان ويهها بالنور يوم وقفت
وليد: هـ ... هـديل!!!!!!!!
هديل اسمها جئ مثل الصاعقه عليها (مو معقوله هو هو نفسه اللي بالمجمع هو نفسه واقف قدامي
هو نفسه)نطقت بسمه : وليـد!!!! .... (و الدمعه تسيل على خدها بحرقه)
عم الصمت بينهم فتره وهم مصعوقين بهذا اللقاء الغير متوقع
يتبعـــ
::::::::::::::::::::::::::::::::::::::::::::::::::

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

..((.. الجـــــــــــزء الثلاثون ..))..

بعـــــــــــــــد صمت نطقـ بكل أحاسيسه
وليد: انتي هديل يعني... ما كنت غلطان يوم شفتج بالمجمع ما كنت غلطان
هديل تمت طالعه و عيونها تذرف الدموع
وليد تقدم بتجاها وقف تذكر حنا كبرنا مو مثل يوم كنا بالغربه
وليد: هديل ليه تبجين ؟؟
هديل: كـ نت ابي اعرف انت او لا و هذاني عرفت طلعت انت بلحمك و دمك
وليد: مقدر اطول اكثر عن أذنج (قالها و ريوله رافضه الحراك يحس انه مشاهم بالغصب
بتعد لكن تارك قلبه معاها طاير حواليها من الفرحه)
هديل مسحت دموعها و أخذت نفس عميق و بتسمت بكل رضا عن نفسها و تجهت للفيلا
وليد بعده مصدووم عمره ما نسى هديل و كان عنده صورهم أيام المدرسه لأن نظامهم جذيه كل ما خلصت سنه يصورون صوره جماعيه للطلاب و كل طالب له نسخه
كان دايم يطالعها و يتخيل شكلها شلون بيصير بعد هذي المده و تحقق حلمه و شافها
على الساعه 10 حرقت مريم التليفون على الأولاد علشان يطلعون
هم رافضين الطلعه على اخر دقه مساعد راح لمحمد
مساعد: حمووود رد
محمد: ليه
مساعد: لو انا رديت بتسكره لأنها زعلانه مني
محمد: تستاهل على الحركه اللي سويتها
مساعد: جب مو وقت نصايح رد عليها قولها بنطلع الحين
محمد رد : نعم
مريم رتبكت: السلام عليكم
محمد: و عليكم السلام
مريم: بس كنت بسأل متى بتطلعون الحين 10.10
محمد: الحين نشيل قشنا و نطلع
مريم: هاه طيب سلام
محمد: سلام
سكره طالع مساعد مساعد بتسم له بتسامه غبيـــه بمعنى الكلمه و راح عنه
محمد يحمد ربه ويشكره على خبال مساعد لكن محمد لاحظ ان لهجتها معاه غير عن الكل تذكر شكلها بالمطبخ بتسم و يوم طلعوا كلهم دق على غرفة مريم
قالها انهم طلعوا خل يجيون
طبعا وناسة البنات ما تونصف و هديل من عرفت ان وليد هنيه و نفسيتها متغيره
بس مستغربه ليه ما تتذكر لبنات
البنات كانوا يسبحون هديل راحت لمريم وهي بالمسبح
هديل: الريم
مريم: هلا
هديل: بعد ما نطلع ابي اقولج شي لحالج اوكي
مريم ستغربت: اوكي
راحت عنها بعد ساعه من السباحه و الوناسه مريم طلعت ترتاح شوي قعدت شافت ساعه على الطاوله شكلها مو غريب عليها عبير يتها
عبير: مو جنها ساعة محمد
مريم: ايه اضن
عبير: ليه عندج هاه
مريم: لقيتها هنيه شكله نساها
قعدت يمها و مريم تلعب بساعه و سرحانه تبي تعرف سر الإرتباك اتجاه محمد
عبير: مريوووم
مريم: هلا
عبير: اذا خلصنا أبيج لحالنا بقولج شي
مريم ستغربت شفيهم اليوم : اوكي لكن عندي شغله اسويها بعدها اجيج
عبير: اوكي عن أذنج بروح أسبح
مريم ما قدرت تستانس تبي تعرف وش يبون منها البنات
جتها هديل: مريوووم منتي سابحه
مريم: لا شبعت سباحه بروح أبدل
هديل: حتى انا فرصه علشان اكلمج بالموضوع
غيروا ملابسهم و طلعوا يتمشون مريم حطت الساعه بجيبها و راحت
مريم: هاه هدووول شعندج
هديل: مريووم تذكرين الولد اللي قلتلج عنه
مريم: أي واحد
هديل: اللي شفته عند البحيره ذكرتيه
مريم: أيــــه ذكرته شفيه
هديل: شفته مريوووم شفته
مريم: وين؟؟!!
هديل: طلع ولد جيرانكم و انتي ما تدرين
مريم انصدمت : وليد!!!!!...
هديل: أي وليد يااااااااااي تلاقينا عند مرجيحتج يوم طلعت اتمشى
مريم كانت منصدمه ليه زعلت يوم حست ان وليد نفسه اللي تتكلم عنه هديل(خنقتها العبره ليه ما تدري)
هديل: مريووووم
مريم: هلا
هديل: شفيج
مريم: لا سلامتج بس ما قلتيلي عرفج
هديل: اكيد يوم شافني ناداني بإسمي وهو منصدم مثل ما انا نصدمت فديته ما نساني بعده يذكرني
مريم بتسمت لها : على فكره يمكنه كان موجود بالشاليهات يوم كنا هناك
هديل طالعتها : شدراج
مريم: لا .. بس جوري يوم شافته قالتله ان هي اللي حذفته بالكره وهو أكد لها معناتها كان بالشاليهات
هديل: بعد ليتني كنت شايفته وحنا هناك ياااي حدي مستانسه
مريم حست انها تبي تصيح لكن مو عارفه شنو السبب بعد ما تمشوا شوي رجعت هديل للفيلا و مريم قعدت بالمرجيحه حقتها و هي مضايقه لسبب تجهله
