قصة احلى بالبحراني ... واحلى يوميات....

عقب ما طلعوا الاوادم ,, قعدوا بيت حجي ناصر يصفقون ويغنون

الام : هذا المبارك بينهم لا فرق الله بينهم ,, كللللللللللللوووووووووش

ساره : مباركين عرس الاثنين ليلة ربيع ليلة قمرا

مريم : عرست زنبو باركو اليها ,, عرست زنبو باركو اليها ,,

زينب :

الام : الحين ليلة الجمعه الملچه له

ساره : اييي

الام : روحي يا مريم جيبي ورقه وقلم خل نكتب اسامي المعازيم

مريم : انزين

قعدت الام تكتب المعاااااازيم و المعارف كلهم

ساره : كتبتين بيت زليخه ؟

الام : ده نسيت زين ذكرتيني

زينب: اماه ,, كتبي بيت رفيقتي ابرار

الام : اي كتبت ,, باجر باروح بعزم

زينب : الحين متى باجهز اغراضي باقي يومين عن الملچه

ساره : ايي بنروح باجر من الصبح

زينب : انزين

جت يوم فاني الصبح و راحوا السوووق و اتأجرت فستان كشخه لونه احمر للملچه و مشمر احمر مطرز من فوقه لتحته ويييييش حلاوته ,,, و تأجرت وياه قبقب الي يحطونه فوق راس العرووس من ذهب

بعدين راحو الصالون عشان تحجز الى ليلة الملچه

ساره : خلاص خلصنا ؟

زينب : اي

رجعوا البيت العصر الساعه اربع و هم طالعين من 10

و جوا محملين بأغراااض و اجيااااس

الام : باااشووف هل الخيرات

مريم : اني بعد باشوووف

زينب : يا علي تعبانه ,, هاكم شوفوا اني باروح الحجره برتاح

الام : حلاااوة هل المشمر مره حليو

ساره : اي هذا حق ليلة الملچه

مريم : الاااااااااااي حليو القبقب بلبسه

ساره : خليييه لا تشوفش زينب تضربش

راحت زينب فوق حجرتها و توها داخله

زينب : اووووووووه صحي نسيت سفرة العجم من وين اجيبها الحين

ردت طلعت زينب ,,

زينب : سااااره

ساره : ويش صاير ؟

زينب : سفرة العجم نسيناها

ساره : لا ما عليه ,, اني عندي وحده مالت ملچتي له

زينب : اشووه ريحتيني

توها بتدووور بترجع الحجره و تشوووف مريم لابسه القبقب و شاگه البوز من الفرحه

زينب : مريم شفتش ,, حطيه مكانه الحين

مريم : انزين صايره مغرووره على حساب بتنخطب

الام و ساره : هههههههههههههههه

زينب : كيفي

ساره : امشي شيليهم وياش مره وحده

الجده : هذا وي ؟

زينب: بل هي من وين جت

الجده : جايه من التسموووع ,, حتى التسمووع ما تبونا نروح

الام : لا مو قصدها جدي

الجده: هذا مشمر من هل الحليو ؟ مفل مالي يوم عرسي ,, هديك اليوم كان عمري 14

الام : ايي ههههههههه ,, هل المشمر مال زينب

الجده : ايه مره حليو ,, بس ما تستاهله

زينب : سكتي انتين عجوز النار

الجده : علايل علتش ,, وينهي مريم اهو بعطيها الگسام باحرش

الام : ويش صايرعمتي لويش عاد

الجده : عجل تزمر عليي و ما تسويي فيي سوايه و تبيني احبها مفلات ما احب ساره و مريم

الام : بس خلاص صلوا على النبي

الجده : اللهم صلي وسلم على محمد وآل محمد ,, الا بس هي يعني تقهرني

زينب : اني ما ليي خلقش ,, باروح انام احسن ليي

الجده: نومه بلا قعده

ساره : يو جدتي لش كل هل الدعاوي

الجده : سليمه تصفعكم كلكم ,, هداني باروح حجرتي و خلكم تستانسون

المهم

زينب دخلت الحجره ووقعدت و الا محمد متصل ليها

زينب : الوووو

محمد : هلاا زنووووب

زينب : هلا فيك شخبارك

محمد : انا زين لا ,, صار ليي يومين ما تكلمت وياش

زينب : اني بعد اشتقت لك و الى سوالفك و الى صووووووتك

محمد : يا عمري ,,

زينب :

محمد :

زينب : امس شفتك ,, انيق

محمد : حلفي

زينب : والله ,, كنسلت على القمر

محمد : لهدرجه

زينب : اي

محمد : باقي ليلتين و نملچ

زينب : اي

محمد : صحي للحين صورتي عندش؟

زينب : اي ,و من اتملل اطالع فيها و يروح الملل

محمد :

زينب : هداني اسمع صوتك واشوووف حلاوتك في الصوره

محمد : صدق ,, خساره ما عندي صوره حقش

زينب : ليلة الملچه بعطيك صوره حقي

محمد : انزين ,, باحطها في فريم و بحطها صوبي

زينب : اني حاطتنها في بوكي

محمد : ,, يلا زنووب انا بقووم

زينب : وين ؟

محمد : اخواني مبلوشيني قالوا ليي اذا بتخطب لازم تودينا محل العاااب ,, لان انا وعدتهم اذا بخطب اوديهم

زينب : اها ,, اي الرجال عند كلمته ,, يلا روح ودهم

محمد : مع السلامه

زينب : الله يسلمك ,, تحمل بروحك

محمد : ان شاء الله

و سكروا التلفوون

عقب شوي ما شافت زينب الا مريم جايه ليها تركض

حتى الباب ما طقطقته

زينب : وي .. و ويعه ويش فيش مصرقعه جدي ؟

مريم : توني شايفه محمد يمشي في السياره وياه فاطمه و حسين و ايمان

زينب : انزين

مريم : و شافووني رايحه اشتري و سلموا عليي ,, ها و تالي قالوا ليي تبين تجين ويانا محل الالعاب

زينب : تالي

مريم : قلت ليهم اي ,, قال ليي محمد اركبي ويانا ,, قلت ليه لحضه بسأل امي و بقول الى ابويي عشان يعطيني بيزات

زينب : كملي

مريم : والحين امي وافقت و ابويي عطاني بيزات

زينب : صدق مجنونه ,, روحي يحارسونش له

مريم : ادري يلا باااااااي

راحت زينب على طول صوب الباب عشان تطل تشووف محمد

الام : زينب وين بتروحين ؟

زينب : ها ما بروح مكان

الام :

زينب :
الام : بس اختش مريم بتروح لانها جاهله

زينب : ادري اني ما ابغي ارووح

الام : ادري عنش ,, تبغين تشوفين الـــ.....

