ادخل او شوف برجك...

الصراحه الموضوع عجبني او اضحكني
ونشاء الله يعجبكم وضحكم مثل ما ضحكت انا....



20/1/ الى 18/2/
برج الخوصه:
هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. أو ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ..

19/2/ الى 20/3/
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فلافه انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي أو ما فيه مخ ..

21/3/ الى 19/4
برج الدوشغ:
من اسمه امبين عليه اطبانة نوووم .. يحب الحياه ويحب يدور في سيارته (توهندرد) ويا رفقاته الشله يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..

20/4/ الى 20/5/
برج فانيله مخططه:

هدا واحد شايت الدنيه جوتي .. اكل أو نوم أو كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..

21/5/ الى 21/6/

برج الغرشه:

مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. ايحب ايشوف كل الناس معرسين مفله .. فيه عيب واحد .. القص .. ايحش واجد..

22/6/ الى 22/7/
برج الباميه:

احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ) أو كل يوم سياره جديده ويا الدريول ماله راجو .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي) ..


23/7/ الى 22/8/
برج الدفه:
صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. ايموت في شي اسمه السيف ياطالع ياداش يا داش يا طالع .. واجد ايروح سوق الاربعه .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم) ..


23/8/ الى 22/9/
برج العوسج:
هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل) ..

23/9/ الى 22/10/
برج السجين:
واحد دكي وغبي في نفس الوقت ( شفيها ركبها ما اعرف ) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه تعرفه من بعيد ..


23/10/ الى 21/11/
برج السعفه:

واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات ايروح من صباحة الله خير يشتري خبز دبل ويقعد يطحن ويا شاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..

22/11/ الى 21/ 12/
برج الموتر:
شخص غريب الاطوار .. لو تقعد وياه ما يعطيك لا حق ولا باطل .. يحب الكوره في شبة الشمس .. اتشوفه مبدل ويروح الحوطه يقعد اليه شوي .. يحب الناس كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..


22/12/ الى 19/1/
برج الباغلا:

هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه وأشرد بسرعه عنه لا يعديك .. لانه سمعت الك خبر انه هالايام الابراج تعدي .. وخصوصاً برج الباغلا ..

آنه برجة الغرشة



يسلمووووو على الموضووع الجميل

العفو حاضرين للغاليين

او مشكورة على مرورج خيوتي..

تحياتي mr.6ai6oi

برجي الفانيلة المخططة,,,
الصراحة ما صدقت الا في جملة وحدة ,,,
مشكوور على الموضوع

ههههههههه....

تراني امزح مب من صجي ....

يسلمو اخوي على مرورك..

تحياتي..mr.6ai6oi

انه برجي العووسج


يسلمووووووووووووو اخووي mr.6ai6oi

العــــــــــــــــــوسج...
امممممممممممم....

انشاء الله فيه شي يناسبج... ...
مشكورة خيوتي العفريته على مرورج..

تحياتي mr.6ai6oi

برجي السعفة .. خ خ خ

بس كللش مافي ولا شي مني .. هـهـهـهـهـهـهـهـ ..

يسلمووو ع الموضوع ..



تحياتي ..

بــلـلـل بـرجـي الباغلا
هـهـهـهـهـهـه مـــأســاة
مشكووور اخوي

تــحــياتي,,

بل انا برجي السجين حده يفشل


مشكور اخوي mr.6ai6oi

العفـــــــــــــــوا.... خواتي ..$$ دانة البنات $$ ... محرقاوية ... M!sS F


او لاتخاذونها على محمل الجد .. ترة هاذي فكاهة او من عندي ... او مشكورين على مروركم..

تحياتي