فتاة احبها قلبي

لا من قال مافي غيركم ,, احنا نقرا لكن ننسى نرد ,,
يلا اخوي ننتظر الباقي

وين الباقي ؟؟؟؟؟؟؟ Razz

عضو مميز المساهمات : 910 تاريخ التسجيل : 01/07/2008

ثانكس على مروركم
تحياتي

نبي الباقي ولا ترى ما بنرد مرة ثانيه Razz

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

..((..الجــــــــــزء الثالث و العشرون..))..

مها قضت ليلتها بالبجي من القهر و الواقع اللي عرفته و نامت وهي بهذي الحال
مساعد و عبير كل واحد سارح بأفكارة عبير تفكر شنو تلبس اذا جئ يشوفها مساعد يفكر بحاله
بعد هذا الحدث اللي انتظرة فتره طويله ونتهت الليله على هذا الحال
..((اليوم الثاني الصباح))..
ام عبد العزيز: رؤى وينها مها ليه ما يت تتفطر
رؤى: والله ما ادري عنها من امس ما شفتها
ام عبد العزيز: بتتأخرون الحين
رؤى وهي تشرب العصير: الحين بروح لها
صعدت و طقت عليها الباب لكن مها ما ردت عليها
رؤى وهي تطق الباب مره ثانيه: مها قاعده ..... مها تأخرنا ياله
بدون فايده ما لقت رد طلعت الجوال و دقت عليها تسمعه يرن بس ما تسمع صوت لمها
على أخر دقه ردت مها بثقل
مها: الو
رؤى: مها وينج صارلي ساعة ادق الباب عليج ما تسمعين ياله تأخرنا عن الجامعة
مها: مابي اروح اليوم
رؤى: لا والله الحين منو يوديني أنا
مها: دقي على مريم تمر عليج ابي انام ياله باي (سكرت التلفون)
رؤى موعاجبها حال مها من جم يوم دقت على مريم و يت أخذتها
وهم بالسيارة مريم: شفيها مها اول مره تغيب من دخلنا الجامعة
رؤى:مدري تقول تبي تنام من أمس مدري شفيها
وصلوا الجامعة كل وحده راحت محاضرتها بنفس الوقت
كانت عبير قاعدة مع ان اليوم ما عندها دوام لكن التفكير جايب لها أرق
طبعا ما بقى شي بالكبت ما طلعته من ملابس كل شوي لابسه شي تشوفه حلو عليها او لا
اذا عجبها تشوف عندها اكسسوار لايق عليه و تسوي حركه بشعرها طبعا شعرها لمسته ناعمه
لكن ملفوف كأنها مسويته بالفير هي مو عاجبها قررت الظهر تسبح و تسشوره
..((بعــد انتهاء المحاضرة الأولى))..
البنات و هم يتمشون برى و ساكتين
رؤى: اقول مريم
مريم: هلا
رؤى: انتي تعرفين مها أكثر مني ابيج تقولين لي شفيها مها
مريم: من أي ناحيه
رؤى: يعني من قبل أمس وهي مزاجها متعكر ما تكلم أحد و أغلب الوقت بغرفتها
لكن أمس طلعت لحالها و رجعت و كان شكلها غير و على طول الغرفتها إلى اليوم ما طلعت منها
مريم: شنو مها طلعت أمس لحالها؟!!
رؤى وهي مستغربه: إيه ليش
مريم: لا ولا شي بس غريبه بالعادة كل ما يت تطلع تقولي اروح معاها هي تأخرة بالطلعة
رؤى: لا بسرعة رجعت يمكن نص ساعة و رجعت
مريم ستغربت هم بالعادة إذا ما كملت طلعتهم 3..4 ساعات ما يعتبرونها طلعه
رؤى: مريم ما قلتي تعرفين شفيها
مريم: لا ما كلمتها انا من زمان كنت مشغوله
رؤى: اها على بالي قالت لج شي
كملوا تمشي و مريم تبي تتصل على مها تشوف شفيها لكن ما تقدر و رؤى معاها
طبعا مساعد بهذا اليوم و خروا عنه دامه بشوف حبيبة قلبه الأبتسامة ما تفارق ويهه
محمد: دووووم ان شاء الله نشوفك جذيه مو امس لوعت جبدي وانت مكشر و قاعد بغرفتك
مساعد: الله يسمع منك نشوفك عاد يوم تجي تخطب شبسوي
محمد: الـــــــله يحيينا
مساعد: الكلمه هذي مو خوش معناتها مطول نصيح مني لا طولها البنت بطير منك بعدين
محمد: اي بنت
مساعد: علينا بلا غباء ادري انك تبي مريم
محمد:مصدق انت
مساعد: شكلك ما تعرف منو انا ترى أنا مساااااااااااااعد
محمد: و خير يا طير العرافة يعني
مساعد: انت شكلك الخارجي غبي شوي لكن ( وهو حاط أصبعه على صدر محمد) داخل هنيه يقول شي ثاني
محمد سكت قلبه بدء يدق بسرعه مو عارف شيرد قام و خلاه مساعد تم يطالعه
مساعد وهو يطالع محمد ويفكرإلى متى و أنت تكابر محمد دام قلبك حب البنت مالك أمل تبعدها عنك)
قام متجه للمحاضرة و قلبه تاركه ينبض بأسم عبير و ينتظر العصر يجي علشان يطير لبيتهم
.........................

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

مها صحت من النوم و راسها يعورها من البجي و ما تبي تقابل أحد طلعت من غرفتها بشويش
تبي تشوف منو موجود طلت من الدري كان الجو هادي ما فيه حس
طبعا هم تجيهم خدامة إيجار يومي تجي ترتب و تروح على ما ترجع آسيا
مها شافت الخدامه نادتها و هي فوق بصوت واطي
مها: وين ماما
ناني: ماما انتي روح مع ماما ازيز بيت اهل هيا
مها: طيب سويلي فطور الحين بنزل
ناني: ان شاء الله
مها غيرت ملابسها و نزلت تحت قالت للخدامه تجيب الأكل لها بالحوش و طلعت كان الوقت
8.30 الصباح قعدت على الكراسي تحت المظله و جابت لها الفطور
كانت تاكل و هي سرحانه و تفكر بكلام سامي بالأصح كلمة (صايعه)
(انا صايعه ليه صار جذيه من يقول اني أوصل لهذا المستوى بسبب صديقات فاسدات
مريم!.. ليتني سمعت كلامج من أول و ضليت على اللي أنا عليه أحسن من أني اسمع كلمه جارحه
مثل هذي) بدت تمتلي عيونها دموع و هي تمسحهم بطرف الفميص و تكمل أكل لكن الدموع كانت
اقوى منها و نزلت على خدها بهدوء وهي الألم يعتصر قلبها من داخل
بهذا الوقت كان عزيز يطالعها من الشباج حق الصالة و يفكر شفيها مها شنو اللي يخليها تتغير جذيه
من شاف دمعتها حس كأن قلبه نجرح و ينزف مع كل دمعة و ده يروح لها لكن مو قادر
طبعا هي كانت لابسه الحجاب للإحتياط عزيز كان كله يجي بهذا الوقت و يرجع 11 لكن مها ما تدري
بعد فترة راح عزيز الغرفته و هو متعذب لحال مها
مها قعدت شوي بالحوش بعدها دخلت الغرفتها و قالت للخادمة لحد يجيها
....................................
مريم خلصت محاضراتها لكنها تنتظر رؤى
وهي واقفه بالسيب ...: السلام عليكم
لفت شافت فيصل:وعليكم السلام
فيصل: وينج ما نشوفج أبد شلونج
مريم: الحمد الله تمام شسوي نشغلت هذي الأيام مع رؤى بنت خال مها
فيصل: اها على طاري مها
مريم: شنو؟؟
فيصل: وينها ما قمت أشوفها شنو تخليتي عنها
مريم: لا ابشرك هي تغيرت من يت رؤى لكن اليوم ما داومت تقول رؤى أنها من أمس ما طلعت
من غرفتها
فيصل: اها معناتها ما تدرين
مريم وهي مستغربه: أدري!!!... عن شنو
فيصل: مها أمس كانت طالعة
مريم: أيه قالت لي رؤى انها طلعت
فيصل: تدرين شنو صار لها؟؟
مريم وهي متخرعه: لا الله يخليك فيصل خرعتني
فيصل: امس كانت على الأساس طالعه مع خلود لكن خلود خلت سامي يروح لها بالمجمع
و قال لمها ابيج تيين معاي نقعد سوى مثل خلود يعني مها رفضت و صارت بينهم هوشه
و سامي قال لها يالصايعه و من هالكلام من بعدها مها تركت المجمع
مريم من سمعت السالفه وهي متخرعه على مها و حاطه إيدها على قلبها
مريم: طيب شلون أنت عرفت
فيصل: سامي كان طالع مع رفيجي ذاك اليوم و شاف الموقف
مريم: يويلي بعذرها مها حابسه نفسها وانا مثل الغبية حتى ما كلمتها
فيصل: اتمنى ان مها صج تتغير بعد اللي صار
مريم و هي متكيه على الجدار و تفكر بحال مها الحين
مريم: هي من زمان ما طلعت معهم تركتهم اصلا لكن هم جونا للكفتيريا و طلبو من مها
تطلع معه لكن هي صرفتهم .... انا مخي وقف شلون جذيه بالحظه اللي ابتعدت فيها عنها
صار لها هذا كله رؤى تقول ان مها حالها متغير من جم يوم و اللي صار لها امس زادها
فيصل: انا حبيت اقولج بس ابيج توقفين معها خاصه بهذا الوقت علشان تصحى و تبتعد
مريم: اوكي انا بروح الحين (راحت عنه)
ركبت مريم سيارتها و راحت متجهه البيت مها لأن مهما صار هذي صديقتها و لازم توقف معاها
كانت مها غارقه بالحزن و الدموع اللي ما توقف
مريم(آسفه مها آسفه اني تركتج و أنتي بحاجتي)
وصلت البيتها دقت الجرس طلعت لها الخدامه
مريم: وين مها
ناني: مها في قربها هيا ما يبي شوف اهد
مريم: ماما وين
ناني: ماما ما فيه موجود
مريم: منو فيه غير مها
ناني: فيه بابا ازيز
مريم: وخير بس ما عندج سالفه
الخدامه سكرت الباب و راحت للمطبخ
مريم طقت باب الصالة و دخلت: السلام عليكم
عزيز: و عليكم السلام
مريم: وين مها
عزيز: بغرفتها
راحت مريم و عزيز يطالعها (اكيد الأمر قوي اللي خلا مريم تجيها)
مريم و هي تطق الباب على مها
مها: انا قلت مابي اشوف حد
مريم: حتى لو كان أنا مها
مها من سمعت صوت مريم زادت بالبجي
مريم: مها فتحي الباب ....... مها الله يخليج فتحي الباب
مها فتحت الباب لمريم دخلت سكرت الباب وراها
مها كانت معطيه مريم ظهرها
مريم: مها ليه ما ييتي الجامعة اليوم...... مها شفيج ردي علي ترا انا مريم
مها راحت المريم و ضمتها بقوه و تبجي
مريم: استهدي بالله مها تعالي قعدي
مها و هي تقعد: مريم سامحيني كان معاج حق باللي قلتيه
مريم بتسمت لمها: الحمد الله انج عرفتي الصح من الغلط و الأيام الجايه بتغير كل شي
مها طالعت مريم بستغراب لكن كلام مريم و بتسامتها هدتها بشكل غريب
مريم: ياله قومي غسلي ويهج و خلي كل شي يتصلح صح انج ما راح تتغيرين بسرعه
لكن مع الوقت بيصير كل شي اوكي
مها: اتمنى هذا الشي والله لكن شكلج تدرين بكل شي شلون؟!!
مريم: انا مريم يعني انا و أنتي واحد اللي يصير لج بعرفه
مها: من جد شلون عرفتي
مريم: رؤى قالت لي انج طلعتي امس و رجعتي بسرعه و سيده لغرفتج انا ستغربت
قلت أكيد في شي صار خلها ترجع بسرعه
مها تنهدت : ليتني ما طلعت هذي الطلعه جن ما صار اللي صار
مريم: اششششش شقلنا ننسى اللي فات و نبدء من جديد خطوه خطوه
مها بتسمت لها و قامت غسلت ويها و غيرة ملابسها و نزلت مع مريم شكل ثاني
طبعا كان الكل جاي و قاعدين بالصاله يوم شافوا مها نازله تضحك و تسولف
ستانسوا و طمئن قلبهم عليها
مريم: السلام عليكم
الكل: و عليكم السلام
ام مها: شلونج بنيتي شخبارج
مريم: انا بخير دامكم بخير
ام مها: ليتج يايه من زمان علشان تردين لنا مها الأوليه
مريم: ههههههههههه علشان تعرفون ان مها ما تقدر تعيش من دوني شفتوا ليش تركتها
أعلنت الحزن بس من شافت ويهي تعدلت
مها: هههههههههههههههههههه ثقه عجيبه
ام عبد العزيز: أقول وينها رؤى ما اشوفها
هنيه مريم تذكرة رؤى و شهقت: يوووووو نسيتها بالجامعة كل منج ( وهي تطق مها على جتفها)
الكل ضحك عليها
ام عبد العزيز: هههههههه تلاقينها مطنقره الحين
مريم: ياله سلام بروح أجيبها
طلعت مريم ركبت سيارتها ولا جوالها يدق توها بترد تسكر طالعت ولا 10 مكالمات من رؤى
دقت عليها
رؤى وهي من صج معصبه: انتي وينج صار لي ساعة ادور بالجامعة ما لقيتج و ين قاعدة فيه
مريم: آسفه والله آآآآآآآآآآآآآآسفه الحين أيج روحي عند المواقف
رؤى: معناتها طلعتي من الجامعة مالت عليج خلصينا تعالي
مريم: طيب طيب (سكرته 5 دقايق و صلت للجامعة)
رؤى ركبت و سكرت الباب بقوه مريم حست الباب انكسر منها لكن لو تتكلم بتنزف سكتت
و رؤى تهز بريلها و ساكته و صلتها البيت نزلت و نفس الشي صقعت الباب بقوه
دخلت البيت رؤى: السلام
الكل: وعليكم السلام
كانوا يطالعونها و فيهم الضحكه عليها لكن مو قادرين
مها: هلااااااااااااااااااا و غلااااااااا برؤى
رؤى: هلا
مها: شدعوه هالنفس الخايسه
رؤى: ما جربتي ان احد ينساج بالجامعة و انتي ساعة كامله ادورين اللي يوصلج
مها: اسفه والله كله مني مريم كانت تفكر فيني فا طلعت على طول ويت نست انج رايحه معاها
رؤى: زيـــــــن سكتي... بروح ابدل و أناااام لحد يزعجني
مها وهي تحيها: حاضر سيدي
رؤى كانت بتضحك : نقلعي ويا ويهج
مريم و صلت البيت تغدت ونامت مساعد ناشب لمحمد كل شوي مسوي حركه بالشماغ و يسأله
حلو جذيه ولا لا ألبس هذا الثوب ولا الثاني و محمد متحمله لأخر حد لأنه دايخ ويبي ينام
طبعا مساعد كل ما جئ عند محمد يفك الباب بدون لا يستأذن كأنه داخل معركه يفتحه بقوه
و محمد دايخ يحس قلبه بيوقف كل ما دخل مساعد من فتحت الباب
مساعد: محمد شرايك ألبس شماغ ولا غتره(للتعريف الشماغ هو الأحمر الغتره البيضاء)
محمد: كيفك شوف الحلو عليك ألبسه
مساعد: طيب الثوب اللي ألبسه أي واحد ألبس طيب شرايك باللي أنا لابسه الحين
محمد: حليو ما فيه شي
مساعد: طيب بلبس الثاني و بشوف
طلع من الغرفه و سكر الباب محمد قام و قفل الباب و رجع ينام
مساعد على باله الباب مو مقفول مسك الأيد حقت الباب و دز الباب وهو مندفع لداخل صقع بالباب
مساعد: هييييي شكو تقفل الباب ( وهو يطق الباب) فتحه حمود
محمد: أاااااااابـــــــــي أأأأأأأأأأأااانااااااااااااااااااااااااااااام
مساعد: مافيه نومه إلا أن اخلص
محمد: ياخي كل مره تلبس بدون لا تاخذ رايي شنو خطيبتك أنا
مساعد رفس الباب بقوه: مالت عليك بس الشرهه على اللي مسويلك أعتبار
راح عنه الغرفته طالع الساعه توها 3 باقي ساعة كامله قعد على السرير وهو يفكر شبيصير
عبير بهذا الوقت كانت شسور شعرها و كل شوي مبتسمه تتخيل شكل مساعد وهي تدخل عنده
مجرد تفكير قلبها يدق بقوه شلون لو صار الشي طالعت الساعه توترة أكثر باقي ساعة وحده بس
أم فواز كانت ماره يم غرفت عبير عرفت أن ستعداد عبير لهذي المقابله و تكشخها أنها موافقه
ميه بالميه ضحكت و نزلت تحت تشوف سوو الجاي والقهوه ولا لا
دق جوال عبير المتصل مريم
عبير: الو
مريم: مرحبااااااااااااااااا
عبير: مرحبتين هلا
مريم: هاه شلونج شخبارج عساج بخير
عبير: الحمد الله تمام و قلبي بيوقف مريمووووووه باقي شوي ويكون مساعد عندنا بالبيت
بموت انا
مريم: لاا ما صدقنا تتيسر اموركم تموتين بسم الله عليج
عبير: ليتج تقدرين تيين معاي والله اني خايفه حدي
مريم: لو يصير جن ييت لكن على الأساس ان الموضوع الحين سري إلى بعد الشوفه بعدها بكون معاج
حتى بالملجه
عبير: تتكلمين وانتي واثقه اني بقول إيه و مساعد نفس الشي
مريم: اتحداااااااااااااااااااااااااااااااااكم انكم تقولون لا لج اللي تبينه لو صار العكس
عبير: هههههههههههههه امزح معاج اوكي تامرين بشي
مريم وهي تستهبل: وين عبير انا فاضيه ترى عادي سولفي
عبير: حليلج وانتي تستغبين انتي فاضيه انا وراي تجهز و كشخه ياله قلبي ويهج لو سمحتي
مريم: ههههههه اوكي بس دقي علي اليوم قوليلي شنو صار
عبير: ان شاء الله ياله سلام
الكل كان على أعصابه مريم ... عبير... و مساعد ينطرون الساعه 4 العصر علشان
يلتقون فيها و الأول مره مساعد بيشوف عبير دون حجاب يغطي شعرها
يتبعــــــــــــ
:::::::::::::::::::::::::::::::::::::::::::::::::: :::::::

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

..((..الجــــــــزء الرابع و العشرون..))..

