وهل من قارئ ...

في الخاطر بادرني سؤال.....
سؤال عن جملة أحوالك وبسأل عن مواعيدك ، عوافي عليك وكيف حالك..؟؟
شغل بالي البعاد عنك وعز علي ترحالك
دوام تلقاني بشتاق ليك ياريت لو كنت في بالك..

****************

معاك بتوه خطاوي الشوق ، نمشي في سكة الاقدار لا بنخاف قدر باكر ولا بنشيل شقى الايام..
نقابلك وانت اجمل وعد ونفارقك وبرضو مشتاقين

***************

شوق لعيونك سابق ظني.. وفي لحطات يتفجر مني..
ويبقى يدندن شوق ويغني...
يا انسان بالجد واحشني.

**************

لما نشتاق لي عيونك والحنين جوانا يرعد
تبقى اجمل منية لينا انو وجهك لينا يسعد
منتظر ياغالي عودتك ولينا شوفتك احلى موعد

**************

نسأل عليك برق القبل ريحة المطر،
نسأل عليك كل النجوم،
نرجاك تهل بدل القمر،
وبنسأل عليك ضل الضحى وأطفال صغار
متلمة في ساعة سمر....

**************
سماحة الدنيا نتلاقى بعد فرقة وشتات ونوى..
نقعد جنب بعض و نتشايل همومنا سوا..
نضحك على الزمن لأنو الضحكة ذاتها دواء.....

**************

الطلة منك لينا عيد ، ياعيدنا طالت وقفتك،
الناس بتسأل وين تكون..؟؟؟ والناس بكت
يوم شافتك...
والحالة عرفوك من بعيد..!!!!
كيف القريب من ألفتك..؟؟؟؟؟؟؟؟

*************

ياربي هل ذاكرني زي مافيني عاشت ذكرتك؟؟
ولا المسافات والظروف والدنيا قدرت نستك..؟؟؟؟
والله كل مايمر صباح تنزف جراحات فرقتك، واكتب بدمي ليك
وأرسم و ألون لوحتك..
كم مرة في اليوم مشتهيك وأنا في حضرتك بشتهيك.

************





ولينا موعد ثاني أنشاء الله

مشكوور اتخووووووي وماتقصر