استحت زينب على حدها و رجعت حجرتها و متفشله

المهم ركبت مريم وياهم

ايمان : الاااااااااي مريم بتجي ويانا

محمد : شحوالش مريم

مريم : زينه

حسين : انتين لويش جايه ويانا ؟

ايمان : احنا قايلين ليها

و قعدوا الجهال ورى يهدرون واااااااااااجد و لاهم راضيين يسكتون ,, وجان زين حجيهم فيه فايده الا كل هرار

مريم : ايمان ,, تدرين انا احنا بنصير نسبه

ايمان : ههههههههههه اي

و قعدوا يطالعون في محمد وهم يضحكوون ,, صدق جهال

محمد : ويش صاير

ايمان : ما في شي

مريم : ايمان ,, تدرين انا اني باصير بت عمش

ايمان : اييييي صدق

محمد : من وين جبتين هل الشلخه مريم

مريم : صدق محمد اذا عرست على زينب بتصير انت ولد عمي

محمد : لا مريم مي سهله ,, طلعت تفلت صواريخ بعد

فاطمه :

ايمان : لا والله .. مريم ما عندها صواريخ ولا تفاگه

مريم : تالي بانادي عليش في المدرسه :: يا بت عمي ::

ايمان: اني بعد باقول ليهم هي بت عمي

محمد : هي انتون مجانين ؟ بس انا اقول الى زينب بت عمي

فاطمه : ويش عليك منهم ,, لو تشرح ليهم ما بيفهموون

تالي مروو على ماگدونالز

محمد : تبون اسكريم ؟

ايمان : اي ابغي فلافه

محمد : .. في الرجعه بنشتري

فاطمه : لويش ؟ عقب ما شفيتهم

محمد : عشان نشتري الى زينب

ايمان و مريم :
بعدين راحوا الجهال يلعبووون و استانسوا هناك في مكان اللعووب

و في الرجعه

ايمان : محمد اشتر لينا اسكريم انت قلت في الرجعه

محمد : ادري,, تبغين على ويش . ؟

ايمان : امم ابغي على كاكو

مريم : اني بعد

محمد : وانت حسين على ويش

حسين : انا ابغي مفلك

ايمان : اما حسين قليد كل يقلد على محمد

مريم : ايي

فاطمه : اني ابغي عادي على فانيلا

محمد : زين

قام محمد اشتى ليهم من ماگدونالز العسكريم الحلوو

و اشترى واحد الى زينب

و راحوا بيوصلون مريم

محمد : هاش الاسكريم اعطيه زينب

مريم : باخده

محمد : فدمتش

مريم : زين زين ,, اني اخاف اذا واحد يقول ليي في دمتش

محمد : في دمتش في دمتش اذا ماعطيتينه اياه

مريم :
فاطمه :

دخلت مريم البيت

الام : استانستين هناك ؟

مريم : ايي واشترى لينا اسكريم

الام : اكليه له لا يذووب

مريم : هذا مو ليي الى زينب

الام : مشترينه ليها

مريم : اييي

زينب : ويش صاير

مريم : هذا من عند محمد ,, اخديه

زينب :

الام : اكليه مشترنه لش

راحت زينب حجرتها و هي مستحيه هههه

مر اليوم بالنسبه الى محمد و زينب و اخيرا بتجي ليلة الملچه

مريم : امــــــاه ,, هاكو ابو محمد يطق الجرس

الام : قولي الى ابووش ,, اكيد جايبين القدعات

راح الابو و علي يدخلون كوارتين كوارتين من الفواكه و المكسراات و الكيك و و و .....

مريم : اكل واجد

الام : هذا للقدووع مو للعبه

مريم : اني بارووح اكل

زينب : اماااااااه تعالي شوفي

الام : ويش

زينب : المشمر احطه جده لو جده << و زينب معدله و مكيجه توها راجعه من الصالون

الام : جده احسن ,, بس مو من الحين تلبسينه ,, هو الشيخ للحين ما جا يا بتي

زينب : ادري بس اجربه

الام : حلاوة بتي هل القمر

زينب :

علي : اماه ,, وين ساره ؟

الام : رايحه تجيب سفرة العجم

ساره : هكو جبت كل ما يلزم الى سفرة العجم ,,

مريم : باشوف

زينب : مو الحين

الام : جيبي باجهزها

بعدين راحوا يبخروون البيت و يعطروونه ويجهزوون و البيت صاير فوضه شوي يعني

الابو : وين زينب ؟

الام : هكي داخل ,, جو بيت المعرس ؟

الابو : هكم جو و دخلتهم المجلس

الام : من منهم جا ؟

الابو : جو بس رجال

الام : ده و النسوان ما بجون له

الابو : لا

الجده : ويش هل الحاله الدگره صايره هنه

الام : عمتي امشي قعدي

المهم دخلوا الرجال كلهم في المجلس

ساره : جا الشيخ

الابو : اي جا ,, امشوا دخلوا الحجره هكو هناك الشيخ

الام : انزين

علي : انتون ولاخير وياكم الشيخ يحارس

الخاله : شحوالكم

الام : حياش الله ,, امشي هدحنا بندخل الحجره بيملچ عليها

زينب :

الام : ده ,, تصيحين ليلة ملچتش

زينب : اخاف

الام : يلا بلا هرار امشي

مريم : اني بدخل

علي : ان شفتش داخله الا اقتلش

مريم :

بعدين دخلت زينب و وياها الخاله والام و ندى و ساره

و هي تنتفض مي قادره من الخوووف

الام تساسرها : لا تصيحين لا يتخرب مكياجش

تالي قعدوا وهناك الشهود و الشيخ

الشيخ : وين البطاقات السكانيه ؟

و عطوه البطاقات السكانيه و زينب خايفه باقي شوي و تصيح هههههه

و بعدين ملچ الشيخ عليها

الام : كللللللللللللللللللللللللووووووووووووووو وووووووووو ووويييييييييييييييييي

الخاله :

ساره :
ندى :

زينب :
بعدين الشيخ راح المجلس عشان يعقدون على محمد

و عقد على محمد

الشيخ : بالمبارك

محمد : الله يبارك فيك شيخنا

و الرجال يسمعون الجباب و الصفاق و لا بعد يتقمزون

بعدين قعدوا الرجال يباركون الى محمد و على ما طلعوا ساعه تقريبا

ام محمد : بالمبارك يا حبيبي ,, قوم عشان تشووف العرووس في الحجره

محمد :

قام محمد عشان يروح الحجره الي فيها زينب

محمد : يا الله

ام محمد : تغطوا بيدخل المعرس

الام : حياك الله دخل

و من دخل محمد كل النسوان الي هناك قعدوا يجببون

و زينب مغطيه بالمشمر الاحمر المطرز

و محمد مو عارف ويش يسويي مرتبك

ام محمد : اقعد يا حبيبي ,, يلا شيل المشمر من عليها

و هناك النسوان كلهم

شال محمد المشمر و هو مستحي و زينب بعد مستحيه على حدها

و يوم شاله قعدوا يجببون كللللوووووووووووووووووووووووييييييييي و يصوررروونهم و يصفقوون ويتقمزوون و يغنوون ,,

زينب :

الام : اللهم صلي و سلم على محمد وآل محمد << عشان لا يحسدونهم له

ام محمد : زنووووب دللوها دللوها ,, بغت محمد عطوها عطوها

مريمو ايمان : عاااااااااااشو يا سلااااااااام

الجده : اهو صوروني وياهم

و راحت مسكينه صورت وياهم

الجده : بالمبارك الله لا يفرق بينكم ان شاء الله

ساره : ان شاء الله

و قعدت الجده تغني و النسوان يصفقون وياها

الجده : جل جلال الله ,, الله اكبري ما في جمال الخلق شرواك يا علي
مرت على التينه و التينه ما اثمرت ,, اثمر بها الرحمن كرامه لعلي

الام: صلوا على احمد اي والله ,, يا حاضرينه

مريم : اي والله

الام : نور تشعشع اي والله بأرض المدينه اي والله اي والله

و زينب و محمد يطالعون بعض بعيون وحده و مستحين
بعدين عقب ما صفقوا النسوان و جببوا طلعوهم برا وخلو العروسين بروحهم