مريم كانت قاعده مع أهلها لكن فكرها مع عبير و سرحانه
عمار: يا ربي أحس فيه شي فاقده اليوم مدري شنو؟؟
طالع مريم شافها مو معهم
عمار: شنو يا ربي شنو فاقد أنا اليوم إيــــه تذكرة (شال المخده و حذفها على مريم و صقعت بويها)
ايه الحين عرفت شنو فاقد انا
مريم: تو و بعدين (و خرت المخده و سكتت )
عمار و سالم ستغربوا انها ما سوت شي طالعوا بعض و بتسموا بخبث
قام عمار و قعد قريب من مريم وهو يطالعها كل شوي يقرب منها يوم وصل لها طقها على جبهتها
هو عارف ان هذي الطقه تنرفز و تخرع
مريم: عمااااااااااااااار الله ياخذك زين افففففففففففف (قامت و راحت غرفتها)
طبعا عمار لقاله تهزيء من أبوه و سكت
*=* الساعه 3.50 دقيقه*=* طبعا مساعد حاسبها
مساعد:يمه ياله نروح
ام مساعد: بسم الله توها ما صارت 4 باقي
مساعد: يا أمي العزيزة العشر دقايق الباقيه مسافت الدرب ياله انا انتظرج بالسيارة
طلع و خلا أمه تضطر أنها تلبس و تروح و تعرفون إذا الواحد ينتظر شي يحس أن كل اللي حوله
يعطلونه عن شغله و الإشارات ما قصرت بمساعد كل إشارة يوصلها تصير حمرا
مساعد وهو يحاول يوصل للإشارة قبل لا تصير حمرا
مساعد: تكفييييييييييييييييين لا تصيرين حمرا (ويزيد سرعته)
ام مساعد وهي من أول خايفه من سياقته و الحين زاد عليه: وللي يسلمك مساعد خفف السرعة
مساعد توه بيوصل كأن الإشارة تعانده و تصير حمرا لو أن الشرطي مو واقف عند الإشارة كن قطعها
دعس بريك و أمه قامت تتشهد و هي أصلا مو مقصر أدعس بريكات بريلها و هي بمكانها
تتخيل أنها هي اللي بتوقف السيارة
مساعد: الله يااااااااااااااخذكم الله ياخذكم يا الإشارات كل مره أتمنى أصادف إشاره حمرا ما كو
ام مساعد: احمد ربك أنك بعدك على قيد الحياة مساعد بلا تهور أبي أرجع البيت سالمه واللي يخليك
مساعد: طيب
بالموووت و صل على الساعة 4.5 دقايق وقف عند باب البيت يحس مو قادر ينزل
ام مساعد: شفيك وصلنا
مساعد: هاه ..... مدري يمه لازم اقابلها
ام مساعد: شنو لا تقولي هونت تفشلني
مساعد: لا ما هونت بس ما ينفع تعطونها صوره و خلاص يعني
ام مساعد: ههههههههههه انزل بس
نزلت و نزل مساعد دقوا الجرس طبعا عبير كانت مجهزه و قاعدة بغرفتها من سمعت الجرس
دق قلبها بسرعة
دخلتهم الخدامه مساعد استقبله فواز و أم مساعد راحت الصالة و ستقبلتها ام فواز
ام فواز: حيا الله من يانا
ام مساعد: الله يحييج شلونكم شخباركم
ام فواز: الحمد الله تسركم الحال حياج قعدي
قعدوا و سولفوا و شرب جاي و مساعد وده يعدي الوقت من كثر التوتر اللي صار
بعد ربع ساعة
فواز: احم احم يمه
ام فواز راحت له: هلا
فواز: ترى تأخرت عن الدوام ياله خل أمه تجي عنده و كملوا الباقي بس لا تضغطون على عبير
ام فواز: خلاص من قال بنضغط عليها أشايفنا.. ااكد لك أن أختك تبيه باين من ستعدادها
فواز بتسم: الله يوفقهم ياله سلام
ام فواز: مع السلامة
راحت عند ام مساعد و قالت لها تروح عند مساعد و هي بتييب عبير
مساعد يوم دخلت عليه امه تخرع على خفيف يحسب عبير يت
ام مساعد: الحين تيي
مساعد: احس بتوتر كبير ما جني كنت أشوفها أحيانن ببيت عمتي
...........................
ام فواز: عبير..... يا عبير( كانت تناديها من تحت لكن عبير ما ردت عليها)
صعدت و راحت غرفتها دقت الباب و دخلت
ام فواز: عبير ياله تعالي فشله طولنا عليهم
عبير وهي قاعده على سرير: يمه ميصير تعطينه صوره و خلاص
ام فواز: لا ميصير الصوره تغير شكل الواحد عن الطبيعة امشي
عبير: لازم
ام فواز: ايه لازم ياله بروح ألبس عبايتي علشان أدخل معاج
(طلعت عنها و عبير عدلت شكلها شوي و نزلت)
ام فواز وهي تدخل عند مساعد: السلام عليكم
مساعد قلبه يدق بسرعه توه رافع راسه بيرد السلام دخلت عبير و هي ترجف
دخلت لكن مو عارفه وين هو قاعد رفعت راسها تلاقت نظراتها مع نظراته و نزلت راسها بسرعة
راحت سلمت على أم مساعد و قعدت يم أمها قبال مساعد
ام مساعد: هلا عبير شلونج شخبارج
عبير بصوت واطي أشبه بالهمس: الحمد الله
عم الهدوء المكان
ام فواز: عبير صبي لهم قهوه
عبير قامت تصب القهوه و تقدمها لكن يدينها ترجف حيل قدمت الأم مساعد و من البهذله
صبت فنجان ثاني و عطته أم مساعد مره ثانيه
ام مساعد: تراج عطيتيني
عبير وهي متفشله: هاه طيب مدت الفنجال لمساعد و هي منزله راسها
مساعد أخذ الفنجال و هو يطالعها عجبه خجلها لأنه نادر هذي الأيام
رجعت عبير يم أمها لاصقه فيها حيل شوي و تقعد بحضنها
مساعد: شلونج عبير
عبير ما ردت تحس أنها ما تسمع حد
ام فواز: عبير الريال يقولج شلونج
عبير من التوتر : هلا والله يمه أنا بخير تسرج حالي
ام فواز و فيها الضحكة على عبير تكلمها بصوت واطي: فشلتينا جنج أول مره تشوفيني
مساعد يقولج شلونج رديله هو
عبير: هاه طيب (رفعت راسها طالعت مساعد)
مساعد: شلونج
عبير: بخير
أم فواز: مثل منت عارف عبير تدرس معهد الحين سنتين و تتخرج
مساعد طبعا يدري لكن سوى نفسه غشيم: لا مشاء الله شنو تدرسين (بدء التوتر يروح منه)
عبير(جنك ما تدري): أدرس حاسب برمجة و تصميم
مساعد: الله يوفقج
ام فواز عطت عبير إشارة يعني قومي عبير مو قادرة تقوم
رجعت أمها ندستها بإيدها يعني قومي
عبير(لا مقدر أتحرك مو قادرة أقوم)
ام فواز: عبير يمه شيلي الصينيه وديها برى
عبير(خليني أقدر أمشي عدل أنا علشان أشيل الصينيه معاي): أن شاء الله
قامت أخذت الصينيه و طلعت توها واصله الصاله و تعثر بالسجاده حقت الصاله و طيح هي
مع الصينية بنفس الوقت كانت ام فواز تسلم عليهم بتطلع تخليهم يتفاهمون سمعت
الصينية و أشياء تتكسر كلهم لفوا على الباب ام فواز ماتت من الضحك ما عرفت حتى تتكلم
عدل طلعت متجهه لعبير
عبير كانت قاعدة على الأرض من شافت أمها قامت تضحك ضحك مو طبيعي
أم فواز: هههههه فشلتينا اصص لا يسمعون ضحكج ههههههه قومي نادي الخدامه
عبير بعدها تضحك: ههههههه مو قادرة يمه نشليت حدي
يت الخدامة تشيل بقايا الفناجيل
أم مساعد: هاه مساعد شقلت
مساعد: موافق أنتي عارفه ان الشوفه متغير شي عندي
ام مساعد: خلاص أنا بروح أقولهم
مساعد: لا صبري لما يخلص الموقف اللي صار بغيت أضحك قدام أمها
ام مساعد: هي أصلا ضحكت من سمعت صوت التكسر
...
عبير: انا بروح غرفتي
ام فواز: تعالي هاه شقلتي
عبير: هاه ااااااااااااااا..
ام فواز: شنو اااا جاوبي
عبير: اذا قال مساعد إيه انا مثله (و ركض الغرفتها)
يت أم مساعد وقالت لها مساعد موافق و أم فواز قالت عبير موافقه
ام فواز: أيل بينا تليفون نرتب الأمور الباقيه
ام ساعد: إن شاء الله مبرووووك عليكم
ام فواز: وعليكم بعد
طلعوا و مساعد طبعا الفرحه الحين زادت و ده يفتح الشباج و يصرخ حبيبتي بتصير لي
مريم كانت على أعصابها هي دقت على جوال عبير و عبير ما ردت كانت تسبح و طولت لأن تفكير
كان شاغلها طلعت مشطت شعرها جاها مسج فتحته
عبيرووووه كل هذا قاعده مع مساعد و خالتج المستقبلية
أذا شفتي المسج كلميني على طووووول
المرسل: ... مطراشنا العزيز
هي غيرت أسمها من فتره بسيطة و حست اللقب لايق عليها ضحكة
باقي الجزء