مها طبعا دق عليها سيف اللي تعودوا على بعض فا طلعت عنهم تكلمه طبعا صار سيف شخص مهم بالنسبه لها غير عن الكل طبعا ما شافته من يوم كانت بالمطار
عبير راحت عند مريم يوم عرفت انها بالحديقه لحالها مساعد كان يتمشى مع محمد و يسولفون عن كل شي يخطر ببالهم من ظمن سوالفهم مريم
عبير وهي تقعد:مرررحبا
مريم حاولت تطرد حزنها: مراااحب خلصتوا
عبير: ايه من زمااان
مريم: وينهم البنات
عبير: داخل يمكن ياكلون تلاقينهم ميتين يوع
عبير تبي تجيب سالفة محمد بأي طريقه ما تقدر تصبر لكن خايفه من ردت فعل مريم .. قعدوا مده ساكتين
مريم وهي طالع الجهه الثانيه : شكنتي تبين مني
عبير: اممممممممممممم مدري شلون اقولج
مريم: قولي معني عارفه شنو بتقولين
(هذا كله وهي لافه ويها عن عبير لأن الدموع تارسه عيونها)
عبير: اتحداج (عبير حست لسانها مو قادر ينطق بأي شي معنها مجهزه اللي بتقوله لها )
مريم: شي يخص مساعد صح
عبير: هاه ... ايه شدراج يمه تخرعين (مالت علي مو مشكله)
مريم: شصاير بعد
عبير ما حست ان مريم زعلانه تحسبها دايخه عقب السباحه وبس
كملت كلامها: والله ما ادري شلون اتعامل معاه صاير يدلع الخايس
مريم: ليه
عبير: مدري عنه ذاك اليوم يدلع يقول سويلي غداي ما ابي أكل من غداهم لا ويبي شنو مجبوس دياي يوم شاف اني ما اقدر اسويه قعد يضحك ويطنز علي
مريم: تدرين ان مساعد يستهبل
عبير: فديته و فديت أستهبال مريووووم والله اني احبه حددددي
طبعا عبير كملت سوالف عن طلعاتها مع مساعد و شلون حبه يزيد بقلبها
مريم حست بغيره منها و من هديل كل وحده لقت اللي يحبها و يلبي طلباتها
عبير كانت مندمج بالسوالف و تضحك
قررت تجمع شجاعتها و تقول المريم عن محمد بهذا الوقت كان مساعد و محمد مقربين منهم يعني يسمعونهم
عبير: مريوووووم بقولج شي عن محمد و مساعد
محمد وقف يطالعهم و مساعد تم يطالع
عبير: ذاك اليوم مساعد و محمد كانوا بالسرداب جكيتهم وهم يسولفون عنـ ..
مريم وقفت وهي تصرخ على عبير: خلاااااااااااااااااااااص
عبير انصدمت اول مره تصرخ عليها مريم
مريم يدعت المخده على عبير و كملت: خلاااااااص ما ابي أسمع شي عنكم
عبير: مريم كنت بقولـ
مريم: قلت لج خلاص ما ابي أسمع ولا كلمه ( قامت تصيح و عيونها متركزه على عبير ) هاااااج (طلعت الساعه من جيبها و يدعتها على الأرض عند عبير) عطيها محمد ماااابي أشوفكم لا انتي ولا مساعد
عبير: شذمبه محمد طيب تيدعين ساعته بالأرض
مريم: كيفي ماااا حبكم كلكم تخليتوا عني يوم حققتوا اللي تبونه نسيتوني
(قامت تشهق من البجي قهرها من مساعد على حركته و حركتهم و تذكرت كلام هديل عن وليد) كل واحد يقابلني يسولف عن نفسه ولا فكرتوا تسألوني شفيني مليييت اكرررهكم
راحت عنها متجهه صوب محمد و مساعد
محمد نصدم صدمه كبيره من مريم....
و مساعد بعد قام يلوم نفسه لأنه صج نساها
مريم يوم شافتهم وقفت اطالعهم و الدموع تنزل من عيونها
محمد: مريمـ أنا... (مريم حطت يدينها على أذونها علامه يعني أسكت)
مشت عنهم وراحت للفيلا و قعد بغرفتها و رفضت تفتح الباب لحد
عبير طبعا كانت مصدوومه حست بندم شافت محمد و مساعد بجت
عبير: والله ما كنت أقصد ... ما كنتـ
مساعد راح لها يهديها: خلاص عبير مريم تلاقينها كانت مضغوطه نفسيا و حنا صج أهملناها مو مثل أول
عبير: انا ما همني غير محمد شدخله بالموضوع بس الحين شكلي خربت كل شي
محمد: ليتني ما سمعت ليتني ظليت على حلمي و ماسمعت اللي قالته
مساعد: محمد شفيك لا تنسى أنها كانت منهاره و ما تفكر باللي تقوله
محمد بحرقه: شتفسر نظرتها لنا يوم شافتنا
مساعد: ما كانت اطالع غيرك انا مهتمت لي يمكن كانت مثلك بداية حب قلبها و نبضه لك
سكتوا كلهم طبعا مع هذا الحدث خرب يومهم مريم كانت تبجي بألم و حرقه
ألم ان محمد سمعها و هي ما كانت قاصده بس لأنه صديق مساعد اللي نساها بعد ما حقق أمنيته طبعا ما خلت عبير تنام عندها بالغرفه و عبير أصلا ما راحت لها تدري أنها ما تبي تشوف أحد فنامت مع البنات بغرفتهم بحجة أن مريم نايمه و قافله الباب طبعا فرق بينهم وبين مها اللي كانت بقمت السعاده بوجود سيف بحياتها
و عترافه لها بأنه يحبها من كل قلبه
................................................