ام محمد : يلا خلوهم بريحاتهم

الام : اي يلا اطلعوا برا اكلوا قدووع يلا

مريم : اني ماني طالعه

الام : اطلعي لا احوسش فلصه

مريم : ابغي اشوفهم

الام : هدنتين شايفتنهم ما شبعتين ؟

مريم : لا

ام محمد : امشي يا حبيبتي خلهم يقعدون بروحهم امشي

مريم :

بعدين كلهم طلعوا برا يصفقون على المعاريس و ياكلون القدووع

و محمد و زينب بروحهم في الحجره

عم الصمت لمدة 5 دقايق

بعدين محمد نطق بجلمه

محمد : شخبارش

زينب : زينه

محمد : دووم

و ردوا سكتوا بعد ,, مساكين ما عندهم سوالف و يستحون من بعض

مسكين محمد في موقف محرج لازم هو الي يبدي الكلام

محمد : صايره حليوه زنووب

زينب :

محمد : قمر

زينب :

محمد : ويش فيش ما تتكلمين

زينب : ويش اقوول

محمد : تستحين مني

زينب : هههههههه

بعدين صارت الاجواء عاديه يعني اشوى ,, صاروا يتكلمون شوي وي بعض

المهم بعدين قام محمد عشان يطلع له

محمد : يا الله,, يا الله

ام محمد : تعال يا حبيبي .. مش طووف

طاف محمد و طلع راح بيتهم خلاااااص

بعدين نزلت العرووس تحت الصاله و قعدوا يغنون عليها

الام : يا نسمات لو لو يا نسماته ,, رسول الله يا محلى وجناته

الخاله : كلللللللللوووووووووووووووووووووووووووووو ييييييييي ..

الجده : شيل الله يا ابو الحسن شيل الله ,, شمس ردت لعلي عقب الصلاه

مريم : عاشوا .. عاشوا ,, عاشوا و الله.. عاشوا

خلصت حفلة الملچه و جت الليل و كل من راح بيته بيته امه وابوه في خيشه هههههه

ساره : زنوووب مبررروووك

زينب : الله يبارك فيش عمري

ندى : متباركه زينب

زينب : الله يبارك فيش

مريم : اماااااااااااااااااااااه

الام : وييي ؟

مريم : خلصت الحلوى الحمرا ماني ماني

الام : فيه واااجد يا المقرووده

مريم : ادري بس ما في الا خضران

الام : ويش الفرق يعني .. امشي نامي بسش اكل و حلاوه

مريم :

راحوا بيت حجي ناصر يناموون ,, و زينب بعد راحت تبغي تنام

توها بتنام الا محمد متصل ليها

زينب : هاي

محمد : هايات

زينب :

محمد : اليوم شفتش قمرررررر ,, زين ما طحت دوره من جمالش

زينب : هههههههههه لا تبالغ ,, بسم الله عليك يا عيوني

محمد : لا صدق ,, كنتين قمر في ليلة تمامه

زينب : انت بعد جميل ,, صاير عسل بالبدله الي عليك

محمد : عجبتش ؟

زينب : اييي لونها حليو ,, اقول لك ذوقك حلو مثلك

محمد : شكرا من ذوقش الحلو

زينب :

محمد : ضحكتني مريم اختش اليوم

زينب : ههههه هبله

محمد : حتى اذا تصفق ربشه

زينب : ايييي

محمد : مو ياني نووم ,, انتين تبغين تنامين ؟

زينب : لا لا ,, ابغي اسولف وياك

محمد : سجلت اسمش في تلفوني تدرين بأسم ويش ؟

زينب : شنو

محمد : حبيــــــــبتي

زينب : ,, عجل اني بعد بسجله بأسم حبيبي

محمد : تذكرين يوم اتصل لش اول مره و اقول لش ابغي اتعرف ؟

زينب : ايييي ,, واني اقدر انساها

محمد : اي .. شوفي شلون الله مكتب لينا ان نلتقي و يجمعنا مع بعض يا عمري

زينب : اي ,,

محمد : زينب

زينب : نعم عمري

محمد : انا ,, امووووووووووت فيش

زينب : و اني اكثر يا زوجي و حبيبي و سندي و مالي و هلي و ناسي

محمد :

المهم قعدوا يسولفون ,, واجد مستانسين بعض و بعدين ناموا

قعدت زينب الصبح

الام : هلا بالعروووووووس هلا .. صباح الخير

زينب : صباح النوور

مريم : لويش توش قاعده

زينب : توني قاعده

مريم : قعدتين تتكلمين وياه مو ؟

زينب : اوووو يلا سكتي

الام :
عقب مده ,, جا علي و ندى

علي : هاش مريم اخدي هل الكيكه

مريم : الااااااي من وين ,, حلوه

زينب : و اني ؟

علي : في طلعتي ببامر و بشتري لش و ليها زين ؟

زينب : اي اني ليي فنتين و مريم وحده بس لان هي توها ماخده

مريم : لييييييييييييي؟ اذا انتين فنتين اني فلاف

زينب : شوفي مريم ,, ما يصير تاخدين اكفر مني

ندى : زينب ويش فيش كأنش جاهله ,, تتهاوشين على حساب كيكه

زينب : انتين من حشرش في الموضوع

ندى : لا بس يعني ما يحتاج كل هل الهواش قلنا مريم جاهله تصيرين مثلها انتين الكبيره

زينب : يعني اني جاهله ما افهم ها

ندى :
زينب : مالت عليش ,, حماره

ندى:

الام : زينب ويش تقولين ؟

ندى : تقول ليي حماره

زينب : اني قلت حماره ؟ جذااااااااابه

ندى : عجل ويش قلتين ؟

زينب : اني اقول لش على ,, هل الحمره يعني حمرتش مو عاجبتني

الام : حمرتها ويش حلاوتها لونها وردي

ندى : تجدب هي قالت ليي حماره ,, حتى هديك المره قالت ليي كلبه

زينب : يا علي ,, وزززززز طاح السقف من الشلخ ,, اني قلت كلبه لش؟

ندى : اي

زينب : جدابه ,, كنا قاعدين نتكلم عن الكلاب سندويش ,, مو هو فيه اربع قطع له يعني جمع اسميه كلاب ,, بس الوحده اسميها كلبه قلت ليها تحبين الكلبه ؟ ,, الهي تقول اني قايله ليها كلبه << كله شلخ في شلخ

ندى : من وين تطلعين هل الهرار

زينب : انتين اصلا ام هواش

علي : الحمد لله والشكر ,, وحده يوم فاني من ملچتها تتهاوش

زينب : ادب مرتك ,, هي الي بدت

ندى : علي ,, بس خلااص ماني قاعده هني

الام : يووو قعدي يا حبيبتي قعدي

بعدين عقب ما زعلت ندى

ندى : علي ابغي ارووح بيتنا

علي : انزين ,, امشي و لاتزعلين ,, وانتين زينب هي اخر مره لشش تتعلفين ها

زينب : انتون عميااان ما شفتونها يوم تتعلف بي ,, بدل ما تدافعون عن العروووس تدافعون عن هل الـــــ....

