من هوو الشعب ؟؟!!

> من هو الشعب اللي ينطر المعاش من ثاني اسبوع في الشهر؟
> > > > من هو الشعب اللي يسكن في بيت اسكان عبارة عن 'قرقور' ويبني فيه كل سنتين حجرة وحمام ويدفع فيه دم قلبه عشان يصير ملكه> > عقب 30 سنة، حزتها يكون البيت تشلخ وتوصيلات الماي والكهرباء اختربت
> > > > من هو الشعب اللي يضحي بنص معاشه لمدة 7 سنوات عشان يركب سيارة يدور فيها؟
> > > > من هو الشعب اللي معظم بناته يلبسون دفة أم فصوص سوارفسكي قيمتها على الأقل 50 دينار، وتحتها توب وجينز من محل 'بودينار'
> > > > من هو الشعب اللي لهجته مالها معالم، شبابه إذا بيتفشخرون تكلموا سعودي 'بدوي يازعم'، وبناته إذا بيتدلعون تكلموا كويتي؟
> > > > من هو الشعب اللي كل ما 'كح' واحد قال لك آنا فلان بن فلان آل فلان من الفخذ الفلاني والبطن الفلاني والخشم الفلاني، وأصلنا وفصلنا وقبيلتنا...> > وتلقاه لا أسلوب ولا منطق ولا هدف؟
> > > > من هو الشعب اللي كل الناس فيه عندها سيارة، مع ان إذا تقط حصاة من محرق تطق راس واحد في الرفاع
> > > > من هو الشعب اللي أحلام شبابه المستقبلية للعشرين سنة القادمة تنحصر في 'موتر'، ووظيفة في القوة أو في الحكومة بمعاش 300؟
> > > > من هو الشعب اللي عدد المسجلين في الجامعة 4000، واللي يتخرجون 1000، والـ3000 الباقي نصهم يسبون في التعليم العالي، والنص الثاني> > يكمل في جامعات خاصة ويتخرج مع مرتبة الشرف؟
> > > > من هو الشعب اللي عندهم 100 فرع مكادونالدز وكنتاكي وهاديز وجسميز، و2000 محل عبايات، و1000 محل DVD، و5 مكتبات عامة> > كلها غبار وقصص يهال وموسوعات من الثمانينات؟
> > > > من هو الشعب اللي عنده برلمان كل نوابه يسوقون بي إم دبليو ومعاشتهم فوق 3500، وعندهم تقاعد ومكافآت وسفر وإجازة 5 شهور،> > وجواز دبلوماسي لكل عائلته، وكلهم طق بشوت وميالس وصور في الجرايد، وكله من دم الشعب> > (ملاحظة: النواب أغلبيتهم بدون شهادات أو خبرات تذكر غير اللحية وماشابه)
> > > > من هو الشعب اللي أكبر مستشفى عندهم يعرف بإسم: 'المصلخ'، يدخلون الناس يمشون على ريولهم ويطلعون في اسعاف إلى المقبرة
> > > > من هو الشعب اللي إذا ذابحتهم الأناسة يرحون العمرة أو كويت في الباص خميس وجمعة؟
> > > > من هو الشعب اللي لازم يشرب ستاربكس أو كوستا كوفي بدينارين، حتى لو آخر الشهر، وحتى لو الدينارين نص الفلوس الباقية من المعاش؟
> > من هو الشعب اللي يتجمع كله في مجمع واحد بيوم واحد في وقت واحد عشان يستمتع بإجازة نهاية الأسبوع؟> > (ملاحظة: إذا في أحد ماشفته من زمان او تطالبه فلوس روح مجمع السيف ويك اند الساعة 7)
> > > > من هو الشعب اللي كل أفراده يصيرون حق بعض ويعرفون بعض، وماينخش الخبر عندهم أكثر من ساعة؟> > من هو الشعب اللي وقت الدوام الصبح يتجمع في شارع واحد 'شارع الملك فيصل' ويتم في ازدحام يومي لمدة ساعة، ويكرر نفس العملية> > آخر الدوام من 25 سنة؟
> > > > من هو الشعب اللي كل خريجين الثانوية بيصرون أطباء ومهندسين ومدرسات وبس؟
> > من هو الشعب اللي في آخر سنتين كل بناته صاروا 'عيال حمايل' يلبسون دفاف ستايل وشنط تقليد، و5 كيلو مكياج ومغرورات على الفاضي؟