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

دقت عليها نص دقه إلا مريم راده
مريم: الوووووو هاه شصار
عبير: أعصابج مريوووم تراني و افقت عليه
مريم: يعني يبتي شي جديد هذا خالصين منه أبي شنو سويتي
عبير: سمعي أدري بيغمى عليج من الضحك (قالت لها اللي صار)
تخيلي مريوم يوم عثرت حاولت أوازن نفسي قد ما أقدر تخيلي حسيت الصينيه طااارت و طاحت على الأرض
أنا تميت كاتمه الضحكة بس من شفت أمي اللي كانت فاطسه من الضحك تميت أضحك ضحك مو صاحي
مريم:ههههههههههههههههههههههههه الله يفشلج ههههههههه
عبير:أحمد ربي محد شاف شكلي و أنا أطيح
مريم: والله أنج نكته ودي أعرف مساعد شسوى
عبير: أقول مريم أمي تناديني أوكي
مريم: اوكي سلام
مساعد و صل البيت راح سيده الغرفة محمد طق الباب عليه جنه طقاقه على نغمه معينه
محمد: أدخل
مساعد: السلام عليكم
محمد ستغرب : و عليكم السلام !!! شنو هالأدب كله
مساعد: تدري كبرنا خلاص لازم نتعلم الأدب
محمد: هاه شنو سويت
مساعد: تصدق يوم وصلت عند باب البيت حسيت اني مو قادر أتحرك توتر مو طبيعي
محمد:هذا و أنت شايفها من قبل
مساعد: بس الحين غير الحين بدون حجاب و أنها بتكون خطيبتي غير
محمد: حليلك السعدي ولا بتخطب كبرنا و الله
مساعد: إي و الله ياله تامر شي
محمد: سلامتك
طلع و راح غرفته و هو يفكر حس أنه لازم يعقل عن خباله و يحاول ما يكون مبذر
مشكلته أن الفلوس ما طول عنده على طول يصرفها دق جواله
المتصل مراسالي الخاص
مساعد: هلا والله
مريم: هلا هلا بالمعرس
مساعد: يا بعدي أنتي فقدتج اليوم
مريم: أدري مالك غنى عني شرايك تسكني عندكم إذا أعرست
مساعد: إيه والله عبورتي محتاجه سيلانيه علشان ما تتعب
مريم: مرتك السيلانيه يالخايس
مساعد: لا لا عن الغلط على حرمتي حدج هاه
مريم: انزين قولي شلون طعم القهوه حلوه صح
مساعد: شالسؤال الغبي القهوه طعمها واحد
مريم: علينا مو من الكل إذا كانت من احم احم غير
مساعد توه يفهم: إيه لا عاد صج كان طعمها شي من كثر ما تحبني كسرت الفنجان اللي عقبي
علشان محد يشرب فيه
مريم:ههههههههههههههه بالاه شنو سويت
مساعد: بغيت أضحك الصراحة لو ما الفشله من خالتي
مريم: أكشخ صارت خالته حركات
مساعد: أكيد أم زوجتي لازم أحترمها شلونها عبير
مريم: ميته من الضحك على الأكشن اللي سوته بالصاله
مساعد: ههه من جد كانت متوتره خفت تكب علي القهوه يوم قدمتها
مريم: حليله والله يصير معرس
مساعد: جنج طيحتي الميانه شنو حليله ياله سكريه مو فاضي لج الحين
مريم: ولا أنا (سكرته قبل لا يسكره بويهها)
*&*&*& بيت أم مها &*&*&*
كانت مها عند التلفزيون مع هديل رؤى كانت بالمطبخ تحط لها كيك
عزيز و الباقي بغرفهم
رؤى كانت تحط لها و تغني دق جوالها ستغربت عزيز داق
رؤى: هلا
عزيز: رؤى تعالي غرفتي أبيج
رؤى: طيب
تركت كل شي و راحت له طقت الباب
عزيز: دخلي
رؤى: هلا عزيز
عزيز: تعالي قعدي أبيج بسالفه
رؤى و هي متخرعه: شعنك
عزيز: رؤى ما تدرين إذا كانت مها تحب أحد أو لا
رؤى: لا و تبي الصج لو بقلبها أحد جن قالت ما أضن تخبي علينا
عزيز: أن زين ما تقدرين يعني بطريقة غير مباشرة تعرفين إذا تحب أحد أو لا
رؤى: شوف الحين فيه حاجز بيني وبينها و السبب أني بتعدت عنها فتره طويله
لازم نصبر شوي إلا أن نتقرب من بعض حيل
عزيز: ليتنا ما سافرنا يعني بطولين بالسالفه
رؤى: اللي صبر سنين بمقدوره يصبر أيام
عزيز: ودي أعرف .... طيب أمس و قبل أمس شفيها
رؤى: والله ما أدري ما قالت لي شي
عزيز: لأني يوم رجعت الصباح كانت قاعده بالحوش و تبجي
رؤى: صج... اللي أعرفه أنها كانت مضايقه و بس لكن ما قالت لي شفيها
عزيز: متى تتقربون من بعض أكثر أبي أعرف كل شي عنها
رؤى: هو فيه حل لكن هم يبيله وقت
عزيز: شنو
رؤى: مريم...
عزيز: صح محد قدر يطلعها من الحزن إلا مريم
رؤى: مريم ما كانت تدري عن حال مها لكن من قلت لها السالفه تغير ويها كأنها عرفت
شنو صاير لمها بدون لا تسألها
عزيز: يعني علاقتهم بعض زينه حيل
رؤى:اكيد لكن يبيلي الوقت المناسب علشان أعرف بطريقتي اللي أبيه من مريم
عزيز: تكفين بسرعة
رؤى: تامر أمر أنت جم عزوز عندي (طلعت من الغرفه)
مها: وينها رؤى الفلم بيبدي الحين وهي ما يت
هديل: مدري اللي أعرفه أنها بالمطبخ لا تخافين قبل لا يبدء بتيي
رؤى راحت أخذت الكيكه و قعدت معهم
بنص الفلم دق جوال مها حطت صامت بدون لا تشوف المتصل لأن الفلم شادها
دق مره ثانيه و ثالثه لكن ما ردت عليه سمعت نغمة مسج فتحتها
على طول تركتهم و راحت غرفتها دق نفس الرقم
مها ردت وهي ساكته
..: الو
مها: ا..الو منو معي (وهي ترتجف حست برد فجئه)
سيف: قريتي المسج
مها: إيه ولا ما كنت برد
سكت فتره
سيف: ...... الوو
مها: معاك... معاك
سيف: أخبارج
مها: تمام الحمد الله و أنت (راحت فتحت المكيف و قفلت الباب و قعدت على السرير)
سيف: بخير..
سكتوا بس صوت نفسهم و هم مو قادرين ينطقون حرف واحد
سيف: أوكي أنا أسف مع السلامة
مها: هاه أوكي مع السلامة
سيف من سكر وهو يسب ويلعن بنفسه شلون جاته الجرئه و دق عليها عمره ما سواها
تعوذ من الشيطان و قام
مها مصدومه (عقب ما فقدت الأمل منه دق علي ... شفيني أرتجف جذيه)
سيف رجع عند ربعه و يحس قلبه يدق بسرعة جنونيه
...*=* اليوم الثاني*=*
بعد ما رجعوا من دواماتهم مساعد راح مع أمه يشترون الشبكه علشان يعطونها لعبير مع المهر
و صل الخبر للكل و فرحوا لهم من قلبهم مريم دقت على مها و رؤى و قالت لهم
يعني الفرحه شايله الكل
عبير الكل يدق عليها و يتحلا عليها و يفشلونها شوي
مساعد طبعا أختار الشبكه على ذوقه و شرى لها صندوق حلو وداه المحل يزينه له و حط
الشبكه فيه و المهر بشكل مره حلو كان الصندوق شكله عادي لكن حطو عليه من داخل شيفون سماوي عليه لمعه حلووه و هاديه و حط ورده سماويه أطرافها بيض و نثر أوراق الورد داخل فوقهم علبة الشبكه و علبه زجاجيه
فيها المهر مربوط بشريطه سماويه يعني طلع شكل ثاني عجييب
لازم يوريه محمد قبل و ياخذ رايه
العصر أرسلوها لهم و عبير كانت متفشله حيل من أهلها و عاجبها الصندوق و اللي فيه
بنفس الوقت بيت ام حمد
مريم وهي اطق الباب على أمها: يمااه ممكن أدخل
ام حمد: إيه دخلي
مريم: شعندج تتكشخين وين بتروحين
ام حمد: بروح الجارتنا اليديه أسلم عليها
مريم: يمه بروح معاج
ام حمد ستغربت مو من عادتها: ياله لبسي و تعالي ما قول لا
جوري وهي تدخل: بروح معاكم
مريم: انتي قاطه ويهج بكل شي
ام حمد: خليها تروح روحي لبسي
راحوا البنات يتكشخون و مريم أول مره تخلص بسرعة
مريم: خلصت يمه
ام حمد: شوفي جوري و عطيها شي زين تلبسه
مريم: طيب
راحت لها وعطتها
أم حمد: مريم أنا بروح و لحقوني أنتوا طيب
مريم: يمه أنطرينا
ام حمد: لا فشله تأخرت أنا قايله لها 4 ياله بروح
مريم: خلصينا جوري سنه تلبسين
جوري: كاني أف منج ياله سوي شعري
مريم: ما يحتاج حلو جذيه
جوري شعرها ناعم و قصير
جوري: لا مابي مو حلو
مريم: شتبيني أسوي فيه يعني
جوري طلعت لها ورود صغير عنابي و أبيض على لون فستانها
جوري: حطيلي هذا
مريم: والله مروقه أنتي أمي راحت عننا واني بتكشخين
جوري: حطيييييييييييييييييييييييه
مريم: زيييييييييييييين تعالي
أخذت شعرها من الجنبين و حطت وردتين على الجهه اليمين و وردتين على اليسار
مريم: خلصينا ياله لبسي جوتيج
لبست و طلعوا راحت لقت بابهم حق الشارع مفتوح دخلت الحوش مو عارفه وين تروح
سمعت صوت سيارة تدخل الكراج و نزل منها وليد مريم تمت واقفه بمكانها
وليد نزل شافها
وليد وهو واقف شوي بعيد عنهم: السلام عليكم
مريم وهي متفشله: و عليكم السلام
جوري: أنا شفتك بالشاليهات صح
وليد طالع جوري: إي والله أنتي اللي حذفتيني بالكرة
جوري:ههههههه إيه أنا
وليد: أمي و أمج داخل دخلي من هذا الباب
مريم كانت تفكر معناتها صج هو: مشكور
جوري وهي تسحب مريم: مريم أبي ألعب بالمراجيح
مريم: داخله كورنيش أنتي أمشي داخل أول نسلم وبعدين كيفج
جوري: زين
دخلوا مريم: السلام عليكم
أم وليد: وعليكم السلام
أم حمد: وينج تأخرتي
مريم: كله من جوري بالموت خلصت
راحت سلمت على أم وليد و قعدت يم أمها
أم وليد قامت نادت بناتها و رجعت
جوا البنات و سلموا على مريم و أمها و قعدوا
البنات هم داليا عمرها 22 غادة 19 رولا8 طبعا وليد و حيدهم هو بين داليا و غادة
جوري: يماه بلعب بالمراجيح
أم حمد: من وين مراجيح
أم وليد: فيه بالحوش روحي لعبي رولا روحي معاها
جوري: تعالي خلينا نلعب
رولا:ياله
مريم:جوري من قدها لقت لها معاونه
غادة:عاد رولا اللي مقصره
داليا: إلا أنتي أي سنه مريم
مريم: أول جامعة
غادة: كبري يعني شنو تخصصج
مريم: أدبي نجليزي
غادة: أنا كيميا
مريم: يعني بنفس الجامعة بس ما شوفج الصباح أطلعين
غادة: أنا أروح مبجر حيل يمر علي الباص
مريم: اها طيب شرايج من اليوم و رايح انا أوصلج معاي
غادة: لا فشله نثقل عليج من أولها خل الميانه تطيح بينا أوريج ساعتها
مريم: يمه تلعطي مو هينه..
غادة: هههههههههههههههه
البنات أندمجوا مع بعض و ستانست ام وليد أن البنات لقوا لهم أحد يسليهم وهي رتاحت لهم
و نفس الشي أم حمد
ما طالت القعده لكن البنات لزموا أن مريم تقعد معاهم و ترجوا أمها إلى أن وافقت
و أكيد جوري دام مريم تقعد هي نفس الشي و قعدوا
البنات طبعا شغالين سوالف و ضحك كأنهم يعرفون بعض من زمان
دخل وليد: السلام عليكم
الكل: و عليكم السلام
وليد راح غرفته على طول و ما قعد معهم
...
مها كانت قاعده بغرفتها و مقابله الجوال تنتظره يدق لكن ما فيه فايده
قامت توها طالعه يرن الجوال نقزت على السرير و أخذت الجوال طالعت
هو المتصل ردت
مها:االو
سيف:الو
سكتوا
سيف: صراحه مدري شنو اللي خلاني أدق عليج
مها:حتى أنا أول مره أسوي هذي الحركه و متفشله من عمري
سيف:ش..شخبارج
مها:زينه و أنت
سيف: الحمد الله بخير
مها:دووم
سيف: أنا...سيف
مها: تشرفنا أنا.. مها
سيف: عاشت الأسامي
مها: عاش غاليك
عم الصمت مده
سيف: مها
مها حست قلبها بيطلع من مكانه يوم قال أسمها: نعم
سيف: تامرين بشي
مها: سلامتك
سيف: سلام
مها: سلام
سكرت منه و نسدحت على السرير وهي حاطه إيدها على قلبها
و هو رجع راسه على ورا على الكرسي و تنهد ما يدري شنو صار فيه
هو مواعد نفسه ما يدق عليها لكن ما قدر
رؤى: مهااااا أدخل
مها: إييييه ايه دخلي (كأنها تقولها بتنهيده)
رؤى: وينج اليوم ما شفناج
مها: لا ولا شي
رؤى: نزين بنروح البقاله تيين
مها: أي وحده
رؤى: هذي القريبه الله يخليج تعالي بنروح لها مشي أنا و هديل و أمي
مها: طيب دقايق و نزل
رؤى: مشكوره يا بعد قلبي أنتي
تحدد وقت ملجة مساعد بما أن الختبارات على الأبواب فا بخلونها ثاني يوم بعد الأختبارات
يعني بعد شهر بالضبط عبير كل ما طلعت السوق تاخذ مريم معاها
الملجه كانت بالبيت بيعزمون الأقارب بس يعني عمات خالات بس
يتبعـــ

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

((كان عليهم أختبار نثر و تدرون أنجليزي ))
مريم: بروح عند مها أخذلي بريك راحه
رؤى: أنا بنسدح شوي أريح
راحت مريم عند مها لقتها منثره الملازم على كبر السرير وهي منسدحه بو سطتهم على ويها
مريم: يا الله قطعتي عمرج بالدراسه
مها وهي تنقلب على ظهرها : ملاااااااااااااااااااااااااانه مو قادره أدرس
مريم: و أنا أكثر منج لوووعة جبد
مها: شكلي بحمل مادة معاي بمووت أنا
مريم: أقول مها بداومين بالشركة هذي السنه بعد
مها: أكيد تصدقين العام جربتها عجبني الشغل و منها أدرب عليه
مريم: مو تعب
مها: هو مو كل شي علي نص الوقت قاعدة ويجون يعلموني بس أهم شي
على كيفي متى ما بغيت أروح أروح
رؤى وهي تصارخ بغرفتها: ااااااااااااااااااااااااااااااااااااااا بنتحر أنا الحييييين أهاااااا مليت والله مليت
أكررررررررررررررهج أناااااااااااا
مريم و مها ماتوا من الضحك عليها راحوا لها لقوها حاذفه الملزمه و الأوراق منثره وهي
ماسكه المخده و حاطتها على ويها وتصارخ توخرها تتنفس و ترجع تحطها و تصارخ
أم عبد العزيز كانت يايه ركض من سمعت رؤى تصارخ
وهي تدخل الغرفة: شفيكم شصاير
مها: ما فيه شي بس هذي هستيريا الأختبارات و بتزول لا تحاتين
ام عبد العزيز وهي تحط إيدها على قلبها و تتنهد: اوووه خرعتني حسبي الله عليها
رؤى: انا با ن ت حر وهي تمط بالقميص اللي لابسته و تنسدح وهي تتنفس بسرعه
من الجهد اللي سوته
مريم و مها مو قادرين يوقفون من الضحك عليها بسطوا بالأرض
طبعا هديل عارفه خبالهم كانت ذاكر تحت بالمجلس عنهم بهدوووء مو مثل
هالمخابيل ................
و ستمر حال البنات طوول فترة الأختبارات و كل ما طلعوا من ختبار كل وحده تبشر الثانيه
برسوبها بالماده و يباركون البعض على هذا الإنجاز طبعا غادة من طقتهم خبله كملوا
خلصوا أختبارات النتيجه بعد أسبوع هديل ألهم ماكلها خايفه من النتايج أما مها و مريم و رؤى
بايعين الدنيا ولا كلفوا نفسهم بالتفكير
عبير كانت مخلصه من زمااان و مواعده مريم أنهم يروحون سوى للصالون تسوي حمام مغربي
أو سونى
الملجه يوم الأثنين لازم السبت تروح للحمام المغربي على الساعة 2 هي بالصالون
مرت عليهم مريم و أخذتها و راحت معاها مريم كانت تشوف التساريح و تختار من الحين لأنه
بنفس الصالون اللي متفقين معه
كانت الأستعدادات مستمرة و بعدهم ما خلصوا طبعا عبير طلبت يسوون لها مسكه من الورد
الطبيعي سماوي و أبيض و راح يجيبها المحل الأثنين العصر البيتهم
خلصت عبير و كانت داايخه من البخار تحس فيها النووم لأنه يدوخ الواحد
عبير وهي تقعد يم مريم: اووه أحس فيني النووم
مريم: نعيما أكشخ رحيتج عجييبه صج عبير الورد
عبير: الله ينعم عليج شتسوين
مريم: دام حنا هنيه أختاريلج تسريحه
عبير: إي والله صاجه
مريم: صبري أوريج وحده عجييبه تصلح الطول شعرج
عبير شافتها: حلووه بس خلينا نشوف الباقي و نطلع التوب منهم و نختار بالنهايه
مريم: منتي منقشه
عبير: بلا باجر بنقش حنى أسود و أنتي
مريم: حتى أنا
عبير: خلاص تعالي عندي باجر بتيي و تحط لي
مريم: خلاص أيل بيج
تموا يتفرجون إلى أن حددوا اللي يبونه و قالوا للكوافيرا علشان تحتفض بالصور
رجعوا البيت عبير نامت من الدوخه و مريم قالت لأمها أنها بتنقش مع عبير
................
يوم الأحد مريم تغدت فبيت عبير لأن النقاشة بتييهم بعد الغداء
مريم: الحمد الله تسلم إيدج خاله عجيب الغداء
ام فواز: بالعافية
عبير: مريوم روحي غرفتي وانا الحين أييج
مريم: وانتي بسج أكل قومي معاي
عبير: بس هذا الصحن و قوم و الله
مريم: اوكي لج خمس دقايق أن ما يتي بنزل و أسحبج من كشتج
راحت الغرفت عبير شغلت المكيف و فصخت عباتها و ننسدحت على السرير
يت عبير : شنو بتنامين
مريم: لا بس بريح شوي عيوني
عبير: إلى وين بتنقشين
مريم: نص إيدي و بخليها تسوي نقشه ناعمه على زندي
عبير: تعالي أوريج النقشات اللي نزلتهم من النت
قعدوا يطالعون و كل وحده ختارت لها نقشه
انطق الباب دخلت النقاشه كانت هنديه و بدت بعبير بعد ما ورتها النقشه
مريم: اقول ما عندج شي ألبسه
عبير: شنو تبين
مريم: شي حفر علشان تنقشني عدل
عبير: فتحي الكبت و أخذي
قعدوا يسولفون مع النقاشه إلى ان خلصتهم شغلوا لهم طقطه بالكمبيوتر
و سوالف إلى أن ينشف الحنى
....
رؤى: مها بتروحين السوق اليوم
مها: ليش
رؤى: إذا بتروحين أخليج ترجعين الكسسوار حقي و تاخذين الثاني اللي عجبنا تذكرينه
مها: إيه أذكره بس اللي عندج حلو
رؤى: هو حلو لكن مو مناسب للفستان
مها: اوكي عطيني ياه إذا رحت بدلته لج
رؤى: اوكي
دق جوال مها تعيزت تقوم تاخذه لأنه على التسريحه و هي قاعده على السرير
دخلت رؤى
مها: رؤى يبي جوالي معاج
رؤى: اخذته و عطته مها و عطتها الإكسسوار
مها شافت المتصل حطته صامت كان سيف المتصل لكن مقدرت ترد علشان رؤى موجوده
رؤى أخذت مجله و طلعت رفعت الجوال توها بترد تسكر ترددت تدق عليه ولا لا
تذكرت أنها خلاص بتبطل من هالسوالف لكن مقدرة تحس سيف غير دقت يعني ممداه يدق سكرته
سيف ولع جواله ليت و طفى شاله ستغرب مكالمه لم يرد عليها فتحه
كانت مها دق عليها
على طول مها ردت: الو
سيف: السلام عليكم
مها: وعليكم السلام
سيف: أخبارج
مها: ماشيه انت علومك
سيف: الحمد الله بخير
سيف: عذرا على الجرئه انتي جم عمرج
مها: 19 قريب من العشرين
سيف: العمر كله تدرسين؟
مها: ايه اول جامعة فيزياء
سيف: الله يوفقج
سكت
مها: و أنت
سيف: أنا؟ شفيني
مها: ماقلتلي كم عمرك
سيف:24 توني متوظف
مها: الله يوفقك ان شاء الله
سيف: الجميع .... مشغوله؟
مها: لا أبد فاضيه
سيف: اوكي ما طلعت النتيجه
مها: لا بعد مو ألحين
سيف: شتتوقعين
مها: أكيد عندي ماده شي طبيعي شكلي بحول كيميا
سيف: ليه ما عجبج القسم
مها: حلو لكن صعب حسيت ما منه فايده لو درسته
سيف: ما عليج من كلام الناس اللي أنتي تحبينه دخليه و كافحي لأنج بتنتجين فيه
مها: صح لكن مدري الأيام تثبت لي شنو الصح
سيف: صح
مها: اوكي انا بسكر منك الحين طيب
سيف: اوكي و السموحه
مها: سلام
سيف: بحفظ الله
سكرت منه و راحت غيرة ملابسها بتروح السوق تخلص شغلها
حست بنشاط بعد ما كلمها سيف مع أنها عارفه بترجع مثل أول لكن مو قادرة
تبطل قررت ما تقول الأحد حتى المريم
مريم رجعت البيت و هي مستانسه لأن باجر خطوبة مساعد ورت أمها النقش و عجبها
راحت زيتت شعرها و دهنت جسمها بزيت خاص لتبييض البشره كانت الساعة 9 بالليل
فا قعدت بغرفتها و تتصفح النت على ما تمر ساعة علشان تسبح
مها بعد تردد كبير أرسلت رساله لسيف هو ستانس بالمسج يحس ان مها دخلت قلبه على طول
لكن اللي شاغل باله هل فيه غيره بحياتها تكلمه يعني أو لا
........................
مساعد حاط طقطقه بكمبيوتر محمد مو مخلي محمد ينام و يرقص محمد قاعد على السرير و يتثاوب
ينتظر مساعد يخلص مساعد يرقص شوي و يسنع بالغتره شوي مقابل المرايه و لابس الثوب و متكشخ
محمد يطالعة حس بالغيرة متى يجي دوره و يعرس مثل مساعد
محمد: ما راح تخلص أنت
مساعد: هاااااااااه مسمعك
محمد يرفع صوته: مااااااا راااااح تخلص انت
مساعد: شنوراك بتنام تراااااااااااااااااهي عطله
محمد: مو انت اللي بمشورونك باجر أنا اللي بنكرف
مساعد: تستاااااااهل خل منك فايده لو مره بحياتك
محمد: اقووووووووووووول
مساعد: امرررررر
محمد: تعرف التببببببن أكله
مساعد: ما تقصر يا بعدي أنت قم أرقص معاي
محمد: حط شي عدل أنت
مساعد: غيرها حط حمام جانا مسيان
قاموا ثنينهم يرقصون عليها و همو مستانسييين مرره
...................................
مريم تسبحت و خلصت و قعدت بالبكونه حقتها تطل على حوش بيت ابو وليد قبالها شباج
لكن ولا مره شافته مفتوح هي اخذت حجاب احتياط و قعدت كان الجو حلوو أحسن من كل يوم
خصوصا ان الساعة 11 بالليل فيه براد شوي قاعده كل شوي تشغل أغنيه بجوالها
ان فتح ليت الغرفه كانت قاعد الغرفه تكون على يسارها لتفتت شافت ظل يمشي
حطت الحجاب حتياط و لفت ويها طالع الجوال و تحوس فيه
ما حست إلا الشباج ينفتح
غادة: مريمووووووووووووه
مريم تخرعت طالعتها: غادة حسبي الله عليج خرعتيني
غادة: مسويه جو رومنسي هاه شخبارج شتقتلج
مريم: تمااااااام و انتي
غادة: نزقح شعندج قاعده هنيه
مريم: ما ياني النوم والجو حلو قلت خانطلع
غادة: غرفتج هذي
مريم: ايه غرفتي
غادة: غــ....
وليد: غادة شقاعده تسوين
لفت طالعه: أسولف
وليد: سكنهم مساكنهم مع منو؟؟
غادة: مريم بنت يرانا
مريم: غاادة منو عندج
غادة طالعتها: وليد أوكي أنا بروح
مريم: اوكي
طبعا هذي الغرفة غرفة الكمبيوتر اللي يبي الكمبيوتر يقعد فيها
طلعت غادة مريم لفت حجابها و هي طالع جدامها كان الشارع لأنها قاعده على جنب
طبعا الستاره مفتوحه بعد غادة فا كانت مريم قباله تم يطالعها
وليد(اختها كانت بالشاليهات معقوله تكون هي مجهوله لا شالصدفه أني أكون ولد جيرانهم لا ماضن)
طلع من الغرفه مريم كانت تفكر بنفس الشي إلى أن جاها النوم و دخلت
يتبعــــــ
:::::::::::::::::::::::::::::::::::::::::::::::::: :::::::::::::