ندى : اي كملي سبيني اكثر

زينب : والله اني مؤدبه مو مفلش اسب كل من هب و دب

علي : بـــــــــــس خلااااااااااااااااص ,, امشي ندى

راحت ندى وي علي

الام : انتين يا زينب بدل ما تصيرين ناعمه و هادئه تقومين تتهاوشين

زينب : يعني الي يدافع عن حقه يتهاوش ؟

الام : انزين ,, بس خلاااص الحين انتين عرووس ,, لا تصيحين

زينب :

مريم: الله الله يا عبد الله ,, يدلعونها بعد

زينب: اي طبعا لاني عروووسه

مريم : والله فناتك انتين ,, عرووسه وتتهاوشين .؟

زينب : اوووه يلا انطمي ,, كريهه

الام : ما قلتين ليي ,, متى بتروحون تتسوقون و تشترون اغراض الخطوبه ؟

زينب : ما ادري يمكن باجر ارووح احجز صاله و فستان و صالون

الام: ايييي

ساره : و طقم الذهب ؟

زينب : ما ادري يمكن بعد باجر

الام: اي له ,, لان ما باقي شي عن الخطوبه كلها سبووع

مريم : وا اني مره فالفه بشتري فستان بعد

الام : هل الحاله وي ,, كل مره نفنوووف

ساره : عاادي , هي ليلة عمر

زينب : ساره ,, ويش اخذ لون فستاني

ساره : مو اني الي تسأليني اسألي رجلش

زينب : اوكي عجل

مريم: بياخد لش لون ازرق غامق

زينب : وي ,, اصلا هو ذوقه كشخه

الام :

راحت زينب تتصل الى محمد

محمد : هلاا

زينب : هلا حمودي ,, شخبارك

محمد : زيــــــــــــــن ,, انتين شخبارش

زينب : دام انت زين اني زينه

محمد : دووووم

زينب : محمد

محمد : عيون محمد

زينب : ابغي لون حليو من ذوقك حق فستان الخطوبه

محمد : انا اختار ؟

زينب : اي

محمد : اخدي لون وردي

زينب : الااااااااااي ,, حليو الوردي

محمد : خلاص عجل اخديه

زينب : اكيـــــــــد باخذه مدام انت مختارنه

محمد :

زينب : اقووول

محمد : قولي حبيبتي قولي

زينب : ويش رايك باجر نروح ناخد الفستان و ... و ....و ...

محمد : اوكي ,, امرش يا حلوه

زينب : و بناخد طقم الذهب

محمد : و الدبل

زينب : اي

محمد : تعالي بسألش ,, تقول اختي ليي ليلة الحفله البسش الطقم صحي ؟

زينب : اي عجل ويش تحسب

محمد : احسب انتين تلبسينه

زينب : يا علي على الجمال و البراءه

محمد : يعني بلبسش السلسله

زينب: اي حتى التركيه تلبسني اياها

محمد : بعد .؟

زينب : اي

محمد : خخخخ ,, تالي بنشرب بعض العصير هههههههه

زينب: اي

محمد : و بنصور في الاستديو

زينب : اي ..

محمد : بعد ويش

زينب : وبنقص الكيكه

محمد : اي خخخخخخ

زينب :

بعدين قعدوا يتذكرون كل شي و يهدرون وي بعض

و الحين بقولون عن يا حسب باي

زينب : يلا باي

محمد : باي

زينب : باي

محمد : باي
زينب : ,, ما قادره اقطعه في ويهك

محمد : عجل بنحسب من ا الي 3 و افنينه بنقطعه في مره

زينب : اوكي

محمد و زينب: 1 2 3

و قطعووه في مره

زينب :

محمد :

طلعت زينب برا الصاله

و ينطق الجرس

راحت تفتحه

زينب : من ؟

ابرار : هلااااا

زينب : هلااااااا ... شخبارش

ابرار : تمام , انتين شخبارش

زينب : بخير ,, تفضلي دخلي حيااااش

ابرار : مبروووووك ,, سامحيني البارحه ما قدرت اجي لش

زينب : يا الكريهه لويش ؟

ابرار : كان راسي يعورني ما قدرت اجي

زينب : عاد حتى اتصال ما تتصلين

ابرار : بعد

الام : ابرار شحوالش

و قعدوا يسلمون على بعض

مريم : ابرار متنانه

ابرار : ويش اسويي بس آكل

مريم : بسش اكل

زينب : شوف من يحجي ,, خذ اسمك وسميني به

مريم :

زينب : هي الي تشوفينها ما تخلي شي ما تاكله ولا تمتن

ابرار : اي هي مفل اخويي

زينب : انزين مريم قومي اطلعي برا

مريم : لا والله ,, هي مي حجرتش جان اطلع

زينب : عجل ابرار قومي تعالي حجرتي احسن

مريم : هي انتين ... ابرار مي ابرارش

ابرار :

زينب : لكن رفيقتي

بعدين راحوا الحجره و قعدوا يسولفوون

ابرار : اوه اوه حتى لون الفستان خليتينه ياخده بعد

زينب : اي

ابرار : زينب انخطبت

زينب : ويش فيش

ابرار : لا يعني ماني مصدقه

زينب : الفال لش يا ربي

ابرار : ان شاء الله

زينب : ليلة الخطوبه خلش ما تجين بتشوفين ,, في صالة ...... اوكي؟

ابرار : انزين بس ليلة ويش

زينب : ليلة الجمعه

ابرار : يصير خير

و هم يسولفون و الا بتلفون زينب

زينب : محمد جايب ليي مسج

ابرار : الله الله ,, اقرأيه

زينب : هههههههه يضحك المسج شوفيه

ابرار : قوليه

زينب : على قولة الشاعر : الدنيا شمحليها ...؟ قالو وجووود زنوووب القمر فيها

ابرار : كشخه كشخه ,,

زينب : بطرش له مسج

ابرار :
قامت زينب طرشت له مسج

وصله المسج

محمد قعد يقرأه

ممكن تبتسم؟
Please
وغلاتي
فديت هالبسمه عساها ما تفارق شفاك

ممكن تغمض عيونك دقيقه؟
فديت عيونك
شفت الظلام؟
هذي حياتي بدونك!

محمد : عمري هل القمر

بعدين رد طرش ليها مسج صارت لعبه هي

وصلها المسج

و قعدت تقرأه

صدقني ما حبيت غير اربعه :

همسك ,, ضحكتك ,, قلبك ,, و حرووف اسمك

زينب : حليو المسج

ابرار : اي فن ,, الله على الحب

يوم فاني مر محمد على زينب عشان يروحون يختارون الاغراض الي للخطوبه و وياهم ساره

انزين الحين بيركبون السياره ,, و زينب تركب قدام

زينب : السلام

محمد : عليكم السلام

ساره : شحواك محمد

محمد : بخير الحمد لله

و بعدين مشوا راحوا السوووق

في السياره

ساره : محمد نبغي نرووح ........... عشان نحجز فستان تدليه ؟

محمد : اي لا

ساره : اشوى عجل

و زينب طول الوقت ساكته

و صلوا المكان الي ياخدون منه الفساتين

و نزلت ساره و زينب

دخلوا و هناك الفساتين الكشخه معروضين

زينب :