> > من هو الشعب اللي شبابه دايما كاشخين ونافخين ورصيدهم في الحياة صفر؟
> > > > من هو الشعب اللي لازم كل بيت في كورولا او كريسيدا> > > > من هو الشعب اللي قبل كل عيد 80% من الناس يروحون السعودية ويقعدون في الجسر 6 ساعات عشان مجمع الراشد ومجمع الظهران؟
> > > > من هو الشعب اللي خريجين الثانوية والجامعة مايفكون الخط في الإنجليزي؟
> > من هو الشعب اللي يدامون قبل العيد بيوم، ويرجعون الدوام رابع العيد؟
> > > > من هو الشعب اللي شبابه فتاة أحلامه: حلوة وتشتغل مدرسة وتطبخ وتكشخ لي؟
> > > > من هو الشعب اللي بناته فتى أحلامها: غني وولد عايلة وعنده سيارة كشخة ويشتري لي سيارة ويصرف علي ويخليني على كيفي> > من هو الشعب اللي 99.9999% منه عندهم قروض شخصية وقروض سيارة واسكان تآخذ ثلاثة أرباع المعاش وتنتهي بعد 300 سنة
> > > من هو الشعب اللي يطق عندهم مطر خفيف اسبوع في السنة، ومطر غزير يومين في السنة، والنتيجة 90% من البيوت تخر،> > ونص السيارات تغرق في الشارع، والفرجان تتحول إلى مدينة البندقية
> > > > من هو الشعب اللي عنده موسم خاص لانقطاع الكهرباء، على الأقل 5 ساعات كل كم أسبوع في الصيف 'للعلم الدولة نفطية وبيوتها تعادل فريج في السعودية'
> > > > من هو الشعب اللي فيه هنود محتلين فرجان محرق وقضيبية، وكلهم بنايين ونجاجير وخياييط
> > > > من هو الشعب اللي عنده فريق كرة قدم يفوز مرة ويخسر مرتين ويفشلنا 200 مرة؟
> > > > من هو الشعب اللي تشرق عليه الشمس الحارة 11 شهر ونص في السنة من آلاف السنين، وكل يوم يتحلطمون> > على الحر والرطوبة ولا عمرهم فكروا يمشون بمظلة خوفاً على البرستيج؟
> > > > من هو الشعب اللي يسوي زواج جماعي حق 500 شاب وفتاة كل شهر؟
> > > > من هو الشعب اللي يسوي حفلات تخرج بلباس وكشخة للثانوي والإعدادي والإبتدائي والروضة والحضانة وصف التفاحة وصف العنزة،> > والصور تترس الجرايد والمجلات على مدى 6 شهور من بعد التخرج الميمون؟
> > > > من هو الشعب اللي إذا راحوا يخيمون يابوا 20 سرير وطقم ميلس وحمام ديلوكس وبوابة حديد و40 ليت فلورسنت طويل وخدامتهم> > (ملاحظة: البعد بين المخيم والثاني متر، من الضيق، موكأن نص الديرة بر)
> > > > من هو الشعب اللي كل ممثلينه وممثلاته القديرين والتعبانين كلهم شردوا وراحوا قطر وكويت وطلع ابداعهم وصاروا فنانين الصف الأول،> > لا ومطلوبين بأغلى أجر؟
> > > > من هو الشعب اللي لازم كل واحد منهم دش جمعية لو على الأقل 20 دينار؟
> > > > من هو الشعب اللي يصب بترول بدينار، وساعات بنص دينار؟> > > > من هو الشعب اللي لازال أفراده من 20 سنة يروحون يطالعون الألعاب النارية في 16 ديسمبر، وتصتك عليهم في الزحمة ويطالعونها> > من دريشة السيارة ويرجعون البيت عقب 4 ساعات؟
> > > > من هو الشعب اللي إذا استبردوا اسبوع، البرانيص والدلاغات والقبعات والقفازات والدفايات والجاكيتات والشالات تخلص من السوق
> > > > من هو الشعب اللي غالبيته تشتري كل أغراض البيت والوايرات والألعاب والثياب من رامز لأن أرخص؟