يتبعـ البقيه

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

طبعا مريم ما قدرة تنام بهذا اليوم من القهر على الساعه 5 الصباح كان النور خفيف
فتحت الشباج تتأمل المكان و الدموع على خدها تسيل مر قدامها لقطه يوم تيدع
ساعة محمد تذكرت انها ما أخذتها فتحت باب غرفتها بهدووء تتفقد المكان
يوم ما شافت حد البست الروب و حجاب حطته على شعرها نزلت بهدووء لتحت
طلعت من الباب الرئيسي متجهه للمرجيحه دورت الساعه لقتها مرميه على مكانها اخذتها و نفضت عنها التراب سمعت صوت احد ركضت ورى الشجر شافت محمد
يتمشى الحاله و بعده على ملابسه من أمس قرب من المرجيحه ويدور حواليها
و تحتها مريم عرفت انه يدور عن الساعه قعد هو على المرجيحه و سند راسه و غمض عيونه مريم طبعا حاولت تبتعد دون ما يحس فيها فتمشي على يدينها و رجولها و هي منزله راسها مشت مسافه يوم حست انها بعدت قامت وراحت ركض من باب المطبخ الغرفتها و سكرت الباب و هي تتنفس بسرعه من التعب
على الساعة 7 وصلوا بيت ام خالد والبنات كانوا كلهم قاعدين عدا مريم
ما تبي تقابل أحد كانت بالفراش ولا قامت و كل ما ذكرت كلامها تبجي أكثر كسرت خاطرها عبير
ليه صرخت بويها جذيه
ام حمد: عبير وينها مريم للحين ما قعدت
عبير: لا يمكن نامت مبجر وقعدت بالليل وتوها تنام
ام حمد: قومي يمه شوفيها قوليلها بيت خالج يو خل تنزل
عبير ما تقدر تقول مريم ما تبي تحاجيني سكتت وراحت فوق وقفت عن باب غرفة مريم مو قادره تناديها و طق الباب نزلت قالت لأمها ان مريم مانامت إلا الصبح طبعا تأليف علشان تفك نفسها من الموقف الصعب
شهد: مبروووك عبير على الملجه
عبير: الله يبارك فيج عقبالج
شهد: هو آمين بس مو الحين
مي: تعالي انتي تقربين لرؤى
عبير: لا ما نقرب البعض
مي: من صج فيكم شبه بس بشنو ما أدري صح شهووده
شهد: حتى أنا بغيت أقول لكم سبحان الله تصلحون خوات
مي: اللي يشوفج يقول اننا نشبه بعض هذا انا اختج و لا أشبهج طبعا انا أحلا منج بدون نقاش
شهد: تكفييين
ضحكوا البنات عليهم طبعا كانت الجمعه حلوه بس ناقصه مريم اللي تسوي لهم جو بزياده
البنات راحوا يتمشون يبون يستمتعون بكل لحظه بطلعتهم شافهم محمد عبير شافت محمد نزلت راسها
ندمانه بأنها السبب باللي صار لهم أمس..
محمد دور مريم ما لقاها عرف انها للحين زعلانه
عبير حاولت ما تبين حزنها للبنات هم يايين يستانسون فا ما تبي تخرب عليهم هديل كانت تبطي مشيتها
تبي تشوف وليد لأن شكلهم توهم يقعدوون من النوم كانت طالعه من الفيلا متأخر و اطالع جهة الخيمه
ما حست إلا بواحد يناديها جدامها
..: هديل
هديل نزت ولفت طالعته : عزيز هلا
عزيز: قولي لهم نبي الفطور
هديل: ان شاء الله (تحمد ربها ان عزيز ما سألها شفيها طالع بذيك الجهه)
قالت لهم و طلعت تلحق على البنات بطلعتها كان وليد توه طالع من الحمام شافته وقفت مكانها
هو الف طالع و وخر بس يوم انتبه هذي هديل لف يطالعها مره ثانيه
هديل بتسمت وراحت مسرعه عند البنات وهو بتسم وراح عند الشباب بالمجلس
.................................
مريم كانت تطل من الدريشه اللي تطل على الخيمه كانت تشوف محمد و تستسمح منه بقلبها
كل ما تذكرت شلون كانت نظرته و شلون سكته تلوم نفسها اكثر
طلعت كراستها و اقعدت ترسم هي كل ما حست بحزن ترسم كأنها طلع حزنها فيه مع هذا كان رسمها يطلع حلوو غير عن إذا كانت مستعده للرسم و رايقه ما تجيبه بنفس الجمال
رسمت مزهريه فيها باقة ورد و رسمت ورده طايحه او متروكه على الطاوله و حولها بقعه من الماي
رسمتها كأنها هي هذي الورده الوحيده و لونتها طبعا أخذ منها وقت طويل بس حست براحه بعد ما رسمتها
بهذا الوقت دق احد باب غرفتها طالعت الساعه كانت على 3 العصر
مريم: منو
محد رد عليها قامت فتحت الباب ما لقت احد جت بسكره شافت باقه صغيره من الورد
اخذتها وهي مستغربه من منو ضحكت وسكرت الباب عجبتها كانت وردة جوري كبير حواليها
ورود بيض متوسط كبرهم ملفوفين بمنديل... من الحديقه طلت من الشباج تبي تشوف منو يطلع
راحت الشباج الثاني اللي يطل على طرف من المسبح و باب السرداب ما لقت احد
مريم: منو.!!!!!! ( شافت البنات قاعدين مع امهاتهم برى معناتها ما فيه حد بالبيت كانت تحسبها عبير)
رجعت للباقه طالعتها و حست بنبض قلبها انه تغير جاها مسج راحت فتحته
طالعت المرسل
((.حموووودي.))
إن كان "نور عيني"مايساوي
"غلاك"
أشهد اني بخيل فيما عطيت
وش تبي
آمر , تدلل!
يابعد هذا وذاك
تبي<قلبي> تبي <كلي>
قلي وشـ بغيت
تبي روحي لجل تهنى
وتضحك شفاك..؟
إذا يرضيك خذها بس قول اني وفيت ...
والله فقدتك> وعلى فكره.....>

..احبــــك..
................................................
مريم طبعا ما قدرت تركز وهي تقرا حست برجفه بجسمها حست كأن ماي بارد على جسمها ترتعش
من قلب و كل شوي تعيد اللي تقراه تحاول تركز مو قادره ضحكت بصوت مسموع حاولت تمسك نفسها ما قدرت
حطت يدها على فمها تكتم الضحكه كل اللي تبي تستوعبه كلمة احبك
ما تدري تبجي و لا تضحك هي بحلم ولا علم
((من جهه ثانيه))
محمد كان قاعد على أعصابه ما يدري وش ردت فعلها هو تردد بأرسال المسج
لكن قرر محد يدخل بينه وبين مريم يبي يوصلها مشاعر بنفسه خصوصا بعد اللي صار
مساعد يحسب محمد زعلان على اللي قالته مريم راح له
مساعد وهو يقعد يمه: حموود
محمد: نعم
مساعد: خلاص ما يسوى عليك تزعل جذيه قلنالك ما كانت تقصد
محمد طالعه: الأيام بتثبت كل شي (قام بيطلع) على فكره لا انت ولا عبير أبيكم تدخلون بالموضوع اوكي
مساعد استغرب و وافق على كلامه دق على عبير و قالها انها ما تقول شي لمريم
عبير: اصلا ما شفناها من أمس
مساعد: من صج
عبير: تدري حتى ما نمت عندها بالدار
مساعد: مو مشكله خليها على راحتها اهم شي لا تجيبين لها السالفه
عبير: ان شاء الله
سكر منها وهو محتار مع هالأثنين قرر يتركهم
محمد طلع من الخيمه مريم كانت تطل و شافته بتسمت كانت ماسكه وردة الجوري بيدها مع الجوال
طالعته وهي سرحانه مو مستوعبه(( محمد يحبني)) دق جوالها
محمد سمع صوته رفع راسه شافها
هي كانت واقفه على جنب و ردت على الجوال ما نتبهت لمحمد
شافها ماسكه الورده بإيدها عرف انها اخذتها بتسم ورتاح شوي وراح للسرداب
مريم لتفت ما لقته سكرت الشباج و نزلت بعد ما غيرت ملابسها
دخلت الصاله: السلام عليكم
الكل:وعليكم السلام
راحت لأم خالد وسلمت عليها البنات كانوا بالمطبخ
ام خالد من زمان ما شافت مريم : ياحليلج مريم كبرتي و حلويتي
مريم: مشكوره خالتي وين البنات
ام حمد: يمكن بالمطبخ
راحت لهم دخلت تلاقت نظراتها مع عبير
مريم: السلااااام عليكم
الكل لف عليها : وعليكم السلام
طبعا سلمت على شهد و مي و قعدت تسولف معاهم كأن ما صار شي
عبير مو متشجعه تكلمها تخاف تتفشل بعد ما طلعوا البنات
مريم: عبير..((عبير لفت بسرعه طالعها)) .. اسفه ما كنت أقصد اللي قلته
عبير: مسموووحه الغاليه انا الي أسفه (وراحت لمتها ) شتقتلج والله لا تعودينها
مريم بتسمت لها و كملوا سوالف كنهم ما شايفين بعض من زماان
.................................................. ..
بعد ما تغدت ... راحت السرداب بعد ما تأكدت ان مساعد هناك
نزلت طلت تأكد ان المكان أمان راحت له شافت محمد وقفت بعدها قررت تروح
مريم: احم احم (بتسمت)
طالعوها ثنينهم محمد قلبه يدق بسرعه لكن يوم شاف ابتسامتها ارتاح شوي
مريم: السلااااااام عليكم
محمد و مساعد: وعليكم السلام
مريم كانت ميته فشل من محمد: شلووونكم
مساعد سكت محمد: بخير عاش من شافج
مريم: عاش غاليك .... سعووووود ليه ما ترد ترى قلت شلوونك
مساعد: تمام وانتي
مريم: بخير .... مساعد أنا... أسفه على اللي صار أمس ما كان قصدي
مساعد: مو مشكله حصل خير
مريم: وانت ... محمد أسفه على الحركه اللي صارت أمس (كانت الساعة بيدها مدتها لمحمد) تفضل ساعتك
محمد: مسموحه الغاليه.. مسكينه ساعتي كانت ضحية زعلج (مريم حمرر ويها من قلب راحت عنهم)
مساعد طالع محمد: حموووود ما ستحت إلى قايلها شي
محمد: شدخلك كمل لعب أحسن لك زين
مريم كانت بطير من الونااااسه اخيرا بتعيش حياة حلووه مثل البنات
يتبعــــــــ
:::::::::::::::::::::::::::::::::::::::::::::::::: ::::::