ساره : اختاري

زينب : صبري باشووف توني داخله

البنيه الي تشتغل : من العروس .؟

زينب : اني

البنيه : خطوبه او زواج ؟

زينب : لا لا خطووبه

البنيه : عجل تعالي هني و بتلاقين فساتين توها نازله اخر موضه

راحت زينب و شافت انواع و اشكال من الفساتين الكشخه

و طاح عيونها على فستان وردي ,, هي ناويه تاخد وردي لا

زينب : باخد هذا عجبني

ساره : اي ,, حليو

و بعدين قعدوا يتكلمون وي البنيه عن الاجار و حاله

و حجزت ليها الفستان الوردي

بعدين ركبوا السياره

ساره : الحين تبغون تروحون وين ؟

زينب: ابغي اروح احجز صالون

محمد : اوكي

و وداهم و حجزا ,, وبعدين بعد راحوا حجزوا صاله و استديو للتصوير

و كل الاجراءات كملوها , وبقى عليهم يروحون سووق الذهب و يا عيني على الذهب

دخلوا المكان و وياهم محمد عشان يختارون الطقم و الدبل

ساره : يلا يا محمد انطق بچلمه ,, هي تحارسك تختار

محمد : انا عجبني هذا

زينب : اي واحد

محمد : هذا

ساره : الله الله ذوقك يا محمد مو سهل

زينب : حليو ,, عجبني

ساره : اكيد بيعجبش مدام مختارنه محمد

زينب :
محمد :

بعدين اخذوا الطقم و خلصوا المشواار و رجعوا البيت تعااااابه

و صلوا البيت

ساره : مع السلامه

محمد : اله يسلمش

زينب : مع السلامه

محمد : الله يسلمش

و دخلوا البيت ,, في دخلتهم هناك الجده

الجده : رحتون و جيتون و ما اخذتون الا هل الجيس بس ؟

ساره : رحنا كل نحجز ما نشتري ,, بس اشترينا ذهب

الام : باااشووف الطقم

زينب : ها

الام : حلاااااااوته ,, يبرق ,, اللهم صلي على محمد وآل محمد

زينب :

مريم : هاويش صاير ؟

زينب : مشتريه طقم الذهب

مريم : باشوفه , بلبسه

الام : وي ؟ هذا دون لأختش

مريم : احسب ليي

ساره : يا علي على الهباله

الام : يلا يا خلف عمري خشيه اهو

زينب : انزين

الام : اسمعي ,, متصله خالتش مستحمقه عليش

زينب : من ويش ما تستحمق عليي و السوسه فاره مخها عليي

الام : لا تقولين سوسه

زينب : الا سوسه و نص

علي : من هي السوسه ؟

زينب : مرتك

علي : مي سوسه ,,ندى طيبه اطيب منش و احسن منش

زينب : شفتين اماه ,, ندى سيطرت عليه و فرت راسه بعد ... تالي بتفر راسه عليش ,, جاينش الدور

علي : هي انتين حدش ها ,, انا محترمنش لانش على ذمة رجال جان من زمان كفختش هني

زينب : اذا مسيتني بتشووف

الام : بس روحي حجرتش ويش هل الحاله ,, و انت علي اسكت

علي : انا اصلا بطلع الحين

زينب : اطلع ,, ابركها من ساعه

و هم جدي و يرن تلفون زينب محمد متصل

تقوم زينب تروح حجرتها

مريم : هذا اكيد محمد

الام : و انتين ويش يهمش خليها ولا تراقبينها

مريم : اني ويش قلت يمه

ردت زينب على التلفوون

زينب : الوو

محمد : هلا

زينب : هلا و غلا

محمد : هههههه عجبش صدق الذهب .؟

زينب : ايييي لان انت مختارنه

محمد : انا اصلا ما اعرف شي بس قالت ليي اختش اختار شفته في ويهي و اخترته

زينب : و لو , بس لانك اخترته عجبني

محمد : اسمعي ,, الليله نبي نطلع

زينب : انزين ,, وين بنروح

محمد : السينما

زينب : اوكي

محمد : بمر عليش الساعه 9 ,, ويش تبغين تطالعين ؟ يعني تبغين كوميدي , رومانسي , اكشن , رعب ويش تبغين ؟

زينب : رومانسي

محمد : انزين

و قعدوا يهدروون واااااااااجد ,, ولا يشبعون من بعض مساكين بحسدهم

تالي بألف وقعه سكرو التلفوون

طلعت زينب برا

الام :
زينب :

مريم : باروح وياكم

زينب : ويش دراش بنطلع ؟

مريم : سر المهنه

زينب : قولي تصوختين

مريم : اي

زينب: هذي اخر مره لش تتصوخين

الام : مريم ,, مره فانيه لا تتصوخين فاهمه

مريم : لويش

الام : عيب

زينب : والله

الام : وين بتروحين زنوب الليله وي خطيبش؟

زينب : السينما

الجده : ها ,, السينما ؟ حرررااااام ,, لا تروحين و تطالعين مناكر

زينب : يلا عاد ,, ويش يسكتها

الجده : لا تروحين

زينب : مو على كيفش ,, بروح وي خطيبي مو بروحي

الجده :

الام : عادي يا عمتي

الجده : خلكم ,, اني امرت بالمعرووف و نهيت عن المنكر ,, ما يهمني

جت الليل و قعدت زينب تجهز و تتكشخ ,, بتطلع وي الحبيب هع

و قعدت تحارسه

و محمد في الطريق جاي ليها

وصل محمد و قعد يضرب هرن احم

طلعت زينب و ركبت السيااره

زينب : هااااي

محمد : هااااياات

و قام محمد يمشي السياااره و حط اغاني

محمد : هل الاغنيه اذا اسمعها اتذكرش

زينب : ههههه ليش

محمد : ما ادري ,, ايام التلفونات وياش كل اسمعها

زينب: ههههههه

محمد : لان الحب فطر قلبي شسوي

زينب :

و قعد محمد يمشي السياااره لين ما وصلوا السينمااا

دخلوا هناك و اخذوا بطاقات و دخلوا ,, اخدوا فلم روووومااااانسي هع

عاد زينب و محمد وراهم صبياان مرااهقين هههههه تعرفون المراهقين له ما يسوون سوايه قاعدين يفوشروون على بنات صوبهم صدق ما يستحوون

واحد من الصبياان يقول الى رفيقه : تصدق انا احب الافلام الاكشن و الرومانسيه

رفيقه : ايييي عشون عيل ,, احم

صبي فاني : سكتوا الحين ببدي الفلم

محمد : والله حاله الله يعينا عليهم طول الفلم ,, كل شي بعلقون عليه بعدين

زينب :