عضو مميز المساهمات : 910 تاريخ التسجيل : 01/07/2008

--------------------------------------------------------------------------------

..((.. الجـــــــــزء الخامس و العشرون ..))..

*=* يوم الأربعاء *=*
مريم وهي داخله الصاله: صباح الخير
الكل: صباح النور
طبعا الكل كان يفطر وقتها
أم حمد: اقول يمه بتوصلين غادة معاج
مريم: إيه أكيد
ام حمد: حليلهم والله شكلهم طيبين و ما منهم شر
مريم: ستانست معاهم ذاك اليوم حيل
ام حمد: روحي لهم قوليلهم أنج بتوصلين غادة قبل لا يجيها الباص
مريم: ان شاء الله
طلعت وراحت لهم دقت الجرس
وليد:جاي
فتح الباب و مريم كانت واقفه بعيد
مريم:السلام عليكم
وليد:وعليكم السلام
مريم:غادة موجوده و لا راحت
وليد: لا موجوده
مريم: ممكن تقولها اني انا بوديها الجامعة اليوم و لا تروح بالباص
وليد:لا ما يحتاج
مريم: معليه انا قايله لها أمس بس حبيت أأكد لها
وليد: ما تقصرين
مريم: عن أذنك
راحت عنه و قلبها بيوقف من الفشله .. دخلت كملت فطور و على الـ6,30 دقت الجرس على غادة
و راحوا سوى للجامعه تلاقت مع رؤى و مها و عرفتهم على بعض و ستانسوا معاها
...
عبير كانت تتصل على الستعلامات تاخذ أرقام الصالونات و تروح تشوف شلون شغلهم و تحدد صالون علشان
ملكتها لكن الفستان إلى الحين ما لقت اللي يعجبها
طبعامن ترجع مريم للبيت تريح و العصر تروح مع عبير للمجمعات تختار لها فستان و تساعد عبير بالذوق
عدى اليوم بالجامعة بدون أحداث جديده و رجعوا البيت
و غادة كانت بس تسولف عن مريم و شلتها و شلون حبتهم و رتاحت لهم
محمد قرر يروح يزور أهله قبل الإختبارات لأن أمه طالبه منه يجيهم و مساعد كان مشغول بترتيبات
الخطبه تفصيل ثوب و الهديه اللي بقدمها لها لف على كل المطاعم يختار أحسن مطعم
و قرر الحلا حق القهوه عليه و يأجر صبابات لأنها حفلة حريم بس
الرياييل يعقدون العصر و شاي و قهوه و خلاص الربشه كلها للحريم
على الساعة 4 العصر مرت عبير على مريم و راحوا المجمع
معهم طبعا ام فواز
مريم وهي طالع الفساتين المعروضه: عبير شوفي هذا الفستان مو حلو يهبل
عبير : حلو لكن ما يصلحلي أنا مشتهيه لون سماوي على لون الصندوق
مريم: خل ندخل نسأله فيه ألوان ولا لا
دخلت و تفرجوا على الموجود سألته قالها فيه طلبت مقاسها بالون السماوي كان مخلص
قررت مريم أنها بتشتريه طلبت لون برتقالي فاتح مايل على الوردي يعني صعب تحددين لونه لقت مقاسها
راحت قاسته طلع رووعه عليها هو بسيط لكن من عند الخصر على جنب فيه و رده كأنها ماسكه
القماش و مفتوح طالع من تحته شيفون عليه تطريز بالخرز معه كرستالات معطيته شكل حلو
بقالها الجوتي و الأكسسوار لكن تنتظر عبير تشتري فستان
بعد عذاب لقت عبير طلبها كان من جد قمه بالروعه هو سمواي تركواز عليه من عند الذيل ورود لون بني قاتم
صح هذا اللونين صعب يتناسقون مع بعض لكن شكله مرره روعه اخذت المقاس و قاوسته
و هي جسمها حلو فا عطى الفستان شكل حلو هو علاق ينحط على الرقبه و يمسك بورده
على الفستان جهت اليسار يعني الفستان خيالي
الحين جاء دور الأكسسوارات لازم تلبس طقم بسيط أذا جت تدخل بعدين تفصخه و لبسها
مساعد الشبكه دخلوا شرت كل وحده اللي تبيه مريم شرت أكسسوار فضي
و عبير سماوي و نفس الشي الصنادل عبير شرت فضي عليه كرستالات سماويه و مريم
صندل فضي عليه كرستالات فضيه حتى تلبيسة جوالاتهم شروا على لون فساتينهم و مريم شرت
كرستالات علشان تلصقها على التلبيسه
رجعوا البيت العشاء هلكانات من التعب و مستانسين
طبعا أهل مها معزومين فا الأستعدادات شغاله عندهم هديل المسكينه كانت الأختبارات مسويه لها
أزمه طبعا هي تراجع الحين ستعداد للإختبار
................
محمد وهو يدخل بيتهم طبعا وصل على الساعة 9 بالليل
محمد: السلام عليكم
الكل: و عليكم السلام
ام خالد: هلا بقليبي
محمد راح لها و باس يدها و راسها
محمد: شلونج شخبارج
ام خالد: بخير بشوفتك ولهت عليك والله
محمد: حتى أنا
شهد: السلام كله الأمي و أنا ولا شي
محمد لف طالعها وهو يبتسم: أفا و أنا أقدر أزعل شهودتي
شهد سلمت عليه و باسته على خده: شتقنالك يالخايس
محمد: حتى أنا
خالد: شخبار بو جاسم (محمد يعني لأن دايم كل محمد بو جاسم)
محمد: يسلم عليك شخبارك أنت
خالد: بخير جعل ربي يسلمك
قعد محمد والكل حواليه
محمد : أحس أني فاقد أحد
مي وهي تنزل من فوق: فاقدني أنا صح
محمد: ميوووونه هلا والله شلونج شخبارج
شهد: والله والله طالع شلون مشتاق لها أكثر مني
مي: لأني الجعده مووتي حره
شهد: من زينج عاد
محمد: بدينااا كنت مرتاح من مناجركم هناك
مي: خلاص ما نعيدها
محمد: وينه أبوي؟؟
ام خالد: نايم جاء اليوم متأخر من الدوام نطرك بس التعب ما خلاه
محمد: الله يعطيه العافيه
نعرفكم عليهم خالد طبعا الكبير عمره 25 سنه مو متزوج يشتغل بالقطاع الخاص شهد 20 سنه
خلصت ثانوي وقعدت بالبيت على قولتها فترة راحه بعد الثنويه بعدين تسجل جامعة
مي أخر العنقود 16 سنه أول ثانوي وهي مثل ما شفتوا حبيبت محمد
طبعا الفرحه مو شايلتهم و كانت السهره حلوه بوجود محمد
... من جهه ثانيه..
مساعد قاعد بالصاله و يقلب المحطات يحس بملل فقد محمد حيل
ام مساعد وهي تقعد عنده: شفيك تتأفأف
مساعد: ضايق خلقي لحالي
أم مساعد: من غير شر على محمد أحس البيت فاضي من دونه
مساعد وهو يطالع أمه: لا والله تفقدين محمد و أنا لا
أم مساعد: شدعوه بفقدك لا رحت عني و تزوجت
مساعد: أصلا بسكن عندكم أنا
أم مساعد: الله يحينا الحين خل تخلص الملجه
مساعد: تصبحين على خير بروح أنام
أم مساعد: وأنت من أهله
مساعد صعد فوق كالعاده متجه الغرفة محمد يقعد عنده شوي طق الباب و دخل
لقا الغرفة فاضيه تذكر أن محمد مو موجود سكر الباب و راح غرفته
دق على محمد
محمد شاف مساعد متصل بتسم: الوو
مساعد: هلا بولد العم و الخاله
محمد: هلا فيك
مساعد: حموود غرفتك فاقدتك حيل ترى
محمد وهو يضحك: الغرفه هاه و أنت
مساعد: مرتااااااااااااااااح من دونك حيل
محمد: ليه متصل علي
مساعد: بس أضيع وقت (خطرت براسه فكره و ما تردد بتنفيذها)
محمد: و أنا مو فاضيلك
مساعد سكت
محمد: الووووووو مساعد وينك
مساعد: هاه كاني معاك (قالها بطريقه أن باله مشغول بشي)
محمد: شيفك مساعد مو من عوايدك صاير هادي و جنك تفكر بشي
مساعد: لا... لا ولا شي
محمد وهو متخرع طلع بالحوش علشان يكلم على راحته
محمد: مساعد ليكون صاير لك شي قول أنا أسمعك
مساعد وهو يضحك بينه وبين نفسه: محمد أنا... صراحه مدري شنو أقولك
محمد: شفيك ليكون صار شي بنسبه الخطبتك
مساعد: لا التجهيزات مستمره ... الشي مو يخصني.. يخص..
محمد: يخص منو مساعد خرعتني
مساعد: مريم..
محمد و هو متخرع حيل: شفيها خلصني مساعد تكلم
مساعد: مريم .. بيتقدم لها واحد و أضن بيوافقون عليه لأن الولد ما عليه كلام
محمد: شنووووو.. متى؟؟؟؟؟
مساعد: ما أدري مته لكن هذا اللي أعرفه
محمد وهو يمرر إيده بشعره بتوتر و قلبه يدق بسرعة مو عارف شيسوي هو كان يمشي بالحوش
رايح و راد بسرعة
مساعد: محمد أنا كنت بقولك علشان لو تبيها أكلم مريم ترفض علشانك
محمد يتكلم بلا وعي: مستحيل مستحيل أنا....أنا
مساعد وهو ينتظر يقول كلمة أبيها علشان يبدء بالخطوه الثانيه اللي هي جس نبض مريم
أتجاهه محمد
مساعد: انت شنو محمد قول
محمد: أسمع انت حطيت مريم براسي و قلبي حبها (وهو يرفع صوته) معناتها مريم ما بتكون لغيري
لو على جثتي لأن .....
مساعد: لأن شنو
محمد: قلبي ينبض بأسمها و ماراح أسوي شي يأذي حب قلبي
مساعد (يعني قلبك حبها و أنت لا حشى مو راضي يقول أنا أحبها): حمووووووووووود
محمد: هلا
مساد وهو يضحك: صااااااااادووووه اجذب بس ابيك تعترف انك تحبها
محمد وهو معصب و فيه الضحكه: يااااااااا النذل هين مساعد خلني اشوفك بس
مساعد: هههههههههههههه تامر بشي
محمد: سلامتك
سكر مساعد وهو يطق أصبع مستانس باللي سواه و الحين مريم لازم يسويلها مثل
ما سوى لمحمد نام و هو يبتسم إبتسامت نصر
محمد دخل عند أهله و حاول يطرد الغضب و يرجع طبيعي
عدى الأمر بسلام و حرق أعصاب لمحمد
عدت الأيام على خير و بدت الإختبارات و لكل لاهي بشغله و دراسته
مريم مره تروح عند رؤى تدرس معاها مره رؤى تجيها و مها نست بالوقت الحالي سيف
مريم وهي تدرس مع رؤى: اف اف اف ليه ما يحذوفن هذي المادة و فتك
رؤى: أنا أكرها أكثر منج تذكرني بالتاريخ أيام الثنوي

عضو مميز المساهمات : 910 تاريخ التسجيل : 01/07/2008

واعذروني على التأخير

ثانكس
معذور Razz

عضو مميز المساهمات : 910 تاريخ التسجيل : 01/07/2008

يسلمو على المرور

عضو مميز المساهمات : 910 تاريخ التسجيل : 01/07/2008

..((..الجــــــــــزء السادس و العشرون..))..