الباقي

عضو مميز المساهمات : 910 تاريخ التسجيل : 01/07/2008

يسلمو اختي على المرور
تحياتي

يا ليت يفهمني لو يوم

عضو مميز المساهمات : 910 تاريخ التسجيل : 01/07/2008

هههههههه لا تحكين راسك بكمل القصه
ويسلمو على المتابعه

عضو مميز المساهمات : 910 تاريخ التسجيل : 01/07/2008

.. ((.. الجـــــــــــــ (31) ـــــــــــــزء ..))..

كانت الأجواء عموما حلوووه على الكل
البنات كانوا مجمعين عند التلفزيون اللي بالسرداب يشوفون فلم و الأولاد
عند المسبح كالعاده
مريم تمللت ما عجبها الفلم قامت
عبير: وين الريم
مريم: بروح فوق مليت من الفلم
عبير: بجي معاج
مريم بتسمت تحس ان عبير حيل مشتاقه لها
صعدت لقت الحريم يسولفون بالصاله
مريم : السلام عليكم
الكل: و عليكم السلام
مريم: يمه طلبتج (باست راسها)
ام حمد: اللهم اجعله خير
مريم:شنو شايفتني مو مهم يمه خلينا نشوي اليوم الله يخليج
ام حمد: منو يشوي قوليلي
مريم: احنا ترى نعرف تكفين لا تقولين لا
ام خالد: والله انا مشتهيه اشوي بعد
مريم: عاشوا لقيت واسطه قويه
ام حمد: روحي قولي اللخدامه خل تبهر الدياي للشوي
مريم: تامرين أمر جم ام عندي انا
ام حمد: يصير خير فارجيني بس
راحت قالت للخدامه صعدت مريم لغرفتها و أخذت رسمتها عقب ما تأكدت انها نشفت
طبعا كراستها كبيره شوي تصلح اوراقها تصير لوح نزلت تبي توريهم كالعاده من تخلص رسمه
لازم توريهم تاخذ رايهم فيها طبعا تكتب وراها تاريخ و الوقت اللي رسمتها فيه
مريم: أمي ... أمي
ام حمد: نعم
مريم وقفت و ورتهم الرسمه : شرايكم فيها بكل صراحه
ام حمد: حلووووه تهبل
طبعا انبهروا بجمال الرسمه و اللي زادها جمال طريقة التلوين مخليه الورد كأنه حقيقي مع قطرات الماي
عليه معطتها روووعه بزياده
مريم طبعا ستانست من أطرائهم على رسمتها : بروح أوريها البنات
نزلت لقت الفلم مخلص و قاعدين يسولفون
مريم: بناااااااااااااااااات شرايكم فيها
رؤى: تهببببببببببببل منو راسمها
عبير: مريوووم رسمتها
مي: الورد عجيــــب مشاء الله
و كل واحد قال رايه
مريم: تذكرة أمشوا نجهز الشوايه
شهد: بنشوي.....
مريم: ايه ليه
شهد: ونااااااسه خلوني انا أشوي أموووت فيه
مريم: أشوى على بالي ما تحبين الشوي
مي: من صجج هذي جنها ساحر تموووت على شي أسمه فحم و نار
شهد: احسن منج يا الدلوعه
حطت مريم رسمتها على الطاوله و راحوا يجهزون الفحم بطلعتهم كان الأولاد توهم متجهين للسرداب طبعا شلة بنات كثار و كلهم يمشون سوى
عمار: جاكم جيش النمل وخروا عنه لا يقرصكم
مساعد و محمد كفخوه على راسه واحد على يمينه واحد على يساره
عمار: اااااااااااااااااااخ وجع شكو طقون
مساعد: لا تقول عنهم جذيه خطيبتي بينهم
محمد: وانا خواتي معاهم
مساعد طالعه بنظره يعني علينا هذي الحركات
طبعا البنات كملوا طريقهم جهزوا الشوايه اللي تجيب الفحم و اللي ترتب الفرشه و الكراسي للقعده
طبعا شهد تكفلت بشب النار لأن كل وحده خايفه تحترق علشان حاطين بانزين ما لقوا قاز
الأولاد بالسرداب عمار راح لطاولة المطبخ شاف رسمة عرف انها حقت مريم من لقبها اللي كاتبته
و عمار يدري ان مريم ما ترسم بهذا الجمال إلى اذا كانت حزينه او مضايقه من شي
سالم: مو جنه هذا رسم مريووم
عمار: بلى رسمها شكلها توها راسمتها
سالم : بس تصدق حلوووه من جد احلى من رسماتها قبل
مساعد: أشوووف أرفعها
رفعها سالم لهم طبعا عجبتهم و محمد كان منبهر هو عرف انها ترسم لكن مو بهذا الجمال
رجعوا حطوها مكانها
البنات مسوين صجه بالشوي ضحك و سوالف كان الوقت المغرب قريب من العشاء
بالغصب طلعوا الحريم علشان يقعدون معهم و كل شوي مهزئينهم اقلبوا هذي شيلوا هذي كل شوي قايلين لهم انتوا ما تعرفون تشوون
......... بعد ساعه و نص من معركة الشوي ......
مريم وهي تشيل أخر قطعه : خلصناااااااااااا هذي أخر وحده
البنات قاموا يصفقون لها و هي تحييهم
طبعا الحريم راحوا داخل و البنات شالوا الأشياء و دخلوها
ابو حمد: مريووووووووووم
مريم: هلا يبه
ابو حمد: لا طفون النار نبي نسوي عليها شاي
مريم: ان شاء الله
دخلوا البنات عبير راحت تبدل لأن البانزين أنكب عليها و هي شايلته
ام حمد دخلت المطبخ: اقول بنات
الكل: هلا .. نعم
