ليشـ يقولونـ :: أنا بروحـ بسـ لحد يلمسهـ ؟؟

هلوووو ،،


السلامـ عليكمـ ورحمة اللهـ وبركاتهـ ،،


شلونكمـ ؟؟ وشخباركمـ ؟؟


طبعًا مثلـ ما انتو عارفينـ ،، الدنيا الحينـ تغيرتـ ،، والحينـ التلفونـ صار شيـ مهمـ عند الناسـ ،، يعنيـ منهمـ الليـ ما يقدر يفارقـ الاختراعـ هذا ،، لدرجة إن أصابعهـ تحكهـ إذا ما كانـ الشسمهـ وياهـ ،، وطبلة إذنهـ ما تتثبتـ إلا إذا حطـ السماعهـ على إذنهـ !! واليهالـ صاروا يتعلمونـ من الليـ يجوفونهـ ،،


يعنيـ أنا أتصور إنـ الناسـ مستقبلًا بتستعملـ التلفونـ مثلـ ما تستعملـ الكلينكسـ !!


المهمـ ،، نرجعـ لمحور حديثنا ،،


الحينـ التلفونـ ،، صار شيـ خاصـ عند كلـ واحد ،، بغضـ النظر عنـ كونهـ وسيلة اتصالـ ،، فهو يحتويـ على مسجاتـ ،، نغماتـ ،، صور ،، بلوتوثاتـ ،، مواعيد فيـ التقويم ،، منبهـ يقومنا كلـ يومـ ومنـ كرمهـ يعطينا 10 دقايق غفوة عـ الطاير ،،


وكلـ آدميـ صار عندهـ هالاختراعـ نسمعهـ بسـ يقومـ يقولـ ::


{{ أنا قايمـ ،، بسـ لحد يلمسـ تلفونيـ }}


الجملة بسيطة ،، بسـ لها أكثر منـ تفسير لو سألنا ليشـ ::


# هلـ لأنهـ صار شيـ خاصـ ومهمـ ،، فهذا نوعـ منـ الحرصـ عليهـ ؟!
# واللهـ منـ زوود محبتنا لهالاختراعـ ؟!
# واللهـ لأنـ فيهـ أشياء ما تبيـ أحد يجوفها ؟؟!!


يعنيـ لهالدرجة تلفونكـ مهمـ ،،
لهالدرجة المسجاتـ الليـ فيهـ خطيرة ،،
واللهـ لأنكـ ما تبيـ أحد يجوفـ قائمة الأسماء }} أهمـ ش يـ !! ههههـ
يمكنـ عندكـ بلوتوثـ عجيبـ ،، أو صور خطيرة !!


والغريبـ ،، هو ردة الفعلـ الليـ تصيد الليـ قالـ هالعبارة إذا جافـ أناملـ غير أناملهـ على التلفونـ ،، يتحولـ مرة وحدة إلى كائنـ مفترسـ ،، وينهبـ التلفونـ منـ يد الفقير الليـ فكّر يجيسهـ !!


يعنيـ يومـ إنكـ ما تبيـ أحد يلمسهـ ،، جانـ خذيتهـ وياكـ وفكيتنا ،،


بسـ ما أبيـ أطولـ عليكمـ أكثر ،، لكنـ يا ريتـ تقلونـ ليـ موقفكمـ منـ هالسالفة ،،


وسلامتكمـ ،،


تحياتيـ ،،
{{ pink skull }}