عبير وهي عند الكوافيره: صدق أو لا تصدق انا بعد جم ساعة بكون مع مساعد
مريم وهي واقفه تنتظرها تخلص و يجي دورها:الله يتمي على خير
عبير: آمين...
مساعد كان عند الحلاق يحلق و يتكشخ
محمد طبعا يجهز كل شي رايح راد من بيت عمه البيت ابو فواز كانت الساعة 3
على الساعة 5 بيجمعون الرياييل و يملجون و لازم عبير موجوده علشان جذيه هي
من الظهر بالصالون
عبير: مادري احط ورد طبيعي ولا شرايج
ماري: لا طبعا طبيعي أحلى
عبير: شلون ما عندي أنا
ماري: مو مشكله نتصل بالمحل هوا قريب من هنا أيش لون الفستان
عبير: مريم الله لا يهينج طلعيلها الشال
مريم: شوفي ماري
ماري: نو بروبلم
شسورة شعرها بعدها المكياج طبعا ما يدخلون حد معاها و مريم جئ دورها بالشسوار
طبعا مها و رؤى و هديل راحوا بدري بيت عبير مع ام حمد يساعدونهم و ماخذين كل شي معاهم
مر الوقت بسررعه على الكل الساعة 5 عبير و صلت معها مريم
عبير كانت مرتبكه لدرجة أنها تهزء أي أحد جدامها من الربكه الرييايل مجمعين بالمجلس
ينتظرون الشيخ و مساعد كاشخ و لابس البشت و حركات و محمد أكشخ و أكشخ
بس طبعا بدون بشت مريم أخذت عبير و راحوا يطلون عليهم بالمجلس
عبير: لا مابي أخاف احد يشوفنا
مريم: اششش تعالي (طلت كان الباب مفتوح قباله مساعد) حركااات مساعد كشخه
عبير فيها مساعد طلت من فوق مريم: يا حلااته
مريم: ظهري بينكسر و خري
عبير: زيين
مريم: فواز ياي بسرعه أمشي
راحوا ركض للغرفة الثانيه
فواز: احم درب درب
مريم: طوووف محد يمك
فواز دخل: مريم قوليلهم يغيرون الدله هذي ما تحفظ القهوه
مريم: ان شاء الله أخذتها و راحت
فواز شاف عبير: أوه عبير أكشخ حركات (ابتسمت له)
مريم: تفضل
فواز: عن أذنكم
بعد فتره بسيطه جئ الشيخ قهوه
الشيخ: بسم الله من المعرس
مساعد: انا
الشيخ: تعال أقعد يمي... أبو العروس
ابو فواز: سم
الشيخ: تعال على يميني(طبعا قال لهم كم حديث ) وين العروس
راح فواز ناداها جت وهي متغطيه لأنها حاطه مكياج
الشيخ: يا بنتي هل أنتي موافقه على هذي الخطبه
عبير ساكته ولا كلمه مساعد ينتظر منها رد و هي ساكته
الشيخ: يا بنتي تكلمي موافقه او لا
نفس الشي ساكته راح لها فواز
فواز: عبير شفيج جاوبي اذا مو راضيه قولي محد يقدر يسويلج شي
عبير: مـ موافقه
الشيخ: أكيد
عبير هزت راسها يعني إيه عطاها نصيح بسيطه بعدها طلعت عبير
سأل مساعد و أعلن الموافقه وقع و ودوا الدفتر العبير وقعت فواز ضم أخته و نزلت دمعه على خده
مسحها بسرعه و جراح سلم عليها و أبوها و راحوا
من دخلت عند الحريم امها و ام مساعد و ام حمد
ام فواز : قللللللللللوووووووش مبروك مبروك (ضمتها وقامت تصيح عبير خلاص بتصيح مسكت نفسها)
راحت غرفتها تبدل لقت البنات هناك سلموا عليها و باركوا لها طلعوا عنها بقت مريم بس
تقعد معاها توخر التوتر شوي و تصورها
المغرب راحوا كل الرييايل مساعد راح بيتهم مع ابوه محمد ابو فواز و فواز و جراح دام بيتهم كله حريم
ينتظرونهم يخلصون علشان يدخل مساعد و يلبس عبير الشبكه
على الساعه 8 تجمع الكل نزلت مريم ضبط المسجل و الكاميرا و هي من اول تصور عبير و تسألها عن شعورها
من قبل لا توقع و يوم توقع صورتها يعني كل لحظه تصورها
نزلت عبير على الزفه اللي حاطينها لها كان شكلها مرره ناعم و حلو حتى مريم مو أقل منها جمال
رؤى و أخيرا شافت عبير و تقارن بينها وبين عبير ادور شبه مالقت لكن الكل يقول فيها شبه
قعدت عبير معهم جوا سلموا عليها خالاتها
مريم دقت على مساعد: الوووو
مساعد: الوين
مريم: مبروووووك
مساعد: الله يبارك فيج
مريم: خالتي تقول ياله تعال
مساعد: احسبي خمس دقايق أنا عند الباب
مريم: اوكي
سكرت و مساعد قام ركب سيارته و راح
وصل و دخلوه كان مرتبك اول مره يدخل على حريم عبير كانت واقفه و منزله راسها
ام فواز: رفعي راسج لمنو متكشخه
عبير: ان شاء الله
رفعت راسها كان مساعد قريب سلم عليها و باسها على راسها
و قعد جابوا لهم عصير شربها وشربته بعدها لبسها الشبكه صوروهم فيديو و صور فوتوغراف
مساعد: شلونج
عبير: الحمد الله
مريم: اقول قوموا عند البوفية تقصون كيك
قاموا وهم ماسكين يدين بعض كانت الكيكه أبيض و سماوي على فستانها
بعد ما وكلها و وكلته راحت عبير تغير ملابسها علشان بيطلعون
مساعد راح السيارة ينتظرها طلعت له عبير ركبت وهي مستحيه بتمووت من الفشله
مساعد: حيا الله عبير
عبير بصوت واطي: الله يحييك
مساعد:مو مصدق صراحه
عبير رفعت الغطا عن ويها
مساعد: بوديج مطعم على الله يعجبج
عبير: ان شاء الله(طالعت مفتاح السياره لقت المداليه اللي أهدتها ياه حاطها بتسمت)
مساعد:ياله و صلنا
نزلوا كان موديها مطعم عجيب أنواره هاديه كان متفق مع المطعم أنهم يزينون المكان لهم
هذا المطعم قليل الناس تجيه فا كان فاضي هو مع اثنين بس دخلو من الباب
فقعوا عليهم بلونات فيها خيوط ملونه و شغلوا لهم غنيه و الطاوله كانوا حاطين
عليها ورود حمر و شموع عبير عجبها المكان مرررره
قعدوا سكروا عليهم الستاره
مساعد: هاه عجبج
عبير تقريبا راح التوتر: عجيــــب وناسه
مساعد ستانس الوناستها: دووم ان شاء الله هاه شتطلبين
عبير: مو مشتهيه
مساعد: انا بطلب لج ترى بتاكلين غصبا عنج
عبير ما علقت سكتت طلبوا لهم
....................
بعد العشاء رقصوا البنات و هم قايلين محمد يجي ياخذهم 10 مريم طلعت بالحوش تكلم
كانت تتمشى سكرت خطرت بالها فكره دقت على عبير
عبير دق جوالها تفشلت يوم طالعت المتصل كانت مريم ظحكت
مريم: الوووووووو شتقت لج عبير وينج فيه
عبير: تستغبين انتي بلا جذوب توني معاج شنو شتقتيلي
مساعد بهمس: مريم
عبير هزت راسها أشر لها عطيني ياها
مريم: عبووورتي ليكون مساعد مسويلج شي قوليلي إذا أذاج علشان أذبحه
طبعا مساعد كان يسمعا: حلفي انتي
مريم: اووووووه مساعد
مساعد: يا سبحان الله
مريم: ماتستحي انت طالع مع عبير هين أعلم أمك عليك
مساعد: يمه خوفتيني ذلفي الله
مريم: هييييييييين مساعد اوريك
مساعد: هذاك أول تنفع تهديداتج الحين خلاص انتي صرتي من الماضي الحمد الله مو محتاج واسطه
مريم: حساااااافه
مساعد: تبين شي
مريم: لا
سكر مساعد وهو يضحك
عبير:هههههههه حتى أنت تسكر بويها مسكينه كسرت خاطري
مساعد: ياما ذلتني قبل خليني أنتقم منها
عبير: حراااام مع أنها ذالتني أنا بعد
مساعد: تدرين شنو مسميها
عبير: شنو
مساعد: مراسلي الخاص
عبير: وانا مطراشنا العزيز
مساعد:ههههههههههه لو تدري تذبحنا
طبعا كان اليوم روووعه بنسبه للكل عبير رجعت البيت 11 بالليل
و كان معاها هديه من مساعد بعد ما فتحتها دخلت سلمت على أمها كان الكل رايح
قعدت سولفت معاها و صعدت غرفتها الهديه كان طقم عطر مع كريم جسم بعلبه
حمرا و كرت كاتب فيه
.................................................. .
.. إلى حبي الغالي عبير
هاقد تحقق الحلم و أصبحنا مخطوبين
أتمنى أن أسعدك من كل قلبي و نعش حياة سعيدة مع بعضنا
سأجعلكي سعيدة مهما حدث أتمنى أن تكوني سعيده بهذه الهديه البسيطه
مع خالص حبي..
خطيبك مساعد
.................................................. .....
عبير فرحت و رتاحت مررره بهذا الشي أرسل لها رساله
بأنهم بيفطرون بالمطعم الساعه 9 الصباح
مريم كانت الفرحة كبيره بقلبها لأنها أكثر وحده تعرف بمعاناتهم
و تدعي لهم من كل قلبها طالعة الساعه لقتها 11.30
اخذت الجوال و دقت على مساعد
بهذا الوقت كان مساعد قاعد مع محمد بالغرفه
مساعد: تتوقع شنو أحلى مكان نفطر فيه
محمد: روح د.كيف الكوفي حقهم حلو
دق الجوال
يتــــــــبع النص الثاني منه

عضو مميز المساهمات : 910 تاريخ التسجيل : 01/07/2008

مساعد:نعم
مريم:نعم الله عليك شلونك
مساعد: بخير
مريم: أفا ليه من غير نفس تقولها
مساعد: خلاص هذاك أول أسويلج حساب الحين فتكيت منج ما تهميني
مريم: لا والله
مساعد: إي والله
مريم: سعووووود عاد بلا بياخه
مساعد: اسمي مساعد مو سعوووود
مريم نقهرت سكتت
مساعد: تبين شي
مريم:لا
مساعد: مع السلامه
سكر التليفون و هو يضحك
مريم ضاق خلقها و خنقتها العبره صدقت مساعد
محمد: شفيك عليها
مساعد:خلني أستهبل عليها شوي
محمد: حرام تلاقيها زعلت
مساعد طالعه : وانت شدخلك
محمد سكت و لا علق
...................
صباح اليوم الثاني
مساعد: هاه عبير شنو تبين
عبير: أي شي
مساعد: مثل شنو اخاف اطلبه ما يعجبج
عبير: هوت جاكلت
مساعد: طيب تبين كرواسان و لا لا
عبير: اذا انت تبي انا ابي
راح مساعد يطلب وهي ميته فشل منه طبعا هم بـ د.كيف
مساعد وهو يقعد: شلونج ان شاء الله عجبتج الهديه
عبير: ايه حلوه مشكور ما تقصر
مساعد: كلمتج مريم امس
عبير: لا
مساعد: كلمتني امس مسكينه ما عطيتها وجه ابد تلاقينها زعلانه
عبير: شنو تنتقم منها
مساعد: خليني اطلع حرتي فيها من متى و هي تهددني و انا ساكت
عبير: عاد هي تصدق بسرعه
مساعد: خليها شوي تنقهر بعدها ادق عليها
كملوا سوالف و عبير مرره مستانسه من مساعد و هو كل ما سولفت فرح ان راح عنها الخجل
مريم كانت بغرفتها قاعده ملانه من كل شي
جوري وهي عند الباب: مريم
مريم: دخلي
جوري: مريم انا زهقانه
مريم: و انا اكثر منج
قعدت على السرير
جوري: ليه ما نروح بيت رولا
مريم: قولي الأمي
جوري: و انتي ما تبين تجين
مريم: لا مالي خلق
جوري: خلاص ماني رايحه
سكتت
مريم: عندي فكره
جوري: شنو
مريم: عندي بلونات صغار حقت الماي شرايج نلعب
جوري: وناسه و انا بعد عندي
مريم: خلاص روحي غيري ملابسج البسي شي عادي و خذي البلونات معاج للحوش
جوري راحت ركض مريم اخذت البلونات و نزلت تحت
راحت الحوش تعبي بلوناتها ماي يت جوري و بدء اللعب و حده تيدع على الثانيه و ضحكهم عالي
بعد ما خلصو البلونات شغلوا الرشاشات و يراكضون من بينهم
كان بهذا الوقت وليد بغرف الكمبيوتر سمع ضحك طل من الشباج شافهم ضحك و وخر حس بفرق بيتهم
دايم هادي و ان البنات خلاص كبروا محد يلعب غير عن مريم طبعا هو وخر لأن مريم مو لابسه حجاب
غاده: شصاير
وليد: شنو
غادة طلت من الشباج شافت مريم و جوري: هههههههههههه والله مروقين
وليد:منو هم
غادة: جوري و مريم قاعدين يلعبون بالماي و ناسه
وليد: سوي مثلهم
غادة: ودي لكن البنات ما يشجعون
وليد: العبي مع رولا
غادة: ما لقيت إلا ها الدلوعه
فتحت الشباج و نادت على مريم
مريم: اهلين
غادة: ياله صباح خير
مريم: تلاقينج غيرانه صح
غادة: تصدقين جبتيها على الجرح
مريم: تعالي عندنا اخواني مو موجودين
غادة: ودي لكن متعيزه
مريم: عندي فكره بدون لا تطلعين
غادة: شلون
مريم: حطي السلم و نطي من الجدار
غادة: من صجج انتي
مريم: والله احسن من المشوار
غادة: لا مو اليوم تعالي عندنا العصر
مريم: مدري اقول الأمي و أشوف
غادة: اوكي ياله سلام
من بعدها دخلت مريم مع جوري يغيرون ملابسهم
مريم وهي بغرفتها يت بدق على مساعد تذكرت شلون رد عليها امس بطلت و دقت على محمد
محمد كان نايم رد: الوو
مريم حست بشعور غريب مو مثل اذا دقت على مساعد
مريم: الوو
محمد توه يصحى طالع منو المتصل
مريم: سوري نايم
محمد: هلا مريم لا عادي زين انج دقيتي علشان اقعد
مريم: يت بدق على مساعد لكن تذكرت رده علي بطلت قلت نصبح عليك
محمد: تسلمين
سكتت مو عارفه شلون تسولف معه وهو بعد سكت
مريم: اقول شرايك تيي عندنا على الغدا اليوم
محمد: والله ما ادري اشوف مساعد
مريم: لا خله يولي الخاين ما بيه يجينا
محمد: من صج زعلتي
مريم: اكيد و لا انا يكلمني جذيه
محمد: اوكي خلاص
مريم: ترى بقول الأمي انك بتيي
محمد: طيب
مريم: تامر على شي
محمد: لا سلامتج
مريم: سلام
محمد: مع السلامه
سكر وهو مستغرب يا ترى مساعد قالها اني ابيها لا لو قالها كن ما كلمتني اففف منك
راح الغرفة مساعد لقاها فاضيه عرف انه بعده ما رجع نزل
محمد: صباح الخير
ام مساعد: صباح النور
محمد: خالتي انا اليوم بتغدا فبيت عمتي
ام مساعد: براحتك
تموا يطالعون التلفزيون دخل مساعد وهو يصفر
مساعد فصخ نظارته: السسسسلام عليكم
محمد و امه: وعليكم السلام
مساعد وهو ينسدح على الكنبه: شلونكم شلون اصبحتوا
محمد: تماااااااام
ام مساعد:هاه شلون الطلعه شخبارها عبير
مساعد:الحمد الله كل شي اوكي تسلم عليج
ام مساعد: الله يسلمها من الشر
محمد: ياله من رخصتكم
مساعد: وين
محمد:معزوم
مساعد:عند منو
محمد:فبيت عمتي سلام
دق على بيت عمته
جوري: الو
محمد:السلام عليكم
جوري: وعليكم السلام
محمد: وين امج
جوري:من اقول لها
محمد: قوليلها محمد
جوري:طيب (حطت السماعه وراحت تناديها)
ام حمد: السلام عليكم
محمد:و عليكم السلام شلونج
ام حمد: بخير نحمد الله و نشكره
محمد: عمتي تبين ايب لج شي على الغدا محتاجين شي
ام حمد: لا والله نبي سلامتك
محمد: اكيد
مريم وهي تدخل الصاله: يمااه منو تكلمين
ام حمد: اكيد
مريم: منو تكلمين يماااااه
ام حمد: قرقتيني اكلم محمد
مريم: عطيني
اخذته مريم: الوووووو
محمد: هلا
مريم: حمود جيبلي بيبسي
جوري: حتى انا
ام حمد: الله يفشلكم فشلتونا
سكرته طلعت بالحوش تقعد بالمرجيحه حقتها
.........................
بيت ام مها
مها :يمه بروح الشركه
ام مها: الناس تروح من الصبح مو الحين
مها: بروح اتفرج و رجع
رؤى: أي شركه ؟
مها: ليه ما تدرين ان ابوي عنده شركه
رؤى: صج .. لا مدري
مها: خلاص باجر اخذج معاي
طلعت مها تلاقت مع عزيز عند المدخل
عزيز: السلام عليكم
مها: وعليكم السلام يعطيك العافيه
عزيز: الله يعافيج
طافته توها فاتحه الباب
عزيز: اقول مها
مها لفت طالعته: هلا
عزيز: و لا اقول خلاص
هي ستغربت طلعت متجهه للشركه
طبعا بالشركه الكل رحب فيها و قالت انها بداوم بالشركة من باجر
و هي تتمشى بممرات الشركه لقت واحد قاعد و منزل راسه و بيده ملف و كل شوي يتنهد
هي و قفت بعيد شوي طالعه وهو مو منتبه لها كل شوي يفتح الملف و يسكره
قربت منه مها
هو انتبه ان فيه احد رفع راسه طالعها
مها: المعذره اخوي بغيت شي
..: حتى لو بقولج مو بيدج شي تسوينه
مها: جرب يمكن اقدر
..: من بيسمع لج وانتي مجرد موظفه بسيطه
مها بتسمت له: شدراك يمكن اقدر انت قول و ما عليك
..: انا يايي اقدم على وظيفه كل ما جيت قالوا تعال باجر صار لي اسبوعين على هذي الحال
مها: من اللي قالك
..: المسؤول عن التوظيف
مها: ممكن اعرف شنو شهادتك
..: جامعيه بتقدير جيد جدا مرتفع
مها: اوكي دقيقه خلك هنيه لحظه من شنو متخرج
..: جامعة البترول و المعادن
مها: اوكي انتظر لا تروح
طالعها وهو مستغرب من تكون بعد ربع ساعه طلعت من مكتب المسؤول
مها: اخوي (طالعها) تعال تفضل
راح و دخل هي طلعت من المكتب
المسؤول: اعطني ملفك لو سمحت
عطاه وهو مستغرب شنو اللي تغير
المسؤول: خذ هذي الأوراق عبها و تعال باجر الصباح
اخذ الأوراق و ألف سؤال يدور براسه شسالفه منو هذي الموظفه اللي مشت لي الموضوع
.............
طبعا محمد و صل بيت عمته و تغدا عندهم قعد إلى العصر بعدها راح
مريم و جوري راحوا بيت ام وليد
و البنات فبيت ام مها كانوا يلعبون بلاي ستيشن
و مها فرحانه انها ساعدة الولد و فكت ازمته
و تخذت قرار انها بداوم كل يوم علشان تستقبل اللي يبون وظايف بنفسها
و بتحاسب المسؤول على تصرفاته
يتبعــــ