عرفتوا من هو الشعب؟؟؟؟

تحيااتي $$ عفريته $$

اولا يا عفريته بقولك شي في هاذا الزمن
مافي شي اسمه شعب
اذا معك فلووس الشعب كله في جيبك
فيهاذا الزمن تشتري الناس بفلوووسك
يعني اذا معك فلووس انت الشعب
ولكن حيرني شي واحد
ليه همكم كله في الدنيا والفلووس والاكل والروحه والرده
تبوون تستانسون صح؟؟
الدنيا هاذي رايحه وكلنا بنرووح وما راح نستفيد لا من فلووس ولا من اكل ولا طلعه ولا من ضحكه
بنستفيد من شي واحد بس عملنا الصالح واهو الشي الوحيد الي ما ذكريته اتمنى الشعب يفهم
كل الاشياء الي ذكرتيها زائله بلامحاله
وكلها بتحصليها في شي واحد وهوا التقوى
قال تعالى((ومن اعرض عن ذكري فأنا لهو معيشتا ضنكا))
يعني اذا اتقيتو الله حقا تقاته راح تحصلوون السعاده وما تفكروون لا في لبس ولا في فلووس مع انها مهمه
وبعدين احنا احسن من غيرنا بكثيرقصدي((الخليج العربي))يعني الي عنده سيارة وبيت سوا اجار او ملك
ومصرووفه اليومي ماشي على افضل حال والثلاث الوجبات متوفره بشكل يومي
يعني اقل عائله في المستوى المادي تعتبر في الدول العربيه الثانيه يعتبر عندهم متوسط المعيشة اذا ماكان
من الاعلى
نحمد الله عندنا الي يكفينا مو لازم ناكل افضل اكل ولا لازم نلبس افضل لبس ولا لازم نركب افضل سيارة
الي مهم انا نكون احسن ناس في الدنيا نمثل الدين وهاذا الي مهم والي غافلين عنه
والله بيعوضنا اياها في الاخره
وصدقوني الي يحب الله الله يحبه وش تبي في الدنيا اذا احبك الله
وعارف اني كثرة عليكم ولكن احنا في غفلة نضحك ونلعب ونسوي الي نبي ولكن ننسا لماذا احنا موجودين
على هاذه الارض وننسى الشي الاهم ونفكر في امور الدنيا
والسلام ختام

يسلمووو خيو ع الموضوع والله يعطيج الف عافية

مشكوووره اختي وماقصرتين

في غير شعب البحرين

عازف مشكلتك مو بحريني

كيف مشكلتي مو بحريني ما فهمت

واذا قصدك على الاشياء الي كتبتها الاخت عفريته فوووق فأتوقع انها مو مشاكل
كلها حاجات ثانويه ومهب من اساسيات الحياة
بس احنا فينا مشكله وحده انا نفكر في الدنيا وبس
ياخي فكر في الاخره واعتبر المشاكل الي تصيرلك او الحاجات الي تضايقك في الدنيا ربي بيعوضك في الاخره
بس احنا تفيرنا نبي نصير احسن ناس في الدنيا ونصير كووول وما ينقصنا شي
وننسا الهدف الحقيقي من وجودنا على هاذي الدنيا
ومشكورين

هلايام مافي شي اسمه ثانويات يعن التيلفون السياره من الثنويات قبل عايشين بدونهم احين من يقدر يتخلى عنهم وثانيا هاي مو طمع في دنيه يعني عشان تروح الجنه مايصير تتمتع بملذا الدنيا (لحلال) ماعتقد فيها شي

ايه هاذي المصيبه انا صرنا نتلذذ بلحياة الدنيا وننسا سبب وجودنا
اكيد كل واحد يحب ينبسط ويضحك ويفرح ولا يحرم نفسه من شي
بس كل شي بحدود ولا ننسى الشي الاهم


يعني عشان تروح الجنه مايصير تتمتع بملذا الدنيا (لحلال) ماعتقد فيها شي<<<اكيد ما فيها شي
ولكن اذا الشخص ما عنده اللاشياء الي يبيها يبحث عنها ليل ونهار وينسى دينه وصلاته وسبب وجوده
ويصير يفكر في الدنيا وملذاتها وتصير اهي اكبر همه
هاذا الي ابي اوصله لك واتمنى وصلت المعلومه

يسلمو

يسلمو