ام حمد: باجر لحد يطلع برى ابو حمد بيجيب عامل يرش دواء على المنحله يعني بيهيج
فا لحد يطلع
الكل: ان شاء الله
راحت عنهم و البنات كملو حط و وزعوه بصحون للريايل و الحريم مع بيبسي
عبير نزلت و كملت ترتيب معهم
طبعا العشاء كان مره حلووو خصوصا انه الكل متعاون بتجهيزه
بعد العشاء
مريم: يوووووووه (قامت بسرعه)
عبير: شفيج..
مريم: نسيت رسمتي تحت بروح أجيبها لا تنشق
نزلت ركض اخذتها حمدت ربها ان ما صار لها شي و دتها غرفتها
وهي فوق سمعت صوت أحد يتكلم من غرفة البنات
راحت توها بطق الباب سمعت صوت مها وهي تكلم و باين من طريقة كلامها ان
اللي تكلمه ولد ما حبت تدخل و تقولها علشان ما تقول انها تتسمع على كلامها
نزلت وهي ما تدري شتسوي مع مها
بعد سهره حلوووه عدت على الكل توزعوا بالغرف بس مريم محد نام معاها غير عبير
نام الكل وهو يحمل أجمل ذكريات هذا اليوم
..............................
.....((يوم الثلاثاء )).....
البنات كانوا بسابع نومه لسبب السهر بالسوالف عدا عبير و مريم
الي كانوا قاعدين على الساعه 11.30
مريم كانت قاعده بس منسدح بفراشها و تفكر بمحمد اللي اعترف لها انه يحبها
و كل شوي تبتسم و تستعيد ذكرياتها يوم ساعدها و وصلها البيت يوم اهتم بحالها وهي مريضه
غمضت عيونها فتحتهم تخرعة من قلب
كانت عبير حاطه ويها بويه مريم هذا اللي خرعها
عبير: ههههههههههههههههههههههههههههه وناسه خرعتج
مريم: يالخايسه يمه قلبي احس انه وقف ما قام يدق
عبير: زاد مغمضه عيونج و تبتسمين جنج خبله
مريم: كيفي والله يعني الواحد ما يذكر أشياء حلوه يضحك عليها
عبير: يالله صباح خير أمداج تقعدين على شان تفكرين
مريم: التفكير ماله وقت سكتي بس (قامت تغسل ويها و تبدل علشان تنزل)
عبير كانت ترتب شكلها جدام المرايه بعدها نزلت تحت ما انتظرة مريم
طبعا على ما نزلوا تحت كانت الساعه 12.20
مريم قبل لا تنزل دقت الباب على البنات خلتهم يقومون غصب ما طلعت
لما شافت وحده منهم قايمه تغسل ويهها
نزلت تحت لقت عبير تلعب بلاي ستيشن
مريم: وينهم؟؟؟
عبير: بالمجلس الثاني
مريم: يوعانه تجين تاكلين
عبير: اذا ناويه تتهزئين جربي تقربين من المطبخ
مريم وهي تستهزء: ليه من هزئج
عبير طالعتها و كملت لعب: محد
مريم: اتحدى المهم بلعب انا
عبير: انا طلبته من الأولاد أنا العب متى ما شبعت عطيتج
مريم سحبت الجوستيك(المضرب أو اليده) منها: عطييييييييييني أبي ألعب
عبير ما سكته و تكمل لعب خسرت : يووووووووووه شفتي خسرتيني
مريم: احسن عطيني يااااااااااااه(كانت تسحبه حيل و عبير تسحب هدته عبير ويصقعلج الجوستيك بويه مريم)
عبير: ههههههههههههههههه احسن
مريم: اااااااااااااااااااااااااااااااي يعور من صج (من قوت الظربه دمعت عيونها لأن طقها تحت عينها بشوي)
عبير: اسفه ما كان قصدي مريوووووووووووم
مريم: أسامحج بشرط
عبير: شنو
مريم: خليني ألعب
عبير: خلاص بخليج
قعدوا يلعبون و البنات ينزلون من فوق دايخين يمرون على مريم و عبير يشوفون هوشتهم
فرق مرووقين حيل و هم كل وحده تنزل تنسدح على الكنب بثقل من لدووخه
مريم وهي تناقز: فــــــــــــززززززت ييس يس يييييس اها..اها..اها عاشوا(و ترقص)
عبير طالعها: اللي يشوفج يقول حاله لغز ترى كلها( كراش)
مريم: مووووووتي حره لأنج ما قدرتي تفوزين ويووووو الفاشله
شهد: أمــــــــــ الرواقه عليكم حدكم مروقين
عبير و مريم: بسم الله علينا
شهد: كلتوني ما شاء الله ما قلت شي
حطوا الغداء و البنات كل وحده تتثاوب من جهه
ام خالد: لوعتوا جبدي كل وحده حاطه إيدها على الطاوله مسنده راسها عن يطيح و تتثاوب
شهد: كله من بعض الناس قعدوونا بالغصب
ام حمد: تستاهلون شلكم بالسهر
عبير و مريم: أحم أحم
مريم: شوفونا شحلاتنا ننام مبجر و نصحى نشيطين مو جذيه بنت عمي
عبير: إيه والله شلنا بالسهر
البنات لفوا عليهم يطالعونهم كل وحده بنظره تخرع
مريم تقرب من عبير و عبير نزلت راسها و قربت من مريم
مريم: يمه يخرعوووون خلينا نسكت أحسن
البنات ضحكوا من كثر ما نبطت جبدهم من رواقت عبير و مريم
عقب الغداء كملوا البنات نومهم على الساعه 3 عبير تلعب بلاي ستيشن مريم راحت فوق غرفتها
تكتب يومياتها و الأحداث اللي صارت
........