عضو مميز المساهمات : 910 تاريخ التسجيل : 01/07/2008

..((الجــــــزء السابع و العشرون))..
الأربعاء الساعة 2 الظهر
مريم وهي منسدحه بالصاله اطالع التلفزيون مع امها و جوري
مريم: اقول يمه
ام حمد: نعم
مريم: ما راح نروح المزرعة هذي السنه
ام حمد: ما ادري عن ابوج ما ياب لها طاري
مريم: شوفيه تكفين على الأقل نستانس هناك
ام حمد: يصير خير
دق التلفون مريم: انا برد
جوري قامت ركض لتليفون عناد
اثنينهم يركضون له شالته جوري : الو
و مريم تسحبه منها : قلتلج انا برد
جوري وهي ماسكته معانده: اناااااااا مسكته قبلج
هدته مريم: اف منج هاج
جوري: الو
سالم: يهال انتوا تتهاوشون على التليفون
جوري:هذي مريم
سالم: جبي عطيني امي و انت تهاوشتوا مره ثانيه جذيه وريتكم شغلكم
جوري: طيب
عطت السماعه امها و راحت مكانها مبوزه
مريم: تستاهلين علشان تبطلين لقافه
جوري: سكتييييي
ام حمد: توها مريم تسأل بنروح و لا لا
سالم: ابوي توه كلمني و قال باجر بنروح فا تجهزوا
ام حمد: ان شاء الله
سالم: و على فكره اتصلي فبيت عمي و بيت خالي ابوي يقول بنروح كلنا
ام حمد: ان شاء الله
سالم: مع السلامه
سكرت ام حمد: مفاجئه
مريم و جوري: شنو؟؟؟
ام حمد: باجر بنروح المزرعه مع بيت عمج و بيت خالج
مريم و هي تناقز: و ناااسه بروح اجهز اغراضي
جوري: وانا يماه منو يسوي اغراضي
ام حمد: روحي خذي لج شنطه و حطي لج ملابس حق نوم و حق العصر و شي عادي لللعب
جوري: ان شاء الله
اتصلت ام حمد فبيت اخوها و بيت ابو فواز تقولهم و الكل فرح بهذي الروحه
............
((..بيت ام مها..))
طبعا مها اجلت روح الشركه لأنها كانت سهرانه
هديل تحوس بالنت تحاول اطلع نتيجتها
رؤى و هي بصاله: افـــــــ ( وتتنقل من محطه لثانيه)
ام مها: اقول رؤى
رؤى: هلا عمه
ام مها: متى تطلع نتايجكم
رؤى: الأسبوع الياي ان شاء الله
ام مها: ان شاء الله
رؤى: عمتي ما لكم نيه بالسفر
ام مها: وين نقدر نسافر و أبوج توه معطينه الشغل هنيه و أخوج نفس الشي
رؤى: أيـــه صح نسيت
ام مها: وينهم البنات سكته
رؤى: هديل ادور نتيجتها بالنت و مها نايمه
ام مها: يت العطله و جئ السهر معاها
رؤى: عمتي أقدر اسوي حلى
ام مها: ايه يمه ما يحتاج تستأذنين
رؤى وهي تروح المطبخ: بسويلكم حلا عجيييب على الله موجوده اغراضه
ام مها: حتى لو مو مجوده عطي الخدامه تروح تجيبهم لج
رؤى و هي بالمطبخ: ان شاء الله
.. هديل ملت و هي ادور قامت تتصفح ادور قصص تنزلهم علشان تقراهم
دخلت موقع كانت تدخله من زمان هو فيه شات لكن ولا مره فكرت تدخل له
هذي المره قالت بجرب دخلت و كان مزدحم و فيه هوشه ما عجبها الوضع طلعت
و تصفحت المنتدى حول نص ساعه بعدها دخلت مره ثانيه الشات
كان هادي لكن تسلم محد يرد عليها قعدت تتفرج على سوالفهم و سكرته
رؤى وهي واقفه وراها : شتسوين
هديل نزت : يمه وقفتي قلبي
رؤى: تعالي تحت مليت لحالي
هديل : طيب اسكره و اجي
راحت لمها بغرفتها
رؤى: مهااااااااااا قووووومي بسج نووووم
مها: يا الله مو جذيه تقعدين الواحد
رؤى: اوه اسفه (و طت صوتها) مها ياله قومي بسج نوم
مها ضحكت عليها و قامت للحمام
رؤى و هي تنزل عند عمتها: اعجبج وريتهم العين الحمره كاهم يايين
ام مها: طالعه على عمتج فديتج
.................................................. .......
عدى اليوم على خير بالنسبه للكل
مريم راحت بيت ام وليد معها جوري طبعا و رجعت المغرب
و مساعد طلع مع عبير كالعاده و محمد بالبيت يا عند الكمبيوتر يا بالصاله
نهاية الأسبوع الجاي بروح عند اهله على ما ياخذ النتيجه
..((.. يوم الخميس..))..
مريم ما نامت من الوناسه طبعا الساعة 6 الصباح بيروحون
كل شوي مفضيه شنطتها و مغيره اللي فيها
اهم شي اخذته دفتر يومياتها و كراسة الرسم حقتها
و الكاميرا و الاب توب شي أكيد
.................................
عمار كان قاعد بعد بس سهران على النت لأنه يصمم مواقع
طلعت مريم شافت ليت غرفته مفتوح راحت طقت الباب
عمار : ادخل
مريم: صباح الخير
عمار: صباح الخير؟!! كم الساعة
مريم: 4.20
عمار: الله ما حسيت بالوقت
مريم: شنو اخر التطورات
عمار: قاعد اغير وجهيت الموقع
مريم: علمني
عمار: يبيلها وقت
سكتت و هي طالعه شيسوي
عمار: دخلتي موقعي انتي
مريم: لا
عمار: افا ليه
مريم: اصلا من زمان عن النت
عمار: تدرين ان المزرعه تغيرت
مريم: صج
عمار: ايه كبروها و حطوا فيها تلفزيون مسرح منزلي
مريم: اكشخ و ناسه و أثاث الغرف
عمار: اللي أعرفه اصبغوا البيت أما الأثاث مدري عنه
مريم: حلو انهم سوو تجديد ... اوكي ياله قم الصلاة
عمار: اوكي الحين
طلعت راحت الغرفتها
.................................................. ........
الساعة 6 انطلقوا بيت ابو حمد للمزرعه الطريق مدته ساعة و يوصلون علشان جذيه يقعدون فيها
مدة طويله لبعد المسافه
وهم بالطريق مر يمهم مساعد بسيارته و وقف على جنب و قفوا له
نزلت ام مساعد و ابوه و راحوا ركبوا مع ابو حمد
طبعا الأولاد كل واحد بسيارته عمار و سالم و مريم كانت مع عمار
مريم اتصلت على عبير
عبير: الوو
مريم: صباح الخير
عبير: صباح النور
مريم: وينكم ما مشيتوا بعدكم؟؟
عبير: ننتظر فواز و نمشي
مريم: اوكي ياله سلام
سكرت منها
عمار: شلونها عبير
مريم: الحمد الله زينه
عمار: مستانسه اكيد
مريم: يوووه وخروا عنها صارت مغروره هي و خطيبها الخايس
عمار: افا خايس ليه
مريم: خل يولي صاير مغرور هو الثاني لا و بيجتمعون بالمزرعه الله يعينا عليهم
عمار: هههههههههههههههههه
...............................................
و صلوا المزرعه كانت متغيره حتى من برى طبعا فيها فيلا كبير دورين و سرداب
السرداب فيه جميع انواع الترفيه
من بلياردوا تنس طاوله بلاي ستيشن و تلفزيون كبر الجدار مع مطبخ تحظيري فيه آلة الكوفي بس
الدور الأول صالة كبيره مع غرفة طعام مجلسين و طبعا مطبخ
الدور الثاني صاله و 6 غرف و جناحين واحد الأبو و أم حمد و الثاني للضيوف
المزرعه كل شي فيها غير عن المسبح المسكر و مكيف محطوط دائما على التدفئه
و خيمه و ملحق
مريم عجبتها التغييرات مره من ظمنها السرداب و الألعاب اللي فيه
طبعا غرفتها معروفه من يوم كانوا صغار يعني كل واحد غرفه
راحت غرفتها
الأولاد بالسرداب قاعدين يريحون و الحريم بالصاله و الرجال بالمجلس
مساعد:صراحه صارت تفتح النفس
عمار: أي والله
سالم: تدرون حتى المسبح صار مكيف
محمد: اشوني ما رحت البيتنا
عمار: ليه ما تقولهم يجون يصيفون هنيه
محمد: لا صراحه فشيله
عمار: ترى المكان كبير يكفي الكل
محمد: دام ابوك ما قال ما راح اقولهم
عمار: انا بقوله و مالي شغل فيك
سكت و ما قال شي
بعد كم دقيقه وصلوا بيت ام فواز و عبير راحت عند مريم
..............
مريم: ليت البنات هنيه جن صار وناسه
عبير: أي والله
مريم: ودي يوم اقول الأبوي خلهم يجون المزرعه كبير تكفينى
عبير: تتوقعين يرضى
مريم: نقوله و نشوف أو أقول الأمي وهي تتصرف
عبير: ان شاء الله يرضون
دق التلفون بالغرفه
عبير: التلفون يدق
مريم: ايه هذا موزع للبيت تلاقينهم يبونا..( وهي ترد) نعم
ام حمد: مريم جوري عندكم
مريم: لا مو عندنا ما شفتها من يينا
ام حمد: قومي شوفيها وينها
مريم: طيب..(سكرت) امشي ندور جوري
عبير: ياله
نزلوا راحوا بالمزرعه
مريم وهي تنادي: جــــورررري
عبير: بروح هناك ادور عنها
مريم: اوكي و أنا بروح منيه
نفصلوا يدورون عنها
عبير وهي تروح ورى الفيلا: جــــوري وينج
شافت حظيرة راحت لها دخلت فيها لقت جوري داخل القفص تحاول تمسك الأرنب
عبير: جوري انتي هنيه
جوري: أششششششششش شفتي نحشتيه
عبير: امج تحاتيج امشي نرجع
جوري: طيب هذاني جايه (طلعت سكرت القفص ) تدرين عندنا حصان
عبير: صج
جوري: ايه بس بعيد عن الفيلا هناااااك بالنهايه
عبير: انزين انا بروح انادي مريم وانتي أدخلي عند امج طيب
جوري: طيب
راحت نادت مريم و قالت لها جوري بالفيلا
مريم و هي تدخل : و ناسه تغيرت المزرعه مررره فيه حديقة و رد هناك تهبلل
عبير: صج جن قلتيلي
مريم: أمشي نروح لها
ام حمد: انتبهوا النفسكم
البنات: ان شاء الله
راحوا يتمشون مريم: تحبين كرة السلة
عبير: ما فكرت فيها
مريم: انا اكثر شي استانس فيه هنيه السله فيه ملعب صغير دايم العب فيه
عبير: خلاص ألعب معاج
وصلوا طبعا كانت ألوان الزهور مررره حلوه و منسقه بشكل حلو و عليها مظله
عن الحر
عبير: تهبــــــــــل يصير ندخل
مريم : حتى لو ما يصير امشي ننط السور و ندخل لهم
السور كان قصير حطوا صندوق و اصعدوا عليه و نطوا
عبير: شمي ريحت الفل و الياسمين تريح الأعصاب
مريم: حتى ورد الجوري يهبل شوفيها حمرا ملمسها مخملي
عبير وهي تلمسها: الله و ناسه شكلي بقضي وقتي كله هنيه
تمشوا بين الورد و طلعوا يتمشون بالحديقه
عبير: مراجيح ( راحت لهم و ركبت)
مريم ركبت الثانيه و كملوا سوالف و لعب
محمد كان يتمشى بالمزرعه و كل شجره ما يعرفها يوقف عندها يحاول يكتشف شني هي
شاف مريم و عبير و هم يلعبون و قف بعيد يراقبهم حسهم قراب من بعض مثله و مساعد
و كانت الأفكار متزاحمه براسه ما يدري هو يحب مريم أو لا يخطبها أو تعتبر خطوه فيها تسرع و يخاف يندم عليها راح عنهم
.....................................
من جهه ثانيه
مها داومت بالشركة و طبعا فمكتب أبوها راحت عند مسؤول التوظيف
دقت الباب
راشد: تفضل
مها: السلام عليكم
راشد يوم شافها وقف: و عليكم السلام تفضلي
مها: مشكور ...
راشد: زارتنا البركه شنو تامريني فيه
مها: انا يايه أقولك اني بداوم البشركة و أي واحد يتقدم للتوظيف يجيني بالمكتب
راشد: بس
مها: بس شنو
راشد: مو الكل نقبلهم
مها: ادري مو لكل نقبلهم لكن فيه شي اسمه شهادة يعتمد عليها
راشد: و أنا ما أقبل إلا أصحاب الشهادات الزينه
مها: صح واضح
راشد: شقصدج
مها: قصدي الولد اللي كانت شهادته جامعيه و من أحسن الجامعات و عطلتوه صح
سكت عرف انه غلطان
مها وهي تقوم: على العموم كل متقدم يجيني مفهوم
راشد: ان شاء الله
كان مقهور منها مررره
طلعت قابلت نفس الولد بالممر
..: صباح الخير
مها طالعته و بتسمت له: صباح النور
..: ما عرف شلون أشكرج على المساعده
مها: و لا يهمك المهم انك تستحق الوظيفه ( بتسمت له)
..: اشكرج مره ثانيه بس عندي سؤال ممكن
مها: مو هنيه نتكلم تعال مكتبي
وافق و تبعها تفاجئ يوم شافها تدخل مكتب مدير الشركة
فتحت الباب و وقفت: تفضل.....
دخل و هو ساكت قعدت عند المكتب
تم واقف يطالعها مها: تفضل
..: منو أنتي؟؟؟؟
مها: حتى لو عرفت منو انا تمنى انك تبعد الرسميات ... انا بنت صاحب الشركه
تم يطالعها وهو ساكت
مها: شفيك علشاني صغيره يعني
..: لا... لكن تفاجئت
مها: و أنت شسمك
...: اسمي .. طلال
مها: عاشت الأسامي وين انقبلت
طلال: انا الحين متدرب مدت اسبوعين بعدها يرسموني
مها: اها بالتوفيق ان شاء الله
طلال: تسلمين.. استأذن
مها وقفت احترام له: الله معاك و بالتوفيق مره ثانيه
طلع وهو مستغرب ( مها ما راح انسى هذا الأسم ابدا ..)
يتبعـــ
:::::::::::::::::::::::::::::::::::::::::::::::