بعديبن بدأ الفلم و الكل اصتاخ له يطالعه

و فعلا كل شي يصير في الفلم يعلقون عليه الصبياان ويضحكوون كروه

بعدين سكتوهم لان يمللون

و خلص الفلم و طلعوا

زينب : حليو الفلم

محمد : اي قصته حليوه تقريبا مفلنا

زينب : امممم , بس غير شوي يوم يتعرف عليها

محمد : اي

بعدين راح وياها مطعم عشان يتعشوون

محمد : ويش تبغين تاكلين

زينبب : اي شي

محمد : لا تستحين اطلبي زنووب

زينب : ابغي مثلك

محمد : انا باخذ ....... و ...... تبغين مفلي ؟ قولي لا تستحين

زينب : اي ابغي مثلك

محمد : اوكي بناخد بعد عصير و سويت

زينب : اوكي

بعدين جابوا ليهم الطلبيه و قعدوا ياكلوون

بعدين خلصوا وركبوا السيااره و وصلها البيت

زينب : مع السلامه

محمد : الله يسلمش ,, تيك كير

دخلت زينب البيت الا صخه كلهم نامو بس امها قاعده تحارسها

زينب : اماه مقعده للحين

الام : ما اعرف انام و انتين ما جيتين البيت

زينب : يا بعد عمري يا امي ,, هداني جيت

الام : استانستين ؟

زينب : اي طالعنا فلم حليو و تعشينا

الام : اي ,, عليكم بالعافيه

زينب : الله يعافيش

الام: باجر ندى معزومه على الغذا

زينب : بل

الام : صيري زينه وياها انزين ؟

زينب : اذا تعلفت بتعلف بها

الام : بس حاولي ما تسوين هوشه وياها ما نبى مشاكل

زينب : بشووف ,, يلا اماه تصبحين على خير

الام : و انتين من اهل الخير

راحت زينب تنااام و قبل لا تنام طلعت صورة محمد و قعدت تطالع في جماله

زينب : قمر

و بعدين نامت و هي تفكر فيه << الحب ويش نسوي بعد

و قعدت الظهر الساعه 1

طلعت برا الا مريم تراكض مني و مناك ويش صاير

زينب : مريم ويش فيش تراكضين

مريم : لان ندى بتتغذى ويانا

زينب : الحمد لله والشكر و الفرح يسوي فيش جده ؟

مريم : كيفي والله احب ندى

زينب: وي من قال لش لا تحبينها حبيها

و هم جدي الا علي جاي وي ندى

مريم : هي هي ندى جت هي هي

ندى : شحوالش مريم

مريم : زينه تعالي قعدي في الحجره

و جودت مريم ايد ندى و تسمت فيها

ندى : شحوالش زينب

زينب:

ندى :

و راحت قعدت في الحجره

الام : زينب امشي جهزي ويايي

زينب : اني توني عرووس و العروس ما تشتغل

مريم : هي انتين ما اخطبتين جان تقولين عرووس

زينب : بس بعد عرووس

الجده : اهوا حطوا غذا نبى ناكل جواعا

الام : الحين الحين بنحطه

بعدين حطوا الغذا و يكرمون في ندى و يجيبون صوبها كل شي و يقولون ليها اكلي و يدلعونها

زينب : مريم جيبي دقوووس ,, كل شي منصبينه صوب هي

ندى : تفضلي

زينب : اني قلت الى مريم مو الش

ندى :

الام : ما صار شي

الجده : هذا ويش من صواقع ؟

الام : ويش صاير عمتي

الجده : متروووس فلفل اني ما اقدر آكله

الام : اي لان صوبش مريم تارسه صوبها كل فلفل

الجده : عجل باقوم بقعد هني

الام : امشي

زينب : وييي على المصاعه الفلفل اصلا مو حار بس نكهه

الجده : لا الا حار يشلوط

زينب : عجل الله يعينش على ما بلاش

الام : زينب

زينب : زين ما يمدينا ننطق بچلمه

ندى : هههههه حتى جدتي ما تشتهي الفلفل ما تقدر عليه عادي

زينب : << تدور چلمه تقهر ندى

الام : ايي

مريم : لانهم عجايز

الام : مريم

مريم : لويش يستحمقون اذا قلنا ليهم عجايز هم عجايز صدق

الجده : يلا انطمي انتين

مريم :

زينب :

ندى : ههههههه

زينب : انتين ويش فيش تضحكين بالفوول ,, تفلتين عليي ويع

ندى مسكينه انحرجت

ندى : اسفه

زينب : اسفه هي وين اصرفها ؟

الام : زينب

زينب : اففففف اماه چيفه اسكت و هي تفلت عليي تفال لوع جبدي

و راحت زينب تسوي روحها كلش الله يغربلها تتعلف بندى مسكينه

بعدين طلعت و راحت حجرتها

عقب مده خلصوا من الغذا و راحوا الصاله يطالعون تلفزيوون

و ندى مسكينه رايحه تغسل مواعين طيبه و على نياتها

الام : يوو ندى لا تغسلين خلهم عنش اني بغسلهم

ندى : لا عاادي خالتي اني بغسلهم

و حاولت لام وياها و لا في فايده تبغي تغسلهم

طلعت زينب برا

الابو : زينب بتي اغسلي ليي هل القلاااص

زينب : ان شاء الله

راحت ليها

زينب : فجي بغسل قلااص حق ابويي

و الهبله غسلته مو عدل

الابو : هذا ويش يا زينب حتى القلاص ما تعرفين تغسلينه مو مغسول عدل

زينب : مو اني الى غسلته هذي ندى

ندى:

زينب : جيب بغسله اني ابويي

راحت زينب و غسلته عدل ما عدل

زينب : ابويي تفضل

الابو : اي هذا الغسال العدل مو هذاك

زينب : اي هذاك ندى غسلته

ندى استحمقت و حس في قلبها و جتها الصيحه بس جودتها

و راحت الى زينب في حجرتها

و زينب تتكلم وي محمد

طقطقت ندى الباب

زينب : حمودي لحضه بشوف الباب

فتحته الهي ندى قامت زينب تتدلع عليها

زينب : الوو حبيبي حمودي الحين بسكر التلفوون و بعدين بتصل لك اوكي ؟

محمد : اوكي

زينب : نعم ويش تبغين خليتيني اقطع كلامي وي حبيبي على حسابش

ندى :اولا : ما يحتاج تفوشرين بحبيبش لان عندي اني بعد حبيب ثانيا مو من حقش تجدبين على عمي و تقولين له ان اني الي غسلت القلاص مو عدل

زينب : و الله عاد انتين الي غسلتينه مو عدل اني ما جدبت

ندى : جدبتين ,, اني ابغي اعرف ليش تسوين ليي جدي مو احنا كنا ربع ليش من ديك اليوم تهاوشتين ويايي

زينب : لا تسوين روحش ما تفهمين ,, ترى انتين ساحره وعقربه تحت الحصير من تحت لتحت تسوين روحش طيبه وانتين ما فيش اسم الطيب ,, اظهري على حقيقتش

ندى : انتين تتكلمين عن ويش مو فاهمه شي

زينب : ويش يخصني فهمتين لو نار تحرقش ,, يلا برا اطلعي من حجرتي

ندى : ويش السالفه فهميني

زينب :
و ندى و زينب يتهاوشون و يقوم يرن تلفون زينب ,, طبعا محمد متصل ليها

زينب : اوكي اذا عندش حجي قوليه ليي بعدين لان الحين ابغي اتكلم وي خطيبي

ندى : لا ,, الحين ابغي اقوله ما ابغي أأجل

زينب : ويييييي اطلعي اطلعي ما ليي خلقش اففف

ندى : يعني ما تقدرين تقولين له ان عندش كلام وي بنت خالتش ؟

زينب : لأ ,, ما ابغي اكسر بخاطره توه متصل ليي و اقوم اطلع له اعذاار تافهه

ندى : ويش قصدش

زينب : قصدي الي فهمتينه يلا براا

ندى: اني بطلع ,, بس حسابي للحين ما صفيته وياش

زينب : اففف برااااا ,, طلع لش لسان بعد

بعدين طلعت ندى و ردت زينب على التلفون

محمد : زنوب ؟ ويش فيش ما تردين

زينب : هذي ندى بت خالتي مأذيتني كل تتعلف و تتهاوش ويايي

محمد : للحين ما تطيقون بعض؟

زينب : اي

محمد : من الي يبدي بالهواش ؟

زينب : اكيد هي

محمد :

زينب : تمللني

محمد : انزين انتين صيري وياها زينه و حاجيها ها

زينب : احاجيها ؟

محمد : اي ويش فيها

زينب : محمد انت تدري ان اني ما اشتهيها چيفه احاچيها

محمد : عشان خاطري

زينب : كل شي و لا كسار خاطرك يا الغالي

محمد : بتحاچينها؟

زينب : بشووف

محمد : ما عندي خاطر عندش ؟

زينب : بلى عندي و نص .. بس ابغي اعرف شي

محمد : ويش

زينب : انت ليش تدافع عنها

محمد : هههههههه

زينب : ليش

محمد : بل صحتين ؟ بسم الله عليش لا تصيحين

زينب : عجل ليش كل تبغاني اصالحها و تستانس ليها و .. و...