البقيــــه بالطريق

thnx
يلا الباقي Razz

عضو مميز المساهمات : 910 تاريخ التسجيل : 01/07/2008

مشكووووووووووور ه على المرور
تحياتي

مشرف المساهمات : 1863 تاريخ التسجيل : 17/06/2008

الااااااااااااي
يلا يلا عطناااااااااااا البااااقي

يلا يا عازف

عضو مميز المساهمات : 910 تاريخ التسجيل : 01/07/2008

مشكورين على المرور
ومن عيوني اكمل الباقي
تحياتي

انزين يلا الباقي ههههههه Razz

عضو مميز المساهمات : 910 تاريخ التسجيل : 01/07/2008

طيب يلا في الطريق

عضو مميز المساهمات : 910 تاريخ التسجيل : 01/07/2008

جوري: عبير نبي نلعب أنا و رولا
رولا: ايه الله يخليج
عبير: هاكم أصلا مليت
قامت طلعت برى تتمشى وهي تحب تروح ناحية الورد توقف تتفرج على الحديقه
وصلت لها نطت داخل تتمشى فيها
ما أمداها دخلت إلا هجم عليها النحل بالبدايه تحسبه حشرات صغار تحاول تكشهم
ما قدرت استوعبت انه نحل يوم شافته على إيدها حاولت توخره وهي تكشه طقت إيدها
بشجر اللي حولها و يهيج النحل و يعلق فيها من كل الجهات هي من الخوف مو داله طريقها
خصوصا أنها داخل بين الورد قامت تركض وهي مغمضه عيونها و تصارخ
طبعا الكل كان داخل لأنهم عارفين سالفة النحل عبير ما كانت تدري
مع كل حركه تسويها يهيج نحل زياده و يهجم عليها بداء يقرصها
وصلت سور الحديقه توها ناطته حست ان قلبها ذاب من كثر ما قرصها النحل من كل الجهات
حاولت تصرخ بكل طاقتها مشت ببط
عبير طالعت شافت مريم تطل من الدريشه نادتها لكن خلاص ما فيها حيل تصارخ
حاولت تمشي على كثر ما تقدر أخر شي طاحت مغمى عليها
مريم اكنت تطل لكن ما نتبهت العبير توها بتسكر الشباج شافت حد طايح
نزلت ركض مريم وهي تتنفس بسرعه: جووري... وينها عبير
جوري: يمكن راحت برى
مريم: عببببببيييييييير (راحت ركض للباب طلعت للحديقه راحت صوب عبير ) عبييييير حاولت ترفعها ما قدرة
ركضت لخيمة الرييايل فتحت الباب بقوه خلا الكل يلف عليها هي كانت تبجي من الخرعه
وهي تفتحه: الحقووووووووووووووووا
ابو حمد قام لها: شفيج شصاير
مريم: عبير مغمى عليها بالحديقه و النحل عليها
قام الكل ركض و مريم تركض جدامهم طبعا مساعد طار قلبه من الخرعه كان اول الواصلين مع فواز
مساعد فصخ قميصه(تي شيرت) و لفه على إيده و قام ينفض النحل عنها
عمار معاه مخدر النحل: مساعد وخر قام يرش عليها
مريم كانت واقف و تبجي مو عارفه شتسوي
مساعد: بروح أشغل السياره
فواز وهو يشيل عبير: بسرعه كاني جايك
قام مساعد و شغل السياره ركبوا عبير وراح معاهم فواز و ابوه
مريم: برووووح معاكم
عمار: وين تروحين خليج هنيه
مريم تبجي من الخوف
ابو حمد: خلاص مريم لا تبجين .. فيه حد يدري
مريم هزت راسها بمعنى لا و لمت ابوها
هو يمسح على راسه عارف شكثر هي عزيزه عليها خصوصا انها اول منشافها
طالع ويها ابو حمد: شفيه خدج قارصتج نحله
مريم: لا كنت .... العب مع عبير و طقني الجوستيك
عمار يبي يخفف الجو: الجوستيك طقج ... ما خبري انه يتحرك وينه خليني اكسر ايدينه
مريم فيها الضحكه: عماروووه مالي خلقك
عمار: مدري عنج تقولين طقج
مريم: إلا اقولك كنت اتهاوش مع... عبير عليه و كنت اسحبه هي هدته وصقع بويهي
عمار: المهم انتي روحي داخل
مريم: لا... اخاف يسألوني وين عبير شقولهم
ابو حمد: ما ردهم بيدرون
مريم راحت وهي خايفه شتقولهم
دلخت توها بتصعد نادتها أمها كانوا مجتمعين بالصاله
مريم: نعم
ام حمد: شفيج؟
مريم: ما فيني شي
ام حمد: ليه عيونج حمر
ام فواز: وينها عبير
مريم خنقتها العبره قعدت على الدري تبجي
ام فواز : شصاير لعبير
مريم: قرصها النحل و اخذوها المستشفى توهم (ركضت لغرفتها لاقتها رؤى بالدري ستغربت شصاير)
نزلت لقت ام فواز تبجي و الجو معتفس
رؤى صعدت متجهه لغرفة مريم طقت الباب: مريم ممكن
مريم: منو
رؤى: انا رؤى
مريم: دخلي
دخلت لقتها تمسح عيونها و قاعده على السرير
رؤى: مريم شفيكم شصاير ليه خاله ام فواز تبجي؟؟؟!!
مريم: عبير.. بالمستشفى
رؤى: مستشفى !!!!!!!!!! ليه
مريم: طلعت و ماكانت تدري عن النحل و هاج عليها لقيتها مغمى عليها برى ( تمسح دموعها)
رؤى نصدمت قبل شوي كانت تلعب و بقمت الحيويه : مريوووم خلاص لا تبجين
راحت قعدت يمها مريم حطت راسها على جتف رؤى وهي تبجي بصمت
رؤى نزلت دمعتها ما تقدر تشوف حد يبجي قعدت معاها
طبعا الجو كان حزين ما يدرون شصار على عبير و محد دق عليهم