عضو مميز المساهمات : 910 تاريخ التسجيل : 01/07/2008

**..((.. الجـــــــــز الثامن و العشورن ..))..**

كان الكل مستانس من قلب بهذي الرحله خصوصا انها بجمعه
مو لحالهم و تغييرات المكان عطته حلاوه زياده
البنات رجعوا داخل البيت عند الحريم و الشباب كانوا بالمسبح
عدا مساعد اللي يطالع التلفزيون بالسرداب إلى الحين عبير
ما تدري ان مساعد موجود تحسبه بعده ما جئ
مريم: يمه المكان برى يهبل ليه ما تفرشون برى و تقعدون احسن
ام حمد: مو الحين بالحر العصر بنطلع تو الناس..
عبير: شنو بتسوون على الغداء
ام حمد: إلى الحين ما قررنا خصوصا ان حمد بيجي لازم ننتظره
مريم: ما قلتوا انه بيجي زين لقينا احد يلعب مع جوري
عبير: بالمناسبه جوري وينها
ام حمد: اخر مره شفتها نزلت السرداب
عبير: بروح لها تجين مريوم
مريم وهي تثاوب: بروح انام دام الغداء مطول خلاص ما فيني أواصل أكثر
ام حمد: مواصله من أمس؟!
مريم: إيه
ام حمد: حسبي الله عليج مو قلت لج لا تسهرين مو زين على صحتج
مريم: شسوي من الوناسه ما جاني النوم ياله تصبحون أقصد تمسون على خير
عبير راحت تنزل عند جوري و مساعد كان نايم على الكنبه تحت يعني بدايت النومه
قدام التلفزيون
عبير: جوري
وهي تنزل لتحت و تنادي عليها
جوري كانت تلعب بالكرات حقت البلياردو و مسويه صجه
عبير وهي متخصره: جوري شتسوين
جوري: ألعب..
عبير: جنج تعرفين أقول لا تخربينها ترى يذبحونج توها جديده
جوري: انا اعرف
عبير وهي تسحب العصات منها: أقول بلا كلام فاضي و ياله وخري
جوري وهي مبوزه: أف كل شي لا ....كل شي لا
عبير: روحي لعبي بالمراجيح
جوري: ما معاي حد يلعب
عبير: روحي عند الأرانب
جوري وهي تبجي: امي تقول لا... ما حبكم انا ماااااااحبكم (وصعدت ركض)
عبير لمت الكرات و حطتهم بشكل مرتب مع العصي حقتهم
شافت التلفزيون مفتوح راحت بتسكره توها بطفيه
مساعد: شتسوين
عبير تخرعت لأنها ما شافته : مساعد!!!
مساعد: ههههههه تخرعتي
عبير: لو ادري أنك هنيه جن ما سويت صجه مع جوري
قام راح لها :شلونج
عبير وهي مستحيه: بخير .... و أنت
مريم توها نازله شافتهم وقفت و تكت على حاجز الدري تتفرج عليهم
مساعد: بخير دامي سمعت صوتج و شفتج... متى ييتوا تفاجئت يوم شفتج
عبير: فتره بسيطه من وصول عمي ما دريت انك هنيه
مساعد: انا كنت يايي مع عمج ليه ما تصلتي فيني تقولين لي هاه
عبير: ييت مع ابوي..
مريم: أحـــم احم
لف مساعد يطالعها حس انه مشتاق لها فقدها المده الأخيره بتسم لها
لكن هي ما عبرته حتى بنظره مثل الناس
مريم: عبير شتسوين هنيه
عبير وهي متفشله: كنت.. كنت أنادي جوري نسيتي
مريم: بس جوري من زمان صاعده عند امي
عبير سكتت راحت مريم لها عدت من عند مساعد سحبت عبير من إيدها و راحت
عبير وهي تمشي: عن أذنك
مساعد مستغرب: الله معاج
مريم صعدت وهي ساحبه عبير من إيدها و عبير شوي و اطيح
عبير وهي تحاول تلحق عليها: مريموووه هديني بطيح
تركتها يوم وصلت فوق عبير ستغربت تصرف مريم من متى ما تعبر مساعد
وهي عارفه ان مريم و مساعد يغلون بعض مثل لأخ و أخته
مريم طبعا رجعت غرفتها و نامت اللي خلاها تنزل كانت تبي كوفي نست
عبير قعدت مع الحريم و مساعد طلع عند الشباب بالجلسه حقت المسبح
......................................
*.. بالشركــــه ..*
مها كانت تبي تعرف كل شي جديد بالشركه و تتعلمه مهما صار هذا حلالهم
ولازم تديره إذا سمح لهم الوقت كانت تتنقل من مكتب للثاني تجمع الأوراق
اللي تعرفها على أساسيات العمل وهي ماشيه و كانت مندمجه بتصفح الملف
صدمت بواحد وهي صاعده المصعد
مها: أسفه (بدون لا ترفع راسها)
عزيز : مو مشكله (و مشى عنها بحكم أنه طويل فا ما نتبه من هذي لأنه ما شاف وجهها)
كان الشغل بالشركه لمها عباره عن حياة و تضيعت الفراغ
و طبعا هذا خلاها تبتعد عن كل شي كانت تسويه بحكم الشغل
......................
رؤى و هديل كل وحده منسدحه بسريرها و يسولفون
رؤى: ودي أطلع اليوم بس ما ادري وين
هديل: ودي أروح الترفيهيه شرايج
رؤى: لا مو وقته مو مشتهيتها يبيلها جمعه كبيره للوناسه
هديل: طيب شرايج نروووحـ .....
رؤى : الأبرادج ؟؟؟ أحــــ عضيت لساني
هديل:هههههههههه احب الأبرادج هههه أسمها ابراج لا هذي أحلى شي الصباح نفطر فيها تذكرين يوم نروح قبل لا ننقبل بالمدارس
رؤى: إي والله كانت طلعه حلوه خصوصا ان اقتراح أمي
هديل: على طاري أمي الحين حنا نخطط على طلعه و ما ندري إذا بتوافق أو لا
رؤى: إي والله
دخلت امهم الغرفه شافت اشكالهم و الملل ما كلهم
ام عبد العزيز: شرايكم بنات
طالعوها : شنو
ام عبد العزيز: نطلع طلعه جماعيه و نتعشى برى ؟؟
البنات طالعوا بعض بستغراب لأنه شي نااادر الحدوث
ام عبد العزيز: شفيكم.... مالكم خلق خلاص مو مشكله
هديل: بلااااا لنا خلق أفا عليج هذي طلعه مو أي شي
رؤى: أكيـــد .... أكيــد
ام عبد العزيز: خلاص الساعه 3 و شوي 4 نطلع و غصب بطلع كل اللي فالبيت
رؤى و هديل: مشكووووره يمه
رؤى : بتصل على مها بقولها و ناسسسه
.............................
يتبعــــ باقي الجزء

جهد جبار ,,

في انتظار باقي الاجزاء

عضو مميز المساهمات : 910 تاريخ التسجيل : 01/07/2008

يسلمو اخوي على المرور
تحياتي

مشكور

تسلم اخووووي على القصه الروعه يعطيك العافيه والله لا يحرمنه من مثل هالمواضيع

عضو مميز المساهمات : 910 تاريخ التسجيل : 01/07/2008

يعطيكم العافيه حبايبي ومنورين الصفحه
ومشكورين على المتابعه
تحياتي

عضو مميز المساهمات : 910 تاريخ التسجيل : 01/07/2008

مها: اوكي فهد يعطيك العافيه فهمت الحين شسالفه ( وهي تبتسم)
فهد : هذا المهم
مها: يعطيك العافيه تعبتك ماي (وقفت أحترام له)
فهد وقف: هذا واجبنا أوامر ثانيه
مها: سلامتك
طلع الموظف كان جوالها يدق ردت : الو
رؤى: يالخاااااااااااااااااااااااااااااااينه ليه تروحين من دوني لييييييه
مها: كسرتي خاطري ما حبيت أقعدج و خرب نومتج تعالي الحين
رؤى: صج ... بس من وين سياره
مها: سواق الشركه أفا عليج
رؤى: حركااااااااااااااااااات ... أقول الأمي و إذا رضت دقيت دقه تخلينه يجي
مها: أوكي
هديل: حتى أناااااااااااااااااااااااا مهووووي
مها وخرت الجوال من صوتها : زيييييين بطيتي أذني
رؤى: صح نسيت .. أنا متصله أقولج ترى اليوم بنطلع طلعه ما حصلتش
مها: شلون
رؤى: الماما قالت أننا بنطلع طلعه جماعيه و نااااسه و بنتعشى برى بعد
مها: صج حلوووو كان ودي بمثل هذي الطلعه ..
رؤى: اوكي خلصتي رصيدي بروح أقول الأمي ياله سي يووووو
سكرت منها و طارت الأمها تقولها طبعا الأم رفضت بحكم مالها دخل تروح
يوم قالت لها مها تبيني أروح وافقت
ام عبد العزيز: أن زين رحتي منو يوديج
رؤى: مها بطرشلي السوااااق يمااااه
ام عبد العزيز: انزين
رؤى: باخذ هديل بعد بلييييييييييييييييييييييييز
ام عبد العزيز: زييين تقعدين تبلزيلي
رؤى وهديل ماتوا من الضحك شنو هذي الكلمه قاموا يجهزون للروحه
دقت دقه على مها و مها أرسلت السواق
رؤى وهي تطلع من غرفة الملابس: شرايج فيني مو حلو
هديل: من وين لج يهبل رؤى
رؤى: شريته يوم رحنا السوق نشتري حق ملجة عبير
هديل: أنا اللي مو عارفه شنو ألبس
رؤى: البسي البنطلون البني مع بلوزته و البدي حقه
هديل: يصلح
رؤى وهي تلف الحجاب: يصلح خصوصا ان البدي حقه طويل و مو ضيق عليج
رؤى كان مرره نعومه و البست تنوره كلوش سماويه و مخيطه بخيوط بيجيه و البلوزه بيج و سماوي مع الحجاب السماوي
انطلقوا للشركه و كلهم حماس يشوفون هذا العالم المجهول بالنسبه لهم
........................................
*.. المــــــــزرعه ..*
كانت عبير قاعده مع الحريم اللي كانوا يحوسون بالمطبخ يسوون الغداء
و كل ما يت تساعدهم قالوا لها ما تعرفين قعدي
عبير: يمااااه يوعانه والله
ام فواز: الكل يوعان
عبير: إذا يعت أكثر من جذيه بتنسد نفسي و ما اكل
ام فواز: طيب سوي شي تصبيره
عبير سوت لها توست حطت فيه جبن و مرتاديلا طبعا سوت للكل
عدى الحريم اللي رفضوا ياكلون صفته بالصحون مع عصير
حطت صينيتيين وحده للرياييل الكبار وحده للشباب
دخلت المجلس: السلام عليكم
الكل: و عليكم السلام
فواز: جنج تدرين أني يوعان مشكووره حبوبه
عبير: العفو
طلعت و خذت الصينيه الثانيه للشباب بالمسبح
كانت الصينيه ثقيله وصلت لكن مو قادره تفتح الباب
طقت الباب بريلها هم لفوا يطالعون منو... طبعا زجاج الباب
سالم: مساعدوووه قم خطيبتك تطق الباب
مساعد كان يلعب بالجوال مو حاس عن أحد
عبير ما قدرت تنتظر حطت الصينيه بالأرض و فتحت الباب
أخذتها و دخلت
عبير: السلام عليكم
الكل: عليكم السلام
حطت الصينيه: هاكم تصبيره قبل الغداء المطول
عمار: يسلمووووو جبتيها على الجرح و انتي ما تدرين أني يوعان يا بعد جبدي أنتي
عبير : العفوووووو
مساعد طقه على راسه و هو يلعب بالجوال عمار: ليش!!!! شسويت أنا
مساعد: سلامتك بس كنت بطق ذبانه على راسك
سالم وهو يتلذذ بلأكل: اممممممـ ... يعطيج العافيه يابعد طوايفي يهبل
عبير كانت تضحك عرفت أنها حركه مقصوده منهم
عمار قام : أفاااا بنت عمي تفضلي حياج ما يهون علي توقفين
مساعد: والله مو فاضي لكم الحين أبد لأني حدي يوعان
عبير قعدت معاهم مستانسه انها خدمتهم كانت سوالفهم تموت ضحك
وهي تحس أن مساعد يراقب تحركاتها بفرح و كان هذا الشي يخجلها زوود
محمد ما كان على بعضه بالمده الأخيره يسرح بفكره وااايد و قلت سوالفه عن أول
عبير: افاااا ما هقيت أن عيال عمي ما يعرفون الأصول
وقفوا على حركتهم و يطالعونها
عبير: تاكلون و ما فكرتوا بالضيف
سالم: من قال انج ضيفه خليناج تقعدين علشان لو بغينا زود
قلنالج مو عشانج لا تصدقين
عمار: صح كلامك
عبير: مالت عليكم مو انا محمد
محمد لف يطالعها : هلا
عبير ستحت: لا بس ليه ما تاكل
مساعد: لااااااااااااا والله اشوفكم مصختوها كل واحد يقولها كلمه
وكملها الأخ ..(وهو يقلده) .. هلا ...
عبير ماتت من الضحك يوم ما قصدوها عصب
محمد: أسفين سيد مساعد غلطه و نسحبها
عمار: وينها عنج أم السعف و الليف
سالم: إلا أم اللسانين
عبير: ليكون الكلام عن مريم؟؟؟
سالم: فيه غيرها
عبير وهي متخصره: لو سمحت ما أسمح لكم تقولون عنها جذيه هذي رفيجت العمر
سالم: الزبده وينها
عبير: نايمه فديتها تعبانه
محمد لف يطالعها لا إراديا هي انتبهت شفيه رفع راسه و نتبه لي جذيه
كملوا سوالف وعبير تنتظرهم يخلصون علشان تشيل الصينيه محمد قام و طلع
عبير: دام خلصتوا عطوني الصينيه و عن أذنكم
سالم: كل ما طابلج عاودي
عبير:لا تصدق هالخدمه ما تتكرر
طلعت دخلت من السرداب تختصر المسافه عليها كان محمد هناك يلعب بالياردو
رفع راسه شاف منو دخل عبير طالعته وقفت تحسبه بقول شي بس يوم كمل لعب
مشت رايحه فوق... ودت الصينيه و راحت الدور الثاني تاخذ جواتي رياضه
نزلت متجهه للسرداب سمعت حد يتكلم
مساعد: ما يصير تضل على هذي الحال
محمد: شسوي يعني قولي
عبير طالعت فيه حد متجهه للدري من فوق ما لقت قعد تبي تعرف شسالفت محمد
مساعد: محمد انت ليه ما تحاول تعرف اللي تبيه
محمد: شلووون
مساعد: يعني بطرق غير مباشره
محمد: أسمع مساعد أنت حطيت هذا الشي براسي
مساعد: لا تنسى اللي قلته يوم جذبت عليك عن الخطبه
محمد: مو ناسي لكن.... مو عارف شسوي
مساعد: جرب ما بتندم
محمد: تبيني أروح أقولها مريم انتي تحبيني مثل ما ...
عبير انصدمت (مريـــم !!!!!)
مساعد: كمل مثل ما شنو
محمد: ما ادري ... ما ادري
مساعد تنهد لأن محمد بحاله فضيعه من التشتت و الضياع بين الإعتراف بالحب أو لا
محمد: .... شكلي ... بنسى السالفه تعبت من التفكير
مساعد: ما راح تقدر محمد
محمد: انت حققت امنيتك و الله يهنيك هذاك ملجت على اللي تحبها
مساعد: من قالك أن هذا جئ بالساهل تراك ما جيت إلى على النهايه يوم عرفت أنها ممكن توافق علي
عبير نزلت راسها وهي تبتسم تذكرت الماضي
محمد: احس اني غير مو عارف شسوي صدقني مو عارف ... أخاف أنصدم
مساعد: انا أعرف مريم ترى ما بقلبها أحد و لا عمرها فكرت تحب كا... سكت يوم شاف محمد يطالع
وراه لف شاف عبير عند الدري
عبير ما قدرت تتحمل أكثر نزلت لهم هم سكتوا
عبير: انا.... أسفه
مساعد: لا عادي
محمد لف معطيهم ظهره متجه للطاوله
مساعد كان واقف و عبير تمشي بخطوات مرتبكه
مساعد خطرت باله فكره: عبير تعالي قعدي أبيج
عبير خافت يهزئها او شي قعدت:هلا
مساعد قعد يمها مقابلها محمد كمل لعب
مساعد: عبير بسألج سؤال و جاوبيني بصراحه
عبير: تفضل
مساعد: انتي و مريم رفيجات و كل وحده تعرف سر الثانيه صح
عبير: صح!!!
مساعد: عبير ... مريم فيه بقلبها أحد
محمد لف يطالعها كأن عبير كانت أمل يتعلق فيه
عبير طالعته بنظره سريعه و طالعت مساعد: لا اصلا مريم مستحيل تحب احد
مساعد طالع محمد يأكد له: وانا بعد قلت جذيه طيب ليه أكدتي كلامج
عبير: لأن مريم كانت دايم تقولي البنت لو حبت ما تضمن أن اللي حبته يبادلها
نفس الشعور فا لازم ما تحب غير اللي يتقدم لها
مساعد طالع محمد و بان على ويه السعاده من كلام عبير و رتاح شوي
مساعد: خلاص ..(طالع محمد وهو حاط إيده على جتف عبير) حمود أقدم لك مساعدي الأول ..خطيبتي الملقوفه
عبير ضحكت : شنو داخلين معركه هههههههههههههههه
مساعد: والله بقولج حمووود حبه أكبر معركه بالعالم
محمد راح له و صك حلجه و مساعد يحاول يوخره علشان يقولها
عبير: ما يحتاج .. الصراحه انا ادري ان محمد يحب مريم
وقفوا يطالعونها مساعد راح لها : كنتي تتسمعين هاه
عبير: لا بس حركات محمد اتجاه مريم شككتني لأنها (طالعت مساعد) نفس حركاتك قبل لا اعرف بحبك لي
محمد أبتسم و مساعد أبتسم له.. كملو نقاش بعدها راح كل واحد بدربه
عبير راحت الغرفه تمت طالع مريم شلون نايمه بهدووء ولا تدري
باللي حولها عبير كانت تبي ترد بعض جمايل مريم عليها بتقريبها من مساعد
يتبعــــــ
:::::::::::::::::::::::::::::::::::::::::::::::::: :::::::::::::::