محمد : والله ما احبها ,, ويش فيش

زينب : بلى

محمد : دلع عيني دلع ,, دلع روحي دلع يناسبها الدلع

زينب :

محمد : هل عندك شك انك احلى و اغلى امرأة في الدنيا .. هل عندك شك ؟

زينب : ههههههه الا صرت كاظم الساهر ,,, صوتك عسل

محمد : اصلح مغني .؟

زينب: وي حتى لو تصلح ما بخليك

محمد : لويش

زينب : بكبرك حليو و تصير مغني .. تبغي البنات ياخدونك مني لا لا تخسي

محمد : ما تفوتين شي ,, دااهيه

زينب :

محمد : انزين زنووب صدق ها حاجيها

زينب : بصالحها على شانك بس

محمد : عمري المطيعه

زينب :

محمد : اقوول الليله تعالي بيتا

زينب :
محمد : بمر عليش و بوديش بيتنا عشان تشوفين بيتنا و تشوفين الشقه

زينب :

المهم قعدوا يسولفوون واجد وبعدين سكروا التلفون

طلعت زينب الصاله و هناك ندى قاعده

زينب : ندى تعالي

ندى: نعم

دخلوا الحجره

زينب : سامحيني ندى ,, اني غلطانه في حقش و اتمنى ان نرجع مفل اول

ندى: مسمووحه يا بت خالتي

و بعدين صاروا زينين وي بعض مفل اول و قعدوا يسولفون

مريم : ندى قاعده وي زينب ؟

زينب :

مريم : يعني تصالحتون

زينب: اي تصالحنا

مريم : باروح اقول الى امي و علي

راحت مريم تخبرهم

الام : صدق ,, الحمد لله

علي : زين ان شاء الله دووم

جت الليل

و زينب معدله و مكشخه و مكيجه

الام : زينب على خير ؟

زينب : بروح بيت خطيبي له

الام : لويش ما قلتين ليي

زينب : هداني اقول لش

الام :

مريم : باروح وياااش عااااد

زينب : تجين ويايي ؟

مريم : اي ابغي اشوف ايمان

زينب : انزين الحين لويش تصيحين ؟

مريم : لان ابغي اروح

زينب : عاد صحتين لو لا ما بوديش

ويجي محمد ديييييد ديييييييد

زينب : يلا ماه مع السلامه

الام : الله يسلمش

مريم :

طلعت برا زينب و ركبت السياره

محمد : هلا هلا

زينب : هلا وغلا

محمد : هكم بيتنا يحارسونش

زينب : صدق

محمد : اي ,, اول ما ندخل بچبون على رجايلنا ماي ورد و مشموم

زينب : ادري

وصلوا بيت محمد و من دخلت زينب الباب الا كلهم يصفقون وينفرون حلاوه على العروسين

زينب :

ام محمد : بالمبارك كلووووووووووووووييييييي

و بعدين چبوا عليهم ماي ورد و مشموم و سلموا على بعض و دخلوا داخل

و قعدت زينب وياهم و جابوا ليها القدووع و بعدين بعد عشوووها

فاطمه : زينب ,, ويش لون فستان مال الخطوبه

زينب: ههههه بخليه مفاجأه ليكم

محمد : انزين قولي ليي انا

زينب : تدري اني ما ابغي اقول ليهم عشان انت لا تعرف

محمد : و انا اقوول

فاطمه :

الحلقه الاخيـــــــــــره

****************************************
مرت الايام مر السحاب و جا اليوم الي زينب تروح فيه الصالون حق ليلة الخطوبه

قعدت مريم الساعه12

مريم : امااه ,, زينب راحت الصالون ؟

الام : اي من زماان و انتين في سابع نومه

مريم : احنا متى بنرووح ؟

الام : يعني متى فدمتش ؟ بنتغدى و بنرووح كل مره جدي

مريم :ساره وين ؟

الام : في حجرتها

راحت مريم الى ساره

مريم : ساره ,, انتين بتروحين ويانا الصالون .؟

ساره : اي كلنا حتى خالتي في مثل الصالون الي فيه زينب

مريم : اها

ساره : يلا روحي اسبحي لان بعدين بنتغذى و بنروح

مريم : انزين

و زينب في الصالون قاعده تاكل اجبااس حضرتها و وياها ندى

بعدين تغذوا بيت حجي ناصر و خلصوا و تجهزوا

مريم : امااه ,, شعري احط فيه كريم لو لا ؟

ساره : لا تحطين فيه شي لأن بسشورونه يا الهبله بس مشطيه

مريم : انزين

علي : ما جهزتون انتون انا عندي اشغال بعد لا

الام : جهزنا يا حبيبي

ساره : تدلي الصالون ؟

علي : اي هدانا مودي ندى

ساره : اها

بعدين جهزوا كلهم و ركبوا السياره

وصلهم علي الصااالوون

الام : رحم الله والديك ويسر الله لك

ساره : مشكوور علي حبيبي

مريم : مع السلامه

دخلوا الصالون و هناك زينب مبديين في شعرها فيه الرولات

مريم : انتين هبله لويش صابغه شعرش

زينب : ويش فيها لو صبغته يعني

مريم : بس حليو لون الصبغه

زينب : مشكووره

مريم : اماه شوفي بصبغ شعري جدي

الام : مافي ويلا سكتي

المهم بعدين قعدوا في الصالون واجد يسوون شعرهم و يكميجونهم

و جت الساعه 8 , زينب جهزت

صايره حليوه كشخه ,, و فستانها كان اروع من الفساتين حتى البنات الي في الصالون انبهروا من حلاوته ,, وفستانها كان لونه
فوشي (( وردي غامق )) مع وردي فاتح مرعص بالفصوص الورديه اللامعه على الصدر و على الجوانب و عند الخصر ,, ومكياجها كان رووعة ,, واللي زاد من جمال عيونها الكحل المرسوم حوليها كان بطريقة فينة ودقيقة ,, أما عن التسريحة كانت تجنن ولا أروع ,, لان شعرها طويل وناعم فما حبت ترفعه بالكامل ، طلبت من الموظفة تسوي لها تموجات على طول شعرها وتخليه على الجنب وبالزاوية وقريب من أذنها حاطه 3 ورود ورديه طبيعية ومن نفس نوعية الورود الي في الباقه ، وحطت فوق راسها الطرحه لونها وردي فاتح نفس لون الفستان ومرعص فيها فصوص من نفس النوع .. و طلعت ويش حلاوتها
اتصلت الى محمد عشان يجي ليها و يروحون الاستديو يصورون

محمد : هلاا بالعروووس

زينب : هلا حمود .. تعال الصاالون ليي عشان نروح نصور

محمد : جهزتين

زينب : اي توني جاهزه و اتصلت لك

محمد : اوكي الحين باجي لش

الام : ساره انتين بجي لش خطيبش ؟

ساره : اي و باخد ويايي مريم عشان انتين و ندى و خالتي وي علي

الام : اي

ساره : الحين بجي ؟

زينب : اي بنروح الاستديو نصور

بعدين جا محمد

ديد ديد

ساره : هكو جا ,, يلا زينب

زينب : لبسيني المشمر الاخضر و فوقه الدفه

ساره : انزين

زينب : لا تتعفس التسريحه حاسبي

ساره : لا ما بتتعفس ,, امشي بروح وياش السياره

زينب : انتون متى بتروحون الصاله

ساره : عقب شوي لان كلنا جهزنا بس امي عليها المكياج

زينب : انزين

و ساعدت ساره ختها زينب في ركووب السياره ,, لان فستانها مال عرووس ,و مو فستان عادي تعرفون يعني