مريم مسحت دموعها: بروح لها
رؤى: وين حتى ما تدرين وينهم
مريم ما سمعت شقالت رؤى بدلت و لبست حجابها و طلعت حاولت رؤى تمنعها ما قدرة
رؤى وهي تنزل وراها: مريم وقفي ستهدي بالله
وقفت مريم فجئه يوم سمعت يقولون عبير بالعنايه المركزه صعدت ركض رؤى وقفت منصدمه
مريم دخلت على البنات أخذت مفتاح سيارة مها و طلعت لاقت رؤى
مريم: اذا قعدت قوليلها مريم اخذت سويج سيارتج
رؤى: مريم مصممه تروحين
مريم: ايه لا تقولين لحد لين ما اطلع علشان محد يمنعني
نزلت سوت نفسها مو ناويه على شي
سألت شصار وو ينهم يوم عرفت هم بأي مستشفى قامت بتطلع من باب المجلس
عشان محد يشك توها طالعه شافت عمار مع محمد
راحت بهدووء للسياره هم معطينها ظهرهم
شغلت سياره لفوا يشوفون منو
عمار: هذي مريم...!!
محمد: الحق عليها قبل لا تروح
ما مداهم وصلوا حركة مريم السيارة ما همها احد
عمار راح الخيمه : يبه مريم راحت
ابو حمد: وين!!! مع منو؟؟
عمار: اخذة سيارة مها و راحت
سالم قام بيلحقها مسكه ابوه طالعه: خلني ألحق عليها
ابو حمد: انت تعرف غلاة عبير عندها ما راح ينفع اللي بتسويه
الكل سكت
مريم دقت على عمار و سألته هم بأي مستشفى تتأكد
ام حمد: وينها مريم
رؤى: مريم.... راحت لعبير
ام حمد: شنو... متى
رؤى: اخذت سويج مها و راحت لها من شوي
هزت ام حمد راسها لأن عارفه محد بيرد مريم اذا كان الشي يخص عبير
مريم كانت تسوق تحاول انها ما تسرع بس المشكله ان المستشفى تبعد نص ساعه
كانت تمر قدامها لحظاتها مع عبير شلون بلحظه صار اللي صار
تلوم نفسها تحس انها هي الغلطانه
...................
قعدوا البنات من النوم و قالتلهم رؤى اللي صار عن يسوون ازعاج اذا نزلوا
قعدوا بالغرفه و كل وحده سارحه بخيالها يدعون لها بالسلامه
..................
بعد مسافه طويله و صلت مريم للمستشفى
وهي عند الأستقبال: لو سمحت اخوي
الموظف:تفضلي
مريم: وين قسم العنايه المركزه؟
الموظف : اختي تلاقينه بالدور 3
مريم: مشكور
راحت مسرعه ضغطت زر المصعد طول ما جاها راحت للدرج ركض
وصلت وهي هلكانه راحت للقسم لقتهم واقفين
راحت لهم مريم شافها مساعد تفاجئ ما توقع انها تجي
مريم وهي تتنفس بسرعه و شفايفها بيض: وينها ... وينها عبير
مساعد: داخل عندها الدكتور اقعدي انتي
مريم: ابي اشوفها ... تكفى مساعد
مساعد قعدها فواز جاب لها ماي
فواز: مريم خذي شربي
مريم: ما بي .... ابي عبير
ابو فواز: مريم بنتي شربي الماي و هدي نفسج
شربت علشان خاطره طلع الدكتور
فواز: بشر
الدكتور: ما اقدر اقولكم شي الحين بس فيه ابر نحل كثيره بجسمها و لازم نطلعهم
فواز: و الحل شلون
الدكتور: لا تخاف عندها ممرضات يقومون بالواجب (بتسم لهم و راح)
مريم راحت دخلت وهم يسألون بدون لاتشاور حد دخلت شافت عبير مركب عليها الأوكسجين
و جسمها منفخ وقفت يم الممرضات يحسبون الدكتور سمح لها
قالت لها الممرضه انها بتكون بخير
مريم كانت دموعها تسيل بهدووء
مساعد لف: وينها مريم؟؟؟؟؟
فواز : كانت هنيه وين ختفت
ابو فواز: يمكن دخلت عندها
دخل فواز لقاها واقفه عند عبير بدون أي حركه راح لها
الممرضه كانت بتعطيها أبره و مريم تخاف من الأبر على طول لفت وهي مغمضه عيونها
فواز: مريم
مريم طالعته و الدمعه على خدها كسرت خاطره
فواز: لازم تطلعين ما يصير
مريم طلعت بدون لا طالع عبير تخاف تشوف الأبره
يوم طلعت وقفت عند الباب : كله مني....
طالعوها مستغربين
مريم: ما حذرتها ... كنت أطل من الشباج ما شفتها الى عقب شنو
ابو فواز: بالعكس لو ما الله ثم انتي جن ما درينا عنها لأن كلنا كنا داخل
وانتي جيتي بالوقت المناسب و نبهتينا .. و بعدين (وهو يلمس خدها على الطقه) شنو هذا
مريم تألمت يوم لمسها: هذي طقه قبل لا يصير هذا العبير
سكتوا كلهم ضلوا قاعدين بالأنتظار حول الساعتين و عبير للحين ما قعدت
فواز: يبه لازم ترجع ما يصير جذيه شكلك تعبان
ابو فواز: وين أروح و بنتي هنيه لا ماني رايح
مساعد: وهو صاج عمي حنا عندها لا تخاف عليها
بعد الضغط عليه وافق مريم كانت تنتظر يقولون لها ارجعي معاه طالعها
مريم ردت قبل لا يسأل: مب رايحه بتم هنيه
فواز: ما يصير أمج تحاتيج بعدين
مريم: قلت مب رايحه يعني مب رايحه
مساعد: خلاص خلها انا بوديها بعدين
مريم رتاحت رجع فواز مع ابوه بسيارة مها وراح يجي بعد كم ساعه
يتبعـــــــ
:::::::::::::::::::::::::::::::::::::::::::::::::: :