عضو مميز المساهمات : 910 تاريخ التسجيل : 01/07/2008

..((.. الجــــــــــــــزء التاسعـ و العشـرونـ ..))..

البنات و صلوا للشركه وكانت سعادتهم لا توصف طبعا سألوا عن مكتب مها
و راحوا لها وصلوا كانت بالدور الثاني
هديل: رؤى أحس بخوف شكلنا غلط
رؤى: أنا اكثر منج تدرين احس ما سمعت من الموظف غير ان مكتبها هنيه ما سمعت وين من الربكه
هديل: و لا انا شلون الحين
رؤى: لازم نسأل
هديل: دخلي على هذا المكتب و سأليه
رؤى طالعته : لا هذا واحد شباب استحي
هديل: بيفرق يعني كبير ولا صغير دخلي (دزتها للباب)
طلال انتبه لها رؤى وقفت عند الباب وهي ترتجف من الفشيله
طلال : تبين خدمه اختي
رؤى كانت مستحيه منه حيل: كنت .. ابي اسأل عن مكتب مها
طلال: تفضلي معاي
رؤى وقفت على جنب وهي منزله راسها و هديل عند الباب من شافته قايم و خرت على جنب
رؤى طلعت تلحقه و هديل تمشي معاها بهدوووء
وقف عند الباب رؤى صدمت فيه هو لف يطالعها
رؤى و ويها محمر: أأسفه
هديل كانت بتضحك عليها بس مسكت نفسها
دق الباب مها : تفضل
طلال: السلام عليكم
مها بتسمت له : هلا وعليكم السلام حياك
طلال: مشكوره بس كنت بوصلهم لج
مها: منو؟؟
طلال: بنتين كانوا يسألون عن مكتبج
مها: دخلهم عرفت من هم
طلال: تفضلوا
دخلوا بهدووء مثل اليهال هديل ماسكه إيد رؤى جنها بضيع
مها: ههههههههههههههههههههه أشكالكم عجيبه
طلع وهو مستغرب يحس انه شاف رؤى من قبل
هديل: هههههههههه رؤى صقعت فيه عند الباب فشلتنا
رؤى وهي تطقها على جتفها: جبي لازم تطنز
هديل: حركاااات مهوي مكتب وشغل عدل من قدج
مها: إلا راسي صدع من كثر المعلومات اللي تعلمتها
رؤى: ليش تونا نعرف ان عندكم شركه
مها: لأن أبوي مات من زمان الله يرحمه كنا صغار وقتها و كان رفيج ابوي هو اللي
يديرها علشان جذيه ما عرفتوها بعدين هذا مو شي أتفاخر فيه
رؤى: الله يرحمه و المسلمين
هديل و مها : آمين
كملوا سوالف و يساعدون مها بترتيب الأوراق بالملفات
.....................................
الساعه 12 وصل حمد مع مرته و خدامتهم طبعا
قالوا بعد الصلاه بيحطون الغداء
عبير كانت تساعد بنقل الأكل للرياييل بالمجلس
و كل وحده من الحريم تناديها تعالي شيلي هذا لا و دي هذا
عبير بخاطرها( مريموووه اوريها نجت من الحوسه)
و روان مرت حمد كانت تحط حق الرياييل
ابو مساعد : على ما يخلصون خلونا نصلي جماعه بالخيمه
قام الكل يستعد للصلاه
يت عبير وقفت تنتظرهم كلهم يطلعون
ابو حمد: بنيتي ييبي لنا فوط
عبير: ان شاء الله جم وحده
ابو حمد: 3 الله لا يهينج
عبير: ان شاء الله
راحت يابت لهم الفوط و قفت عند باب الخيمه تعطي اللي يبي
بقت وحده و محمد توه جاي و كان ما متنشف راحت له
هو شافها جايته حس برتباك خصوصا بعد ما عرفت
عبير وهي تمد له الفوطه ببتسامه: تفضل
محمد أخذها: مشكوره
عبير: مـ .. محمد
لف يطالعها وهو ينشف إيدينه: نعم
عبير: اممممـ خلاص ولا شي (مشت عنه )
مساعد: حمووووود بنبدي تعال لحق لا يطوفك
محمد: هههههههههه الحمد الله و الشكر جـــــاي جــــاي
عبير بخاطرها (غبيه انا شكنت بقوله و الله ما عندي سالفه)
كملت حط الغداء و ترتيب السفره جو الرجال
عمار: اللآآآآآآآآآآآآآآآآآآآآآه تهبل الريحه
دخل و بسط قبل الكل جاه مساعد سحبه من فنيلته يوقفه
مساعد وهو صاك على ضروسه: بلا طفاقه انتظر الشياب
عمار وهو يعدل بلوزته و يرد بنفس الطريقه: زييييين خنقتني
ابو فواز: عمار ... قم قعد جراح خله يصلي ويجي يتغداء
عمار: حاضر
طبعا عبير ما أكلت شبعتها السندويشات قالت بتاكل مع مريم
اخذت صالح و لد حمد و قعدت توكله عن يأذي أمه
وهي تحب اليهال
روان: عنج لا يأذيج يلعوزج الحين
عبير: لا خليه و الله مستانسه عليه
..........................................
((.. بالشركه ..))
مها: اخيرا خلصنا رؤى ودي هذي المكتب الثالث على اليمين
رؤى : مكتب الولد اللي يابني هنيه؟؟
مها: ايه هو هاج
رؤى: لا ما بي وديه انتي
مها: انا باخذ الملفات الباقيه لفوق
رؤى: هديل توديه
هديل: أقووول بس عندي المفات هذي برتبهم
مها: يالله عاد رؤى خلينا نخلص و نروح .. مو تبين تطلعين؟؟ خلصي الشغل
رؤى ستسلمت للأمر الواقع: أمري لله هاتي
مها وهي تبتسم: قوليله باقي الملفات يجيبهم للمكتب باجر نسويهم
رؤى: مهووووووي شنو هذا
مها: انتي رايحه رايحه
رؤى: أفــ الله يعيني
طلعت و هي مو عارفه شلون تحاجيه ودها الطريق ما يخلص المكتبه
لكن حست أنها بسرعه و صلت له و قفت اخذت نفس عميق اتجهت للباب
كان مفتوح توها بطق الباب شافت المكتب فاضي
رؤى: يووه وينه ... شسوي الحين انتظره ولا أرجع أفـ
دخلت بتحط الملفات و تطلع طالعت الدرج مليان ملفات و خافت تختلط مع بعض
ضلت واقفه داخل المكتب تنتظره لما يجي و كانت تتفحص المكان بعيونها
رؤى شافت صوره بالكمبيوتر عجبتها كان منظر طبيعي و طلال واقف مصور فيه
تمت اطالعه تتأمل المنظر و شكل طلال مو غريب عليها
طلال دخل تفاجئ شتسوي هنيه شافها سرحانه أطالعه الجهاز
طلال: السلام عليكم
هي نزت ما نتبهت الوجوده
طلال: أسف ما كنت أقصد
رؤى: و عليكم السلام
طلال وهو يروح ورى مكتبه: تامرين بشي
رؤى: هذي الملفات خلصناهم (عطته ياه) و مها تقول ييب باقي الملفات المكتبها
تكملهم باجر
طلال: ان شاء الله .. بس إذا ما عليج أمر تنتظريني هنيه
رؤى طالعته مستغربه
طلال: بروح أجيب الملفات تودينهم إذا ما عندج مانع لأني مشغول أخاف تروح و أنا ما وديتهم
رؤى: ايه ما عندي مانع
طلال: تفضلي دقايق و أجي
قعدت تنتظره تحس بقلبها بيطلع من مكانه من الفشله و الخوف
بعد خمس دقايق طلال: المعذره تأخرت
رؤى وهي تبتسم له بعفويه: لا
عطاها و راحت مكتب مها
دخلت مها: وينج تأخرتي
رؤى: سكتي بغيت اموت فشل هاج هذا هي الملفات اللي تبينهم
حطتهم على المكتب
مها: وينه طلال؟
رؤى: اصلا يوم رحت ما كان بمكتبه شكله مشغول رايح ياي
طلعوا البنات متجهين للبيت وهم مستانسين حسوا بقيمتهم كأنهم أصحاب أملاك
خصوصا الكل يسلم على مها و يحترمها هم ميتين من الوناسه على هذي الأشياء
طبعا العصر طلع كل اللي في البيت كانت روحه حلوه مره
راحوا المجمع بحكم الحر يبون براد الحريم قعدوا على الطاولات قسم المطاعم و البنات يتمشون
طبعا عزيز و ابوه ما راحوا معاهم و أخذوا زياد كانوا معزومين يعني طلعت بنات و أمهاتهم
بعد ما تمشوا البنات وقفوا عند اللي يبيع أكواب ذره
كانوا يضحكون و يسولفون هديل لفت تعطي الذره لمها جمدت مكانها وهي اطالع اللي يمشي
مها اخذت الذره و لا نتبهت لهديل
هديل(مو معقوله .... أأأهو و لا يشبهه)
البنات مشوا رؤى لفت طالع هديل اللي كانت واقفه مجمده بمكانها
رؤى: هديـــل
هديل لفت طالعتها و مشت لهم و كل شوي تلف وراها تبي تتأكد هو ولا لا
حست انها مو قادره تاكل الذره
مها: خلونا ندخل هذا المحل
رؤى: ياله
هديل: انا بنتظركم هنيه مالي خلق
رؤى لا حظت تغير هديل بس ما تدري شنو السبب
هديل طالعت الأسواره اللي لابستها (معقول هو انت .. ولا من كثر ما فكر فيك تخيلته انت)
طلعوا البنات من المحل متجهين للسينما يبون ياخذون الورقه يشوفون شنوا موجود
اخذوها و راحوا عند امهاتهم
البنات: السلام عليكم
الحريم: و عليكم السلام
رؤى: يماه اذا دخلنا فلم بتدخلين؟؟
ام عبد العزيز: على حسب نوع الفلم
طالعوا البنات الافلام مالقوا شي حلو
هديل كانت سرحانه و تفكر فيه كل شوي اطالع يمكن يجي هنيه و تتأكد هو او لا
ام عبد العزيز: خلونا ندخل هذا شسمه... (وهي تأشر عليه)
رؤى: عوكل... مصري
ام عبد العزيز: شفت إعلانه بالتلفزيون شكله حلو
مها: حتى البنات بالجامعه يمدحونه
رؤى: خلاص تم
ام مها: انا مابي أدخل خلوا أغراضكم عندي و روحوا
مها: ليـــه
ام مها: ما حب الصوت العالي روحوا ستانسوا انتوا
راحوا البنات يحجزون على العرض الجاي
هديل تروح بس علشان تشوفه
وهم يحجزون كانت هديل واقفه تنتظرهم جئ ولد صغير يسحبها من عباتها
طالعته
..: من وين هدي (يأشر على الذره)
هديل نزلت المستواه : تبي منه
..: أي لوقيلي من وين
هديل ستانست على كلامه
ابوه جاها: السموحه يزن تعال
..: كنت أسوف من وين
هديل وهي تبتسم له: خذه هديه مني لك
يزن: مكشوره
هديل ضحكت على كلامه شلون يقلبه
ابوه: لا ياخذه ما يصير
هديل: لا عادي مو مشكله
ابوه: ما قصرتي ... امش فشلتني
يزن: قلت لها مكشوره
ابوه: اسمها مشكوره فشلتني (كان يضحك عليه)
وقفت هديل شافت الولد نفسه واقف يطالعها من بعيد وهو منصدم
هديل تمت اطالعه( هو انا متأكده هو) حست انها بتصيح
خصوصا انه وقف جذيه يطالعها فا أكيد يكون هو و عرفها
جوها البنات رؤى: العرض الياي الساعه 4.30
رؤى شافت هديل كل شوي اطالع وراها لفت و نصدمت رجعت طالعت هديل
رؤى: هديـــــــــل !!!!
هديل: حتى انتي معناتها ما اتوهم هو يا رؤى هو
رؤى: شكله عرفج بس كأنه متغير؟
هديل: لا تنسين اننا من زمان ما شفناه بس انا متأكده هو
راحوا عندهم قالوا الأم عبد العزيز العرض بعد ساعه
طبعا هديل كانت مستانسه من الخاطر انها شافته بنفس الوقت حزينه

باااااااااااااااااااقي الجزء بالطريق ..........

بالانتظار