و السياره مالت محمد مزينه بالزينه

ركبت زينب وي محمد و محمد متكشخ لابس بدله ويش حلاوتها

محمد : الله الله , ويش هل الحلاوه

زينب : حلوت ايامك

بعدين محمد قعد يمشي وحط اغنية :: كل ما تكبر تحلى ,, تصير احلى و احلى :: و هو يغني وياها و يطالع في زينب

زينب : انت موتك كاظم الساهر

محمد : اي لان اغانيه فن

بعدين وصلوا الاستديو ,, و صورو لمدة 3 ساعات

و هناك الفلبينيه تقول ليهم سوو جدي و جدي و هم مساكين يسوون , و يطخطخونهم صور

بس لو تشوفون الحركات طلعت حلوه فلته

نرجع لبيت حجي ناصر و الخاله و ندى

ندى : يلا هكو جا علي عشان نروح الطاله

الام : يوو جا ..

ساره : اي يلا اماه ,, يحارسكم

طلعت ندى و الام والخاله و ركبوا السياره و راحو الصاله

مريم : و ان شاء الله احنا متى نروح ؟

ساره : يو الحين بجي محمد ويش فيش

مريم : اتصلي له

ساره : انزين

اتصلت ساره الى محمد خطيبها

محمد خطيبها : الحين جاي ليكم

ساره : اوكي

مريم : بجي ؟

ساره : اي الحين

بعدين جا محمد و ركبوا السياه و راحو الصاله

وصلوا الصاله و هناك الصاله فيها خوات محمد و اهله و اهل زينب بس للحين ما جو المعازيم ,, و توهم واصلين الا جايه الملايه الي تغني في الحفله و قعدت تقرأ المولد و بدأو الناس يجون الصاله شوي شوي لييييييين ما انترس المكان بالنسوان و الجهاال و الفوضه

و مريم كالعاده تراكض وي ايمان << زين ما ينشق فستانها مره فانيه

و ساره واقفه وي ندى و الام واقفه وي الخاله و ام محمد يسولفوون مستانسين ,, و لابسين الفياب الكشخه و تساريحهم بعد حليوه ويش حلاوتها كشخه كشخه

و الموضفات يوزعون الوجباات والعصير و الحلاوه

بعدين قعدت الملايه تغني : يا باني الغرفه على السيف بنها على ساس قويه ,, محمد مجمع له الافات ناوي على عرس البنيه

الام : كلللللللللللللللللووووووووووووووووووويي

و كل حين تغني الملايه اغنيه فانيه : هلي هلي هلي يا نجمة البحرين هلي هلي هلي عروسنا من وين ,, من لبنان لا لا لا من الامارات لا لا لا من البحرين اي نعم اي نعم هذي عرووس الزين

سمها غدير لا لا لا ,, سمها ايمان لا لا لا ,, سمها زينب اي نعم اي نعم هذي عروس الزين

و مريم المشدوخه هي و ايمان مو مسويين سوايه كل ياخدون وجبات

مريم : اني اخدت فلاف وجبات

ايمان : اني بعد

مريم : امشي نروح نراكض على المسرح

ايمان : يلااااا

بعدين جت الساعه 11 و جو المعاريس

الام : جو المعاريس

و تقوم الفوضه في المكان كل من يبغي يشوف العرووس كلهم يوقفوون و الجهال كلهم تاكضوا عشان يشوفون الملاك الهي العرووس يعتبرونها ملاك

ساره : ويش هل الغفصه انزحوا شوي بندخل العرووس ما يمديها حتى تتنفس

زينب : ساره تعالي عدلي طرحتي

ساره : انزين ’’ هل الجهال غافصينا غفااص

و زينب مجوده ايد محمد ,, و الباقه في الايد الفانيه و لو تشوفون محمد جيفه مستحي و في نفس الوقت مستانس

بعدين جو اهل محمد و زينب وراهم يزفوووونهم

و المايه تغني : يا هلا ويا مرحبا بجية الزينه يا هلا و يا مرحبا باركوا لينا ,, لا اله الا الله ,, حضر محمد وعلي و الشر عنه ينجلي

و الناس يصفقوون و يجببون و يغنون

الملايه : بارك الينا يا علي بارك بارك

و مريم و ايمان يصفقوون ويتقمزووووون

مريم و ايمان : زنووب دللوها دللوها بغت حموود عطوها عطوها

بعدين ركبوا المسرح و قام محمد شال الطرحه من على زينب

و بعدين لبسها الدبله وقام الصفااااق و التجبب

و نفروا حلاوة و مشموم و بيزات عليهم و مريم تلاقف هي و ايمان

مريم : حصلت ربيتين

ايمان : اني فلاف

و محمد و زينب يضحكون

بعدين لبسها الطقم كاامل ,, و افنينهم مستحيين ,, وبعد تالي قصوا الكيكه و مريم تبغي قطعه منها

الام : تالي بنعطيش سكتي و مرض

مريم :

الهي جايه الجده تصفق و تغني و تقول : اعطونا من هل الكيكه

الام : تالي عمتي

وقاموا زينب و محمد يأكلون بعض من الكيكه يشربون بعض من العصير

و عقب ما خلصوا من جدي قامت الام عطت مريم تودي العصير و هي الهبله اخدته تبغي توديه بدفاشه و يقوم وينكسر واحد منهم

ندى : يوو ويش سوتين يا مريم

مريم : اني كنت ما ادري و انكسر

الام : ويش هل الحاله ,, لازم بلوى وياش خليه بتشيله الفلبينيه

مريم : انزين

تالي قاموا النااس جوا يباركون الى العرووس و المعرس و من ضمنهم ابرار راحت تلم على زينب

ابرار : الف الف مبروووك

زينب : الله يبارك فيش

ابرار : مبرووك

محمد : الله يبارك فيش

بعدين صورو الاهل صوره جماعيه على المسرح

و قعدوا الاهل و يصفقوون وااااجد للعروسين

هذي احدى الصور لمحمد و زينب

عاشوى حياة سعيده و جابوا بت اسمها حنان و ولد اسمه عبدالله

و هذي ساره و محمد ,, جابوا ولدين ناصر و احمد ,,

ندى و علي جابوا توام بنات سموهم بيان و بينات

و عاشو كلهم حياااه سعيده مليئه بالحب و الفرح و السعاده

و اشكركم على حسن المتااابعه

و اتمنى انكم استمتعتوون بقصة محمد و زينب

روعه
يسلمووووووووووووووووو ع القصه

مشرف المساهمات : 1863 تاريخ التسجيل : 17/06/2008

خلف جبدي .. اني قريتها من قبل ..
بس حبيت ان اشكرش على المجهوووووووووووووود
وربي ترجعين بسلامه

عجيييبه

يسلمووو دانة ونتنضر جديدش

رووعه

يسلمووو وننضر جديدش

يسلمووو ع المرور والله يعطيكم الف عافية

ويش الامة

انا الصرحه ماقرات الموضوع كامل بس نتضر الجديد