عضو مميز المساهمات : 910 تاريخ التسجيل : 01/07/2008

..((.. الجــــــــــ (32) ـــــــــزء ..))..

وصل فواز مع ابوه المزرعه و طمنهم ان عبير ما عليها خوف و قالهم ان مريم
هناك بتم عندها و رافضه ترجع
..................
مريم كانت واقفه قدام باب غرفة عبير تنتظر حد يطلع يبشرها بحالتها
مساعد كان قاعد بالكراسي بعيد شوي عن الغرفه طلب من مريم تقعد لكن رفضت
كان متألم على حال عبير لكن كسرة خاطره مريم أكثر خصوصا انها تحس بالذنب
راح لها مساعد: مريم وبعدين ترى وقفتج هنيه ما بتفيد بشي
مريم و الدموع ماليه عيونها: مساعد خايفه اني اكون السبب باللي صار
مساعد:ليه تحملين نفسج الغلط قلنالج مو أنتي السبب
مريم مو مقتنعه بكلامه ابد
بعد دقايق طلعت الممرضه و بتسمت يوم شافت مريم و مساعد
الممرضه: ما فيه كوف
مساعد: صحت ولا بعد
الممرضه: لا هي في قوم لكن شويه ألم
مريم: يصير ادخل انا
الممرضه: نو لازم دكتور أول يشوف
راحت عنهم تنادي الدكتور علشان يسوي فحوصات نهائيه
جئ و دخل عندها
الدكتور: السلام عليكم
عبير طبعا تحس ان ويها متخدر ما تقدر تتكلم عدل: و عليكم السلام
الدكتور: الحمد الله على السلامه اختي
عبير أكتفت بتغميض عيونها و فتحهم
الدكتور: اختي فيه شي ما تقدرين تحركينه من جسمج أو ما تحسين فيه
عبير: ويهي متخدر احس راسي ثقيل
الدكتور: هذا طبيعي بسبب المنوم و المضادات .. أنا بمسك إيدج قوليلي تحسين
عبير حركة راسها بمعناة إيه و كمل الفحوص عليها
الدكتور: الحمد الله بس يروح التورم ترجعين عاديه ان شاء الله
طلع و بشرهم انها بخير بس لازم مساعد يروح يوقع على الأوراق و يكمل الإجراء اللازم
مريم طبعا راحت معه و عبير نقلوها الغرفة ثانيه ترتاح فيها و بالإمكان يطلعونها خلال24 ساعة
يخافون تدهور حلتها مريم انتظرة مساعد لكنه مطول
مريم:مساعد بروح العبير
مساعد: دقيقة اشوف بأي غرفة صارت .... سألهم وراحت لها
عبير كانت صاحيه بهذا الوقت .....
مريم تمشي و تردد غرفه 102 غرفه 102 لين لقتها دخلت بشويش
كانت عبير رافع السرير مخليه شوي رافع راسها مريم دخلت بهدوء
بس كان شكل عبير مختلف مع التورم بويهها
مريم راحت لها عبير من شافتها حست بسعادة كبير
مريم: عبير.... الحمد الله على سلامتج
عبير: مريم من بعيد الناس تقولها قربي
مريم راحت لها و ضمتها و الدموع تسيل على خدها
عبير: انا بخير بشوفتج الريم لو ما كنتي هنيه خليتهم ييبونج
مريم وهي توخر تمسح دموعها: أفا عليج انتي توأم روحي اذا ما ييت لج و حاتيتج
منو أحاتي و هتم فيه قوليلي
عبير ببتسامه: محمد...
مريم تفاجئة من كلام عبير شدراها ضلت ساكته و طالعها
عبير: شفيج تفاجئتي
مريم: شلون عرفتي
عبير وهي تبتسم بنصر: سر ما ني قايلتلج
مريم ماتت من الضحك عبير ستغربت شنو المضحك
عبير: على شنو تضحكين
مريم: ويهج عجيب عين متفوخه و خدودج الدرجة ان حلجج مختفي..
فيه نفخه على برطمج و تضحكين بثقه بعد
عبير: تعالي ترى للحين ما شفت شكلي
مريم طلعت مرايه من شنطتها عبير يوم شافة شكلها ماتت من الضحك قامت تسوي حركات
وبويها و تضحك على نفسها دخل مساعد سمعهم يضحكون
شاف عبير ما سكه المرايه و تضحك وهو توه يشوف شكلها عقب ما تورم
مع الحركات اللي تسويها كان بيضحك
مساعد: السلام عليكم
عبير وخرت المرايه و هي متفشله أكيد شافها تذكرة شكل ويها أخذت الشرشف و غطته
مريم: و عليكم السلام
عبير: و عليكم السلام
مريم: شكو متغطيه ليكون فقدتي الذاكره هذا مساعد ريلج
عبير مدة إيدها و طقت مريم صارت على راسها عبير أصلا تألمت لأن بيدها مقرصه بعد
مريم: أآآآآآآي
عبير: تستاهلين خطيبي هذا بعده ما صار ريلي
مساعد: و بضلين متغطيه يعني انا ياي أطمئن عليج مو ياي أشوف شراشفهم
مريم قامت توخر الشرشف وهي تردد: الجني ما يطلع إلى بتعويذه أظهر وبان عليك الأمان حوووش
عبير ضحكة على مريم
مساعد: الحمد الله و الشكر ما جنج قبل شوي مسويه فلم هندي
عبير: منو مسوي فلم هندي
مساعد: هالخبله بجت بالمزرعه باقت سيارة مدري منو يت فيها دخلت عندج
بدون لا يدري الدكتور و قفت عند باب غرفتج الأولى و تبجبج ما أدري من وين مخزنه هالدموع
مريم: جــــــب لو محمد صار فيه مثل ما صار العبير نشوف شتسوي
مساعد بخبث: لا مو أنا بسوي عليه جذيه انا يمكن أتخرع عليه شوي لكن فيه بديل عني يسوي فلم عجيب
مريم حست من كلامه انه يدري : منووو خواتها و أمه عاد هم وايد يسوون مجموعة أفلام أتخيل شكلهم عنده يبجون ههههههههههههههه (ضحكة انها ضيع السالفه)
طبعا عبير طالعة مساعد و مساعد طالعها و رد يطالع مريم حست أنها غبيه تضحك لحالها
مريم: احم ما علينا يوووووه نسينا نقول العمي انها صحت
مساعد: لا .... لا تخافين قلت لهم..... ما علينا خلنا نكمل سالفة محمد منو بيهتم بحاله إذا مرض
مريم: انا يوعانه بروح أدور كفتيريا أكل شي تبي مساعد
مساعد: لا سلامتج
مريم: خلاص بروح أكل و رجع لكم
توها بتفتح الباب قالها مساعد: انتبهي على نفسج يا حرم محمد
مريم تفشلت من قلب طلعت بسرعة
مساعد و عبير ضحكوا عليها
مساعد: حليلها ذكرتني أيام زمان
عبير: اللي يشوفك يوقل شايب بس تدري الله يوفقهم يصلحون البعض
مريم طبعا ما كانت يوعانه ولا شي و مو قادره ترجع عندهم متفشله من قلب
كانت واقفه عند الباب سمعت صوت المصعد ان حد ياي طالعت كانوا ام فواز و ابوفواز مع اخوانها فواز و جراح

بــــــاقي الجـــــــــــزء بالطريق

يلا الباقي ههههههههه Razz

عضو مميز المساهمات : 910 تاريخ التسجيل : 01/07/2008

مسرع
اصبري اشوي
ابي اشووف الردود اذا مافي ردود ما راح اكمل

لالا كمل
يلا وينكم يا اعضاء المنتدى بتروح عني القصه Razz

عضو مميز المساهمات : 910 تاريخ التسجيل : 01/07/2008

يلا نبي ردود لانا القصه باقيلها كم جزء وتنتهي

وينكم يا اعضاء المنتدى ؟؟؟؟ Crying